Levítico 26:8 - Qheshwa Biblia DC

⁸ Qankunamanta phishqalla pachaj runasta ayqechinkichej. Qankunamanta pachaj runastaj chunka waranqa runasqa ayqechenqanku. Jinamanta qankunaj ñaupaqeykichejpi enemigosniykichejqa espadawan t'ojsisqas wañuranqanku.

DIOSPA QHELQACHISQAN DEUTEROCANONICAL

⁸ Qankunamanta phishqalla pachaj runakunata ayqechinkichej, jinallataj pachajlla chunka waranqata ayqechinkichej. Awqaykichejqa qankunaj ñawpaqeykichejpi espadawan wañuchisqa kanqanku.

DIOSPA QHELQACHISQ

⁸ Qankunamanta phishqalla pachaj runakunata ayqechinkichej, jinallataj pachajlla chunka waranqata ayqechinkichej. Awqaykichejqa qankunaj ñawpaqeykichejpi espadawan wañuchisqa kanqanku.

Levítico 26:8 ပူးပေါင်းရင်းမြစ်များ

1 Crónicas 11:11

Kaykuna karqanku Davidpa allichaj soldadosnimpa sutisnin: Hacmonej wawan Jasobeam, chay kinsantin wawas wapu soldadosmanta kamachejkuna karqanku; uj kutipi payqa kinsa pachaj runasta lanzanwan wañuracherqa.

1 Crónicas 11:20

Joabpa hermanon Abisaeqa chay kinsa chunka ajllasqas kajkuna ukhupi kamachejninku karqa. Uj kutipirí maqanakoj churakorqa, lanzanwantaj kinsa pachaj runasta wañuracherqa. Jinamanta chay kinsa chunka soldados ukhupi may uyarisqa karqa.

Ester (hebreo) 9:16

Rey Asuero kamachisharqa chay llajtaspi tiyakojkuna judiosqa tantakullarqankutaj tukuy enemigosninkuwan maqanakunankupaj, atipaspataj qanchis chunka phishqayoj waranqa runasta wañuracherqanku. Chaywampis, imasninkuchus karqa chaykunataqa mana jap'ikaporqankuchu.

Levítico 26:7

Qankunaqa enemigosniykichejta ayqechinkichej, paykunataj ñaupaqeykichejpi espadawan t'ojsisqas wañuranqanku.

Zacarías 12:8

Noqa Señor waqaychasaj Jerusalempi tiyakojkunata. Aswan kallpayoj kajkunamanta rey David jina kallpasapasman tukonqanku, Davidpa ayllunmanta kajkunataj Dios jina karenqanku, Señorpa angelnin jinataj paykunaj ñaupaqenkuta renqanku.

Números 14:9

Chayrayku ama Señorpa contranta oqharikuychejchu, amataj manchachikuychejchu chay jallp'api kaj runasmanta. Paykunataqa t'antatapis mikhushasunman jina atipasun. Paykunamanta jark'akojqa mana pipis kanchu, noqanchejwanri Señor kashan. Chayrayku ama manchachikuychejchu.

Números 31:4

Sapa ayllumanta waranqa runas maqanakoj richunku.

Deuteronomio 28:7

Señor atipachisonqachej tukuy enemigosniykichejta. Paykunaqa uj ñannejllata maqanakoj jamusonqachej, waj wajmantaj ch'eqerasqas ayqenqanku.

Deuteronomio 32:30

Imaynamantataj uj runalla waranqa runasta qhatiykachayta atinmanri? Imaynamantataj iskay runaslla chunka waranqa runasta ayqechiyta atinkumanri? Ajina kanqa jark'akojtinku paykunata saqerpayasqanrayku, Señorninku enemigosninkuman entregasqanrayku.

Josué 23:10

Qankunaqa ujnillaykichej ayqechiwajchej waranqa runasta, imaraykuchus Señormin qankunaj allinniykichejpi maqanakushan, imaynachus pay kikin nisqanman jina.

Jueces 15:15

Chantaqa manaraj allin ch'akisqa burro quijadata oqharikorqa, chaywantaj uj waranqa filisteosta wañuracherqa.