Levítico 18:26 - Qheshwa Biblia DC

²⁶ Qankunaqa israelitas, jinallataj qankunawan tiyakoj karu llajtayojkunapis kamachiykunasniyta, imastachus nisqasniytapis kasukunkichej. Qankunaqa ama ni mayqen kay millay juchasta ruwankichejchu.

DIOSPA QHELQACHISQAN DEUTEROCANONICAL

²⁶ Qankunarí, jinallataj qankunawan tiyakoj waj llajtayojkunapis, kamachisqayta, chantá nisqayta ima kasunkichej. Millachikunapaj jina ruwasqankumanta ama ni imata ruwankichejchu.

DIOSPA QHELQACHISQ

²⁶ Qankunarí, jinallataj qankunawan tiyakoj waj llajtayojkunapis, kamachisqayta, chantá nisqayta ima kasunkichej. Millachikunapaj jina ruwasqankumanta ama ni imata ruwankichejchu.

Levítico 18:26 ပူးပေါင်းရင်းမြစ်များ

1 Reyes 14:24

Chay jallp'api warmi jina qhenchachakoj qharis kallarqataj, chaykunata Señorqa israelitaspa ñaupaqenmanta wijch'orqa, paykunarí chay llajtaspa millay ruwasqankuta ruwallarqankutaj.

Levítico 17:10

Noqaqa pichus yawarta mikhojpa contrampi kasaj. Ni pi israelitas, nitaj karu llajtayojkuna qankunawan tiyakojkunapis yawarta mikhuyta atinkuchu ni imaynamanta. Chay mikhoj runaqa, ayllun ukhumanta chinkachisqa kanqa.

Levítico 17:8

Kikillantataj niy: Mayqen israelitallapis, chayri karu llajtayoj qankunawan tiyakoj ruphachikupaj rikuchikunta, chayri ima rikuchikullatapis jaywanman chayqa, manataj apamunmanchu Dioswan tinkukuna toldo punkuman rikuchikusninta Señorman jaywanampaj chayqa, chay runaqa ayllun ukhumanta chinkachisqa kanqa.

Levítico 18:25

Jinallataj chay llajtasninkupis millay ch'ichichasqas qhepakorqanku. Noqataj chay juchasninkumanta cuentata mañarqani. Chay jallp'aspis qharqomorqa chaypi tiyaj runasta.

Levítico 18:27

Kay tukuy millay juchasta ruwarqanku qankunamanta ñaupajta kay jallp'api tiyajkuna, chayrayku jallp'aqa millay ch'ichichasqa qhepakorqa.

Levítico 18:30

Chayrayku, noqaj nisqayta sumajta waqaychankichej. Ama qankunaqa urmankichejchu, qankunamanta ñaupajta karqanku chay runaspa millay ruwasqasninkuta ruwaspaqa. Nillataj chaykunawan ch'ichichakunkichejchu. Noqaqa Señor Diosniykichejqa kani.

Levítico 18:5

Nisqasniyta, kamachisqasniytapis kasunkichej. Pillapis chaykunata junt'ajqa kausanqa. Noqamin Señorqa kani.

San Lucas 11:28

Jesustaj kuticherqa: Diospa palabranta uyarispa kasojkunarajmá aswan kusikuyniyojqa kanqanku.

San Lucas 8:15

Sumaj jallp'api tarpusqa mujutaj ninakun, pikunachus sumaj sonqowan, cheqan yuyaywantaj Diospa palabranta uyarinku, jap'ispataj, pacienciawan sumaj poqoyta apanku.

San Juan 14:15

Munakuwankichej chayqa, kamachisqasniyta ruwaychej.

San Juan 15:14

Qankunaqa kausaqesniy kankichej, kamachisqasniytachus ruwankichej chayqa.

Deuteronomio 12:32

Kay tukuy kamachiykunamanta willasqasniyta ruwaychejpuni, ama yapaspa, nitaj qhechuspa.

Deuteronomio 4:40

Junt'aychej Diospa ley churasqasninta, kamachisqasnintawan, kunan p'unchay qoykichej chayta. Ajinamanta allin risonqachej, qankunaman, jinallataj mirayniykichejmampis. Unaytataj kausankichej chay jallp'api Señor Diosniykichej wiñaypaj qosonqachej chaypi.