Levítico 20:24 - Qheshwa Biblia DC

²⁴ Noqa niykichej dueños kanaykichejta chay runaspa llajtankumanta, noqa kikiy chay jallp'api qankunata mojonachisqaykichej, maypishus lechewan misk'iwan yaku jina corrishan chaypi. Noqamin Señor Diosniykichejqa kani. Tukuy llajtasmanta qankunata t'aqarqaykichej.

DIOSPA QHELQACHISQAN DEUTEROCANONICAL

²⁴ Noqa niykichej, chay llajtayojkunaj jallp'ankuta jap'ikapunaykichejta. Noqataj maypichus lechewan, abeja misk'iwan yaku jina purishan, chay jallp'ata qankunajta kananpaj qosqaykichej. Noqa Tata Diosmin qankunaj Diosniykichej kani, pichus waj suyukuna ukhumanta qankunata t'aqarqaykichej, chay.

DIOSPA QHELQACHISQ

²⁴ Noqa niykichej, chay llajtayojkunaj jallp'ankuta jap'ikapunaykichejta. Noqataj maypichus lechewan, abeja misk'iwan yaku jina purishan, chay jallp'ata qankunajta kananpaj qosqaykichej. Noqa Tata Diosmin qankunaj Diosniykichej kani, pichus waj suyukuna ukhumanta qankunata t'aqarqaykichej, chay.

Levítico 20:24 ပူးပေါင်းရင်းမြစ်များ

1 Reyes 8:53

Imaraykuchus qanqa paykunata ajllakorqanki chayaqeykipaj kay jallp'a patapi tukuy naciones ukhumanta, imaynatachus kamachiyki Moisesnejta nisqaykiman jina, maypachachus tatasniykuta Egiptomanta orqhomorqanki, Señor Diosníy, nispa.

Éxodo 13:5

Kay kikin killallapitaj yuyarikuspa qhochukuta Señorman ruwankichej, maypachachus Señor yachachisonqachej lechewan misk'iwan phullchisaj chay jallp'aman chaypacha; mayqen jallp'amantachus Señorqa orqhonqa cananeosta, heteosta, amorreosta, heveosta, jebuseosta ima. Chay jallp'ata Señorqa juraspa nerqa tatasniykichejman qonanta.

Éxodo 3:17

Chantaqa nillawantaj, Egiptopi may llakiyta ñak'arinaykichejmanta kacharichinasuykichejta; pusasunaykichejtataj lechewan misk'iwan yaku jina corrishan chay jallp'aman, maypichus tiyakushanku, cananeos, hiteos, amorreos, ferezeos, heveos, jebuseos ima, chayman.

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

Éxodo 33:1

Señorqa Moisesman nerqa: Kunanqa riy, wichariychej mashkha runastachus Egiptomanta orqhomorqanki chay runaswan; ima jallp'atachus juraspa nerqani qonayta Abrahamman, Isaacman, Jacobmanwan, mirayniykichejman qosaj kay jallp'ata, nispa, chayman.

Éxodo 33:16

Imapitaj yachakonqa qampi khuyakuyniykita tarisqayri, jinallataj israelita runasniyki imari? Manachu yachakonqa qan noqaykuwan purisqaykipi, manachu chanta yachakullanqataj noqata, israelita runasniykita ima kay mundopi tukuy laya runasmanta wajllaman t'aqawasqaykupi?

Éxodo 33:3

Qankunaqa riychej maypichus lechewan misk'iwan corrishan yaku jina chayman. Noqaqa mana qankunawanchu risaj; qankunawan riyman chayqa, ñampi tukuchiykichejman, imaraykuchus qankunaqa ancha rumi sonqo runas kankichej.

Éxodo 6:8

Noqa pusasqaykichej, ima jallp'atachus Abrahamman, Isaacman, Jacobman ima, chayaqenkupaj qosqaykichej nerqani chayman. Noqamin kani Señorqa.

Levítico 20:26

Qankunaqa noqa jina santos kanaykichej tiyan, imaraykuchus noqa Señorqa santopuni kani. Noqa qankunata ajllasqaykichej tukuy ayllusmanta, noqajta kanaykichejpaj.

Números 23:9

Kay chhanka patamanta paykunata rikuni, kay orqo patamanta paykunata rikushani. Kay runasqa sapallanku tiyakunku, tukuy runasmanta waj jina runas kanku.

San Juan 15:19

Mundojtachus kawajchej chayqa, mundoqa paypata kajkunata munakunman. Kunantaj mana mundojtachu kankichej, astawanqa noqa mundopi kajkunamanta ajllarqaykichej. Chayrayku mundoqa chejnisunkichej.

2 Corintios 6:17

Chayrayku llojsiychej paykunaj chaupinkumanta, t'aqakuychejtaj, nin Señorqa. Ama llankhaychejchu ch'ichi imasta, noqataj jap'ikapusqaykichej.

Deuteronomio 14:2

Qankunaqa Señor Diosniykichejpa ajllakusqasnin runas kankichej. Pay ajllakusorqachej tukuy naciones ukhumanta, paypata ajllasnin nisqa runas kanaykichejpaj.

Deuteronomio 7:6

Qankunaqa Señor Diosniykichejpa t'aqasqa ayllun kankichej. Señorqa ajllasorqachej kay jallp'a patapi tukuy ayllun ukhumanta, qankuna Señorpa k'ata munasqa ayllun kanaykichejpaj.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.