Levítico 18:24 - Qheshwa Biblia DC

²⁴ Ama chay jinamanta millayta juchachakunkichejchu. Chay imaswan chay ayllus juchacharkorqanku, mayqenkunatachus kunan qankunaj ñaupaqeykichejmanta wijch'usaj.

DIOSPA QHELQACHISQAN DEUTEROCANONICAL

²⁴ Ama chaykunata ruwaspa ch'ichichakunkichejchu. Chay jina millayta ruwasqankurayku, noqa ñawpaqeykichejmanta chay millay runakunata qharqosaj. Imajtinchus chay runakuna chayta ruwaspa ch'ichichakorqanku.

DIOSPA QHELQACHISQ

²⁴ Ama chaykunata ruwaspa ch'ichichakunkichejchu. Chay jina millayta ruwasqankurayku, noqa ñawpaqeykichejmanta chay millay runakunata qharqosaj. Imajtinchus chay runakuna chayta ruwaspa ch'ichichakorqanku.

Levítico 18:24 ပူးပေါင်းရင်းမြစ်များ

Génesis 15:16

Tawa mita qhepata mirayniykeqa kay jallp'aman kutimullanqataj; imaraykuchus amorreospa sajra ruwaynenqa manaraj kaykamaqa chhikapunichu.

2 Crónicas 33:2

Payqa Señorpa naupaqempi sajra imasta ruwarqa, chay waj nacionespi millay ruwasqasninkuman jina; chaykunatarí Señorqa israelitaspa ñaupaqenmanta wijch'orqa.

Esdras 9:1

Kay imas tukukojtintaj, kurajkuna qayllaykamuwarqanku israelitas, sacerdoteswan, levitaswan ima ninawampaj: Kay jallp'api kaj runakunamanta mana t'aqakunkuchu: Cananeosmanta, hititasmanta, fereseosmanta, jebuseosmanta, amonitasmanta, moabitasmanta, egipciosmanta, amorreosmanta, ima. Paykunaqa kay runaspa millay ruwanasninta ruwanku.

Salmos 106:39

Ajinamanta paykunapis sapa ruwasqasninkuwan ch'ichichakorqanku, millay ruwasqankuwantaj qhenchachakorqanku.

Jeremías 44:4

Kutin kutinta kamachisniy profetasta qankunaman kachamorqaykichej willanasuykichejpaj millachikuni chaykunata amaña ruwanaykichejpaj.

Levítico 18:3

Egiptopi maypichus qankuna tiyakorqankichej, imastachus paykuna ruwanku chaykunata ama ruwankichejchu. Mayqenmanchus pusasqaykichej chay Canaán sutiyoj jallp'aj ususnintapis ama ruwankichejchu, nitaj kamachiykunasnintapis ruwankichejchu.

Levítico 18:30

Chayrayku, noqaj nisqayta sumajta waqaychankichej. Ama qankunaqa urmankichejchu, qankunamanta ñaupajta karqanku chay runaspa millay ruwasqasninkuta ruwaspaqa. Nillataj chaykunawan ch'ichichakunkichejchu. Noqaqa Señor Diosniykichejqa kani.

Números 35:34

Ama ch'ichichankichejchu maypichus tiyakunkichej chay jallp'ataqa; noqapis tiyakuni chayllapitaj. Noqa Señor, israelitaswan khuska tiyakusqayrayku.

1 Corintios 3:17

Sichus pipis Diospa templonta urmachinman chayqa, Diospis chay runata urmachillanqataj, imaraykuchus Diospa templonqa llimphu, chay templotaj qankuna kankichej.

Deuteronomio 12:31

Qankunaqa amapuni jinata ruwankichejchu Señor Diosniykichejpa contranta. Imaraykuchus, imastachus Señor mana munanchu ruwanata, chaykunata chay nacionesqa ruwanku dioskunasninkuta yupachaspa. Chay lantisninkuta ninawan jap'iykuchispa, wawasninkuta jaywanku chaypi ruphachinankupaj.

Deuteronomio 18:12

Señorqa millachikun chaykunata ruwaykunamantaqa. Señor Diosniykichejqa chay nacionesta ñaupaqeykichejmanta wijch'orqa chay millaykunata ruwayta yachasqankumanta.

Deuteronomio 9:4

Maypachachus ñaupaqeykichejmanta Señor Diosniykichej paykunata qharqonqa chayqa, ama sonqoykichejpi ninkichejchu: Noqanchej allin kasqanchejrayku Señorqa kay jallp'asman chayachimuwanchej, nispa. Señorqa chay runasta juchasninkurayku qharqon.

Deuteronomio 9:5

Mana qankuna allin kasqaykichejraykuchu, nitaj cheqan kajta ruwasqaykichejraykuchu, paykunaj jallp'asninkuta jap'ikapunkichej. Señorpuni ñaupaqeykichejmanta paykunata juchachakusqankurayku wijch'un junt'anampaj ñaupa tatasniykichejman Abrahamman, Isaacman, Jacobman ima imatachus nisqanta.

Jueces 20:10

Tukuy ayllusmanta, sapa chunkamanta ujta t'aqaychej, paykunaqa mink'asqas kanqanku soldadosman mikhunata apanankupaj; chay ujkunataj Gabaapi kajkunawan maqanakamonqanku chay millay juchata Israelpi ruwasqankurayku.

Jueces 20:5

Chay ch'isipachataj chay llajtamanta runasqa puñusharqayku chay wasiman muyuykamorqanku wañuchiwayta munaspa, jinamantari mana munashajta warmiyta abusarqanku wañuchinankukama.

Jueces 20:6

Chantá warmiypa ayanta khuchuspa t'aqararqani, chay t'aqastataj tukuy Israel aylluman aparacherqani. Jinamanta tukuyniykichej yachanaykichejpaj kay p'enqay wañuchiymanta.