Levítico 17:6 - Qheshwa Biblia DC

⁶ Sacerdoteqa chay uywaspa yawarninwan altar patata ch'ajchumonqa, mayqenchus kashan Dioswan tinkukuna toldo punku yaykuypi. Wirasnintataj Señorpaj ruphachenqa, chay ruphachispa jaywasqampa q'apaynintaj Señorpaj allin kanqa.

DIOSPA QHELQACHISQAN DEUTEROCANONICAL

⁶ Sacerdoteqa Dioswan Tinkukuna Toldo punkupi, Tata Diospa altarninta ñak'asqa uywaj yawarninwan ch'ajchonqa. Uywaj wiranta q'olachispataj, Tata Diosman jaywanqa, chay jaywasqaj q'apaynintaj Tata Diospa sonqonman jina chayananpaj kanqa.

DIOSPA QHELQACHISQ

⁶ Sacerdoteqa Dioswan Tinkukuna Toldo punkupi, Tata Diospa altarninta ñak'asqa uywaj yawarninwan ch'ajchonqa. Uywaj wiranta q'olachispataj, Tata Diosman jaywanqa, chay jaywasqaj q'apaynintaj Tata Diospa sonqonman jina chayananpaj kanqa.

Levítico 17:6 ပူးပေါင်းရင်းမြစ်များ

Éxodo 29:13

Chaymantaqa ch'unchulasninta, kukupisninta, lurunisninta ima orqhoy; jinaspataj kukupisninmanta wirachay, lurunisninmantawan; chay wirasnintataj altar patapi ruphachiy.

Éxodo 29:18

Jinaytawantaj tukuynin aychasninta altar patapi ruphachinki uj rikuchikuta jina sumaj q'apashajta Señorpa munasqanman jina, uj ofrendata Señorman jaywaspa.

Ezequiel 44:15

Aswampis, Sadocpa mirayninmanta levitasmanta kaj sacerdotes wasiypi imachus ruwanasta waqaycharqanku, Israel ayllu noqamanta karunchakusharqanku chaypacha. Chayrayku paykunaqa ñaupaqeyman qayllamuspa imatapis ruwapuwanqanku. Chantá ñaupaqeypipuni kanqanku untu wirasta, yawartawan jaywanawankupaj, nin Señorqa.

Levítico 17:5

Israelitasqa Señorman apamuchunku uywasninkuta, campopi ñak'ayta yachanku chayta Dioswan tinkukuna toldo punkupi sacerdote allinyanakuy ofrendata jaywanankupaj, jinamanta ama maypipis chay uywasta ñak'anallankupaj.

Levítico 3:11

Chaymantataj chaykunata sacerdote tukuynin altar patapi ruphachenqa mikhuna rikuchikuta jina Señorpaj.

Levítico 3:13

Chay rikuchikuta Señorman apamojqa, chay uywaj umanman makinta churaspa, Dioswan tinkukuna toldo punkupi ñak'anqa. Sacerdotestaj chay cabraj yawarninwan chay altar patata tukuy muyuynintinta ima ch'ajchumonqanku.

Levítico 3:16

Chaymantataj chaykunata sacerdote tukuyninta altar patapi ruphachenqa Señorpaj mikhuna rikuchikuta jina. Chay ruphachispa jaywasqampis q'apaynenqa Señorpaj allin kanqa. Uywaj tukuy wirasnenqa Señorpaj kachun.

Levítico 3:2

Chay rikuchikuta Señorman apamojqa, makinta churanqa chay uywaj umanman. Chaymantataj Dioswan tinkukuna toldo punkupi ñak'anqa. Sacerdotestaj chay uywaj yawarninwan ch'ajchonqanku chay altar patasninta tukuy muyuynintinta ima.

Levítico 3:5

Chaytaqa sacerdotes ruphachenqanku altarpi llant'a patapi ruphachisqa rikuchikutawan khuska. Chay ruphachispa jaywasqampa q'apaynenqa Señorpaj allin kanqa.

Levítico 3:8

Chay rikuchikuta Señorman apamojqa makinta churanqa chay uywaj umanman, Dioswan tinkukuna toldo punkupitaj ñak'anqa. Sacerdotestaj chay uywaj yawarninwan ch'ajchumonqanku chay altar patasta, tukuy muyuyninta ima.

Levítico 4:31

Chaymantaqa cabraj tukuy wirasninta wirachanqa, imaynatachus ruwanku allinyakuy rikuchiku wirawan ajinata. Sacerdoteqa ajinamanta chay rikuchikuta jaywanqa, chay runaj juchasninmanta. Juchasnintaj pampachasqa kanqa. Chay ruphachispa jaywasqampa q'apaynenqa Señorpaj allin kanqa.

Números 18:17

Kay kinsa laya uywaspa ñaupaj kaj uñasnintari ama imawampis trocachinkichu: Wakaspata, ovejaspata, cabraspata ima, chaykunaqa t'aqasqasña. Ñak'aspataj yawarninkuwan altar patata ch'ajchunki; wirasnintataj sumaj q'apashajta noqa Señorpaj ruphachinki.