Levítico 19:31 - Qheshwa Biblia DC

³¹ Ama wañusqasta tapojkunamanqa qayllaychejchu, nitaj layqasmampis. Ama chaykunaman tapukuspataj ch'ichichakuychejchu. Noqa Señor Diosniykichejqa kani.

DIOSPA QHELQACHISQAN DEUTEROCANONICAL

³¹ Ama aysirikunata, nitaj layqakunatapis tapukunkichejchu. Sichus tapukoj rinkichej chayqa, ch'ichichakunkichej. Noqa Tata Diosmin Diosniykichej kani.

DIOSPA QHELQACHISQ

³¹ Ama aysirikunata, nitaj layqakunatapis tapukunkichejchu. Sichus tapukoj rinkichej chayqa, ch'ichichakunkichej. Noqa Tata Diosmin Diosniykichej kani.

Levítico 19:31 ပူးပေါင်းရင်းမြစ်များ

2 Reyes 17:17

Qhari wawasninkuta warmi wawasninkutawan ninaman ruphachispa layqa imasman adivinayman churakorqanku. Señorpa qhawaynimpitaj millay ruwaykunasmampuni churakorqanku, ajinapi Señorta mayta phiñachispa.

2 Reyes 21:6

Wawantapis ninapi ruphachispa jaywaykorqa, sajra espiritusta wajyayman churakorqa, suerte qhawayman, wañusqasta tapuyman layqeriosman ima. Ajinapi ashkha sajra imastapuni ruwaspa Señorta phiñaricherqa.

2 Reyes 23:24

Ajinallatataj chinkacherqa: Josiasqa tukuynin layqasta, yatiristawan qharqorqa, wasi lantista, tukuy imaymana millay yupaychanastawan. Judá jallp'api karqa, Jerusalempiwan chaykunata tukuyninta wijch'orqa, Señorpa wasimpi kuraj sacerdotej tarisqan libropi qelqasqa karqa chayta junt'anampaj.

1 Crónicas 10:13

Ajinatamin Saulqa wañorqa juchasninrayku. Payqa juchallerqa Señorpa kamachisqasninta mana kasuspa, uj yatiri warmita tapukamusqanraykutaj.

2 Crónicas 33:6

Jinataj Ben-hinom vallepi wawasninta jaywanata jina ruphacherqa, wañusqa runaspa espiritunta wajyaj, suertesta qhawaj, p'ajpaku jina ruwaj, layqasta, aysiristapis tapurej. Señorpa ñaupaqempi sinch'i sajrapuni ruwasqasnenqa karqa, Señorta sinch'ita phiñachinankama.

Éxodo 22:18

Layqa warmista cantomanta wañurachinki.

Isaías 29:4

Qantaj may k'umuykusqa rikhurinki, parlasqaykitaj jallp'a ukhumanta uj almajta jina uyarikonqa; parlasqaykipis jallp'a ukhumanta chhichimonqa.

Isaías 47:13

Ashkha yuyaychajkunawan sayk'usqaña kanki. Kunanqa qanta jark'akusuchunku, janaj pachata qhawajkuna, qoyllurkunamanta yachajkuna, killasta yupajkuna, ajinamanta qhepaman imaschus jamusunanta yachajkuna ima.

Isaías 8:19

Sichus chay runas nisonqachej: Tapuriychej wañusqaspa almasninta, chhichinakuspa parlaj layqasta ima, nispa chayqa, niychej: Manachu runasqa Diosnillankuta tapurikunkuman? Wañusqastarajchu kausajkunamanta tapurikunkuman?, nispa.

Levítico 19:26

Ama ni ima aychata yawarnintinta mikhunkichejchu. Ama adivino kayta yachaychejchu, nitaj qhepaman imaschus kanantapis yachaychejchu.

Levítico 19:3

Sapa ujniykichej respetachun tatanta, mamantawan. Jinallataj waqaychachun samarina p'unchaykunasniyta. Noqamin Señor Diosniykichejqa kani.

Levítico 20:27

Sichus uj qhari, chayri uj warmi wañusqasta tapunman, chayri layqakunman chayqa, rumiswan ch'anqasqa wañonqa. Chay wañunampajtaj paylla juchayoj kanqa.

Hechos 8:11

Runakunaqa Simompa nisqanta kasorqanku, unaytaña chay layqeriosninwan paykunata ch'aukiyarqa.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

1 Samuel 28:3

Chaypajwanqa Samuelqa wañupusqaña, tukuy israelitastaj wañupusqanmanta waqasqanku. Chaymantataj Ramá llajtapi p'ampamusqanku, chayqa paypa llajtampuni karqa. Chaypaj Saulqa chay yatirista wijch'usqaña, wañusqasman qhaparikoj kanku chaykunata.