Levítico 16:4 - Qheshwa Biblia DC

⁴ Linomanta ruwasqa p'achata churakuspa jamuchun Diospa tiyakunanman. Ukhunmampis churakuchun linomanta ruwasqa calzoncillosta, jinaspataj linomanta chumpiwan chumpikuchun. Umanmampis churakuchun linomqanta ruwasqa muru ch'uluta. Chaykunaqa llimphupaj qhawasqa p'achas kanku. Churakunampajqa ukhusninta yakuwan mayllakuchun.

DIOSPA QHELQACHISQAN DEUTEROCANONICAL

⁴ Ñawpajta Aaronqa tukuy ukhunta yakuwan mayllakuytawan, sacerdote p'achanta churakonqa: Linomanta ruwasqa p'achata, calzoncillota, chumpitawan. Umanmanpis linomanta ruwasqa chhoqo ch'uluta churakonqa. Chaykunaqa Diospaj t'aqasqa p'acha kanku.

DIOSPA QHELQACHISQ

⁴ Ñawpajta Aaronqa tukuy ukhunta yakuwan mayllakuytawan, sacerdote p'achanta churakonqa: Linomanta ruwasqa p'achata, calzoncillota, chumpitawan. Umanmanpis linomanta ruwasqa chhoqo ch'uluta churakonqa. Chaykunaqa Diospaj t'aqasqa p'acha kanku.

Levítico 16:4 ပူးပေါင်းရင်းမြစ်များ

Éxodo 28:2

Wauqeyki Aarompaj sacerdote p'achasninta ruwapuy, k'achata sumajtataj qhawasqa kanampaj.

Éxodo 29:4

Chaymantaj pusanki Aaronta wawasnintawan Diospa tiyakunan toldoman, chaypitaj chakisninkuta yakuwan mayllanki.

Éxodo 30:20

Chay jinata mayllakonqanku Dioswan tinkukuna toldoman yaykuspa, ama wañunankupaj; jinallataj ruwanqanku altarman qayllaspa ruphachina rikuchikuta Señorman jaywashajtinku.

Éxodo 40:12

Chaymantataj Aaronta wawasnintawan Dioswan tinkukuna toldo punkuman pusay, chaypitaj paykuna yakuwan mayllakuchunku.

Isaías 53:2

Chay runaqa Señorpa ñaupaqempi uj ch'illchisqa sach'a jina wiñarqa, uj ch'aki jallp'api saphi jina. Mana k'achituchu karqa payta qhawananchejpajqa, nitaj k'acha uyayojchu karqa payta munakunanchejpajqa.

Ezequiel 44:19

Jawa patioj jawankama, maypichus runas kashanqanku chayman llojsinankupajqa, ima p'achaswanchus Diosta yupaychana wasipi runastapis ruwarqanku chay p'achasta orqhokonqanku, Diosta yupaychana wasipi kashanku chay wasispitaj saqenqanku, waj p'achastataj churakonqanku, runasta chay llimphu p'achaswan ama llimphuchanankupaj.

Ezequiel 9:2

Chantá rikorqani, wichaynejpi kaj punkumanta sojta runas yaykumushajta, sapa ujninku armayoj karqanku. Paykunawan khuska lino nisqa yuraj p'achayoj runa jamusharqa. Chumpimpi churasqa kasharqa, imaschus qelqanapaj karqa chay herramientas. Paykuna yaykumuytawan broncemanta altar qayllapi sayarqanku.

Levítico 16:23

Chaymantataj Aaronqa Dioswan tinkukuna toldoman yaykonqa. Chaypitaj linomanta ruwasqa p'achasninta lluch'ukonqa, mayqenkunatachus churakorqa Diospa tiyakunanman yaykunampaj, chay kikimpitaj saqeponqa.

Levítico 16:24

Diospaj uj t'aqasqa cheqapi yakuwan mayllakonqa. Chaymantataj p'achasninta churaykukuspa llojsimonqa, paypa rikuchikunta Señorpaj ruphachenqa, israelitaspatapis ruphachillanqataj. Ajinamanta perdonta tarenqa paypa juchasninmanta, israelitaspa juchasninmantawan.

Levítico 16:32

Sacerdotepaj aceitewan jawisqa kajqa mayqenchus t'aqasqa karqa tatampa cuentanmanta sacerdote kanampaj chay kajqa, rikuchikuta jaywanqa juchamanta perdonta tarinampaj. Chantapis linomanta ruwasqa t'aqasqa p'achasta churakonqa.

Levítico 6:10

Sacerdoteqa p'achasta, calzoncillostawan linomanta ruwasqa churakunan tiyan. Chay ruphachisqa uywaj ushphasninta oqharispa altarpa ladonman churanqa.

San Lucas 1:35

Angeltaj kuticherqa: Santa Espíritu qanman jamonqa, Diospa atiynintaj llanthusonqa; nacej wawaqa ajllasqa sutichasqa kanqa Diospa Churin.

Filipenses 2:7

Pay kikin, Dios kayninta lluch'ukuspa, uj kamachi jina jamorqa runaman rijch'asqa.

Hebreos 2:14

Wawasqa uj yawarllamanta, uj aychallamanta kanku; ajinallatataj Cristopis, chaykunallamantataj kaspa, wañuynejta, wañuypa atiyninta jap'ejta atipanampaj, niyta munan, supayta.

Hebreos 7:26

Chay jina jatun sacerdotepuni allin kanan karqa noqanchejpaj; ajllasqa mana juchayoj, llimphu, juchasapakunamanta t'aqasqa, janaj pachamanta nisqapis, aswan jatumpaj churasqa.