Levítico 18:20 - Qheshwa Biblia DC

²⁰ Ama runa masiykej warminwan puñuykapunkichu, ajinamanta qanqa mana llimphupajchu qhawasqa kanki.

DIOSPA QHELQACHISQAN DEUTEROCANONICAL

²⁰ Ama runa masiykej warminwan puñuykunkichu, ama chayrayku ch'ichichakunaykipaj.

DIOSPA QHELQACHISQ

²⁰ Ama runa masiykej warminwan puñuykunkichu, ama chayrayku ch'ichichakunaykipaj.

Levítico 18:20 ပူးပေါင်းရင်းမြစ်များ

2 Samuel 11:27

Chay llakiy pasajtinñari, Davidqa kamacherqa palacionman pusamunankuta, chaypitaj casarakorqa, chanta uj qhari wawata nacechikorqa. Chaywampis Davidpa chay jinata ruwasqanqa, Señorman mana walejchu rijch'arqa.

Éxodo 20:14

Ama qhenchachakunkichu.

Proverbios 6:25

Ama k'achita kasqanqa sonqoykita suwasuchunchu, ama qhawaykachasqanwan atipachikuychu.

Ezequiel 18:6

Lomaspi lanti yupaychana cheqaspi mana jatun mikhunasta ruwaysikunchu lantista yupaychanpaj, nitaj Israelpa llulla dioskunasninkupi atienekunchu. Runa masimpa warminta mana qhechunchu, warmin killa yawarnimpi kashajtin mana qayllanchu.

Levítico 20:10

Sichus pipis runa masimpa warminwan puñuykapunman chayqa, chay qhenchachakoj qhari, jinallataj chay qhenchachakoj warmipis wañuchisqaspuni kanqanku.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Romanos 2:22

Wajkunaman ninki mana qhenchachakuna kasqanta. Qanrí manachu qhenchachakushanki? Lantikunata chejnikunki, imaraykutaj chantá lantej imasninta suwankiri?

1 Corintios 6:9

Manachu yachankichej mana cheqa kajta ruwajkuna, Diospa reinonta chayaqepaj mana jap'inankuta? Ama pantaychejchu, millayta purejkuna, lantista yupaychajkuna, qhenchachakojkuna, qhari kashaspa warmiman rijch'akojkuna, qharipura kakojkuna, ajinallataj suwaspis, mich'aspis, machajkunapis, maldicejkunapis, nitaj ch'aukiyajkunapis Diospa reinontaqa chayaqepaj jap'enqankuchu.

Gálatas 5:19

Sut'i kanku aychaj ruwasqasnenqa: Qhenchachakuy, ch'ichichakuy, millay puriy, lantita yupaychay, layqa kay, chejninakuy, maqanakuy, tumpanakuy, phiñanakuy, churanakuy, phiñanakuspa t'aqanakuy, waj yachachiykunata kasuy, chhoqonakuy, [runa wañuchiy,] machaykuna, qhochukuspi puriykuna, kayman rijch'akojkunapi ima. Chaykunata niykichej ama ruwanaykichejta, imaraykuchus ñaupajta nerqaykichejña. Kaykunata ruwajkunaqa Diospa chayaqenta mana jap'enqankuchu.

Deuteronomio 22:22

Sichus uj qhareqa casada warmiwan puñushaspa taripachikunman chayqa, iskayninku wañuchisqas kanqanku. Ajinamanta Israel ukhupi chay jina millay juchata chinkachinkichej.

Deuteronomio 22:25

Sichus uj doncella casarakunampaj uj qhariwan parlasqaña kashajtin, waj qharitaj campopi taripaspa paywan puñuykunman chay doncella mana munashajtin chayqa, chay qharilla wañuchisqa kanqa, chay warmej honranta t'akasqanrayku.

Deuteronomio 5:18

Ama qhenchachakunkichu.

Hebreos 13:4

Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.