Levítico 22:32 - Qheshwa Biblia DC

^32-33 Ama llimphu sutiyta p'enqaypi qhawachinkichejchu, imaraykuchus ajinamanta noqaqa israelitaspa chaupimpi jatunchasqa kasaj. Noqamin Señorqa kani, pichus t'aqarqaykichej chay, Diosniykichej kanampaj Egipto jallp'amanta orqhomusorqachej, chay. Noqamin Señorqa kani.

DIOSPA QHELQACHISQAN DEUTEROCANONICAL

³² Ama llimphu sutiyta p'enqaypi qhawachinkichejchu, israelitakuna ukhupi manchay respetowan qhawasqa kananpaj. Noqamin Tata Diosqa kani, pichus qankunata noqapaj t'aqakorqaykichej, chay.

DIOSPA QHELQACHISQ

³² Ama llimphu sutiyta p'enqaypi qhawachinkichejchu, israelitakuna ukhupi manchay respetowan qhawasqa kananpaj. Noqamin Tata Diosqa kani, pichus qankunata noqapaj t'aqakorqaykichej, chay.

Levítico 22:32 ပူးပေါင်းရင်းမြစ်များ

Isaías 5:16

Tukuy Atiyniyoj Señorqa cheqan kajta atiyninwan rikuchenqa, Santo Diosqa llimphu kayninta rikuchenqa cheqanta ruwaspa.

Isaías 8:13

Tukuy Atiyniyoj Señorllata Santopaj qhawaychej; payllata manchachikuychej, payllata kasuychej.

Levítico 10:3

Chaymantataj Moisesqa Aaronman nerqa: Kaytamá Señorqa niyta munarqa kay jinata nishaspa: Noqaman qayllamuwajkunamanqa llimphu kayniyta rikuchisaj. Tukuynin israelitasman jatun lliphipiyniyta rikuchikusaj, nispa. Aaronqa ch'inlla karqa.

Levítico 18:21

Amapuni Moloc nisqa lantiman wawasniykita mayqentapis rikuchikuta jina qonkichu. Ama chay jinamanta Diosniykej sutinta qhesachankichu. Noqamin Señorqa kani.

Levítico 20:8

Kamachiykunasniyta kasuychej, junt'aychejtaj. Noqamin Señorqa kani, qankunatataj noqapaj t'aqakuykichej.

Levítico 21:8

Chayrayku paykunaqa tukuy imamanta karunchasqas kachunku, imaraykuchus paykunaqa rikuchiku t'antata Diosniykiman jaywanku. Qampajqa santos kanqanku, imaraykuchus noqa Señorqa santopuni kani, pichus qankunatapis paykunatataj santoyachini.

Levítico 22:16

Ama juchachakuchunkuchu chay jaywasqasta mikhuspa. Noqamin Señorqa kani, pichus qankunata t'aqarqani chay.

Levítico 22:31

Tukuy kamachisqasniyta kasuychej, junt'aychejtaj. Noqamin Señorqa kani.

San Mateo 6:9

Chayrayku qankunaqa, kay jinata mañakunkichej: Janaj pachapi kashaj Tatayku, sutiyki jatunchasqa kachun.

San Lucas 11:2

Jesustaj paykunaman nerqa: Diosmanta mañakuspaqa niychej: [Janaj pachapi kashaj] Tatayku, sutiyki yupaychasqa kachun. Reinoyki jamuchun. [Munayniyki ruwasqa kachun, imaynatachus janaj pachapi, ajinallatataj kay pachapipis.]

San Juan 17:17

Paykunata llimphuchay cheqa kajpi; palabraykeqa cheqapuni.

1 Corintios 1:2

Escribimuni kay cartata, Diospa iglesianman Corinto llajtapi kajman. Paykunaqa llimphuchasqas kanku Cristo Jesuspi, wajyasqas, juchamanta t'aqasqas kausanankupaj; mayllapipis Señorninchej Jesucristoj sutinta tukuy wajyakojkunawan ima. Payqa paykunaj Señorninku noqanchejpatapis.