Levítico 25:18 - Qheshwa Biblia DC

¹⁸ Leyesniyta kasuychej, imatachus kamachisqasniytapis junt'aychej. Chaykunata allinta ruwankichej chayqa, tukuy sonqo allinta tiyakunkichej chay jallp'api.

DIOSPA QHELQACHISQAN DEUTEROCANONICAL

¹⁸ Kamachisqaykunata kasuychej, yachachisqaytapis ruwaychej, junt'aychejtaj. Chantá chay jallp'aykichejpi mana ni imata manchachikuspa, tiyakunkichej.

DIOSPA QHELQACHISQ

¹⁸ Kamachisqaykunata kasuychej, yachachisqaytapis ruwaychej, junt'aychejtaj. Chantá chay jallp'aykichejpi mana ni imata manchachikuspa, tiyakunkichej.

Levítico 25:18 ပူးပေါင်းရင်းမြစ်များ

1 Reyes 5:5

Kunanqa noqaqa ruwasaj niniña uj wasita Señor Diosniypaj, tatay Davidman Señor nisqanman jina: Qampa wawayki, pitachus cuentaykimanta tronoman churasaj, paymin ruwapuwanqa noqaj sutiypi uj wasita.

Salmos 103:18

Dioswan trato ruwasqankuta junt'ajkunapaj, kamachisqasninta waqaychaspa ruwajkunapajwan.

Salmos 4:8

Sirikuytawan puñuykapuni, imaraykuchus qanlla, Señor, sajramanta jark'awaspa kausachiwanki.

Proverbios 1:33

Pichus noqata uyariwajqa may kusisqa tiyakonqa, ni ima sajramanta manchachikuspa.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Jeremías 25:5

Paykuna nisorqachej: Saqeychej chay sajra puriyniykichejta, millay ruwasqasniykichejtapis; jinamanta tiyarikunaykichejpaj Señor qankunaman, jinataj ñaupa tatasniykichejman wiñaypaj qosorqachej chay jallp'api.

Jeremías 33:16

Jaqay p'unchaykunapi Judaqa salvasqa kanqa, Jerusalentaj sumaj waqaychasqa kausakonqa. Chaypacha sutinmanta wajyanqanku: Señormin cheqa kayninwan atipayninchejqa.

Ezequiel 33:29

Tukuy millay sajra imasta ruwasqasninkumanta chay jallp'ata thuñisqata, ch'in pampamantaj tukuchisaj, chaypacha yachanqanku noqa Señor kasqayta.

Levítico 19:19

Kamachiykunasniyta kasukunki: Uywasniykita ama waj uywastawan torochinkichu. Jallp'asniykipi ama tarpunkichu chajrusqa mujusta. Tukuy imamanta ruwasqa ch'ali p'achasta ama churakunkichu.

Levítico 19:37

Ajinaqa, tukuy kamachiykunasniyta, imastachus nisqasniyta allinta ruwaspa cheqanta junt'aychej. Noqamin Señorqa kani.

Levítico 25:19

Jallp'aqa sumajta poqopusonqachej, qankunataj chaykunata mikhurinkichej sajsakunaykichejkama. Jinata tukuy sonqo allinta tiyakunkichej.

Deuteronomio 12:10

Jordán mayuta chimpajtiykichej Señorqa qankunaman qopusonqachej, chay jallp'api tiyakunkichej. Chaypi Señor Diosniykichejqa muyuyniykichejpi kaj enemigosniykichejmanta jark'asonqachej, mana manchachikuspa kakunaykichejpaj.

Deuteronomio 33:12

Benjaminmantataj nerqa: Señorpaj may munasqa kajqa sumaj sonqo tiyasqa kausakuchun; patapi kaj Dios payta wiñaypajpuni jark'achun. Señorpa waqaychaynimpi tiyakonqa.

Deuteronomio 33:28

Israelpa miraynin sonqo tiyasqa kausakonqa. Chay jallp'asninkupeqa sumajta trigo, uvas ima poqonqa. Paraqa ni jayk'aj pisenqachu.