Levítico 18:5 - Qheshwa Biblia DC

⁵ Nisqasniyta, kamachisqasniytapis kasunkichej. Pillapis chaykunata junt'ajqa kausanqa. Noqamin Señorqa kani.

DIOSPA QHELQACHISQAN DEUTEROCANONICAL

⁵ Nisqayta, kamachisqaytapis kasunkichej. Pillapis chaykunata junt'ajqa kawsanqa. Noqamin Tata Dios kani.

DIOSPA QHELQACHISQ

⁵ Nisqayta, kamachisqaytapis kasunkichej. Pillapis chaykunata junt'ajqa kawsanqa. Noqamin Tata Dios kani.

Levítico 18:5 ပူးပေါင်းရင်းမြစ်များ

Nehemías 9:29

Qantaj k'amej kanki leyesniykita watejmanta junt'aj churakunankuta. Paykunataj may kasqankuta yuyakuspa kamachisniykita mana kasojchu kanku. Nisqasniykitataj p'akej kanku, chay nisqasniykeqa kausayta qonka tukuy chaykunata, ruwajkunaman paykunataj qampa contraykita oqharikuspa, rumi sonqos kaspataj mana kasuta ruwarqankuchu.

Éxodo 6:2

Diosqa parlallarqapuni Moiseswan, nispa: Noqamin kani Señorqa.

Éxodo 6:29

Noqamin kani Señorqa. Rispa Egipto rey faraonman willamuy, imastachus noqa nisqayki chayta.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Isaías 55:3

Ningriykichejwan sumajta uyariwaychej, noqamantaj qayllamuwaychej. Uyariwaychej ari kausanaykichejpaj. Qankunawan wiñaypaj uj tratota ruwasaj, imatachus munakuyniywan Davidman nerqani, chayta junt'aspa.

Ezequiel 18:9

Kamachisqasninman jina purin, waqaychanta kamachiyniykunata maychus kajta ruwanampaj, cheqanta imatapis ruwanampaj. Kaymin cheqan runaqa, pay kausanqa. Noqa Señor kaytaqa nini.

Ezequiel 20:11

Chaypi leyesniyta paykunaman qorqani, kamachisqasniytapis rejsicherqani, chaykunata pillapis junt'ajqa kausanampaj.

Ezequiel 20:13

Astawampis israelitasqa ch'in pampapi contrayta sayarerqanku. Mana leyesniyman jinachu purerqanku, kamachisqasniyta qhesacharqanku. Chaykunata junt'aj runaqa kausanqa. Samakunay p'unchaykunasniytaqa manapuni kasuta ruwarqankuchu. Chayrayku noqa nerqani ch'in pampapi paykunata phiñakuyniypi tukuyninkuta chinkachinayta.

Ezequiel 20:21

Paykunaj wawasninkutaj contrayta jatarillarqankutaj. Mana kamachisqayman jinachu purerqanku. Yachachisqasniyta mana waqaycharqankuchu, nitaj junt'arqankuchu. Junt'ajqa kausayta tarenqa. Samakuna p'unchaykunasniyta mana kasorqankuchu. Chayrayku, noqa yuyarqani ch'in pampapi paykunaj patankuman k'ajaj phiñakuyniyta urmachimuyta, ajinamanta paykunapi phiñakuyniymanta samarinaypaj.

Levítico 18:6

Ni pi qharipis renqachu familianmanta kaj warmiwan puñuykakapoj. Noqamin Señorqa kani.

Malaquías 3:6

Señormin noqa kani; kikillampunitaj kani. Chayrayku qankuna, Jacobmanta mirajkuna, mana t'unasqachu karqankichej.

San Mateo 19:17

Paytaj kuticherqa: Imaraykutaj sumaj kajmanta tapuwankiri? Mana waj sumaj kanchu, Dioslla sumajqa. Wiñay kausayniyoj kaytachus munanki chayqa, kamachisqasniyta junt'ay.

San Lucas 10:28

Jesustaj nerqa: Allinta kutichinki, ajinata ruway, kausankitaj, nispa.

Romanos 10:5

Chayrayku cheqan kajmanta leynejta Moisés ajinata escriberqa: Pipis leyta junt'ajqa, paynejta kausanqa.

Romanos 7:10

Chay kikin leytaj kausaypaj karqa, noqapajtajrí wañuyta apamorqa.

Gálatas 3:12

Leyqa mana femantachu. Leyqa nin: Pipis kay imasta ruwasqanrayku kausanqa.

Deuteronomio 30:20

Señor Diosniykichejta munakuychej, kasuychej, Payllata qhatiychej. Ajinamanta kausayniyoj kankichej, unayta tiyakunkichej, chay jallp'api Señor Diosniykichej juraspa qonanta nerqa tatasniykichej Abrahamman, Isaacman, Jacobman ima, chaypi.

Deuteronomio 30:6

Señor Diosniykichejqa llimphuchanqa sonqoykichejta, mirayniykichejpa sonqosninkutapis, payta munakunaykichejpaj tukuy sonqoykichejwan, tukuy almaykichejwampis, ajinamanta kausanaykichejpaj.

Deuteronomio 4:1

Kunanqa, israelitas, sumajta uyariychej kamachiykunasta, chayman jina ruwanaykichejpaj. Jinamanta allinta kausakunaykichejpaj, ima jallp'apichus Señor, ñaupa tatasniykichejpa Diosnin qosonqachej, chaypi.