Levítico 16:29 - Qheshwa Biblia DC

²⁹ Kay kamacheyqa qankunapaj wiñaypaj kanqa: Qanchis kaj killapi chunka días kashajtin sinch'itapuni tukuy sonqoykichejpi llakikunkichej ayunankichejtaj. Chay p'unchaypeqa ni imata ruwankichejchu, ni kikin llajtayoj israelitas, nitaj karu llajtayojkuna qankunawan tiyakojkunapis.

DIOSPA QHELQACHISQAN DEUTEROCANONICAL

²⁹ Kay kamachisqaqa qankunapaj wiñaypaj kanqa: Qanchis kaj killapi, chunka kaj p'unchaypi ayunankichej.Chay p'unchayqa ama ni ima ruwanaykichejta ruwankichejchu, ni kikin llajtayoj, nitaj qankunawan tiyakoj waj llajtayojkunapis.

DIOSPA QHELQACHISQ

²⁹ Kay kamachisqaqa qankunapaj wiñaypaj kanqa: Qanchis kaj killapi, chunka kaj p'unchaypi ayunankichej.Chay p'unchayqa ama ni ima ruwanaykichejta ruwankichejchu, ni kikin llajtayoj, nitaj qankunawan tiyakoj waj llajtayojkunapis.

Levítico 16:29 ပူးပေါင်းရင်းမြစ်များ

1 Reyes 8:2

Tukuynin Israelmanta runastaj rey Salomonwan tantaykukorqanku, Etanim nisqa chay killapi, chayqa qanchis kaj killa karqa, chaypacha may jatun raymita ruwarqanku.

Esdras 3:1

Qanchis kaj killapi, israelitasqa, sapa ujpis llajtankupi tiyakusqantawan, Jerusalempi tukuyninku tantakorqanku uj runa jinalla.

Esdras 8:21

Chay qhepata Ahavá mayu qayllapi ayunota ruwanaykuta nerqani juchasniykumanta Diosniykoj ñaupaqempi k'umuykukunaykupaj, paymanta mañakunaykupaj, allillanta pusanawaykuta, familiasniykuta, jinallataj tukuy kapuwajniykutapis.

Salmos 35:13

Chaywampis paykuna onqosqa kashajtinku, noqa llakiy qhashqa p'achawan p'achallikorqani. Mana mikhuspa llakisqa kasqayta rikucherqani, sonqoy ukhupitaj Señormanta mañakullarqanipuni.

Salmos 69:10

Waqajtiy, ayunajtiypis asipayawanku.

Éxodo 12:16

Ñaupaj diata Señorman qonkichej, jinallataj qanchis kaj diatapis paytapuni yupaychaspa. Chay diapeqa ama imatapis ruwankichejchu, imatachus sapa uj mikhunkichej chayllata wayk'ukuychej.

Éxodo 20:10

Qanchis kaj p'unchayrí Señor Diosniykimanta yuyarikuspa yupaychanapaj. Chay diapi ni imata ruwankichu, ni qan, ni qhari wawayki, ni warmi wawayki, ni qhari kamachiyki, ni warmi kamachiyki, ni uywasniyki, nitaj waj llajtayoj qankuna ukhupi tiyakojpis.

Éxodo 30:10

Chay altarqa t'aqasqapuni kanan tiyan Señorpaj. Chay altarpi wajras patapi Aaronqa uj rikuchikuta jaywanqa uj kutillata sapa wata, juchas pampachasqa kanampaj. Chaytaqa uj kutillatapuni ruwanqa Aaronqa sapa watapi, uywaspa yawarninwan chay altar patapi juchas pampachasqa kanampaj. Chaytaj Señorpajqa may t'aqasqamin kanqa.

Éxodo 31:14

Samarikuna p'unchayta waqaychaychej, imaraykuchus qankunapajqa respetana p'unchayqa. Pichus chay p'unchayta mana waqaychajqa, wañuchisqa kanqa. Chantapis, pichus chay p'unchaypi llank'ajqa ayllun Israel ukhumanta chinkachisqa kanqa.

Éxodo 31:15

Sojta p'unchayta llank'allanqanku, qanchis kaj p'unchaypitaj samarikonqanku Señorta chay p'unchaypi yupaychaspa. Chayrayku pichus chay p'unchaypi llank'ajqa cheqamanta wañonqa.

Isaías 58:13

Sichus samakuna p'unchaypi mana purinkichu, nitaj ajllakusqay p'unchaypi munayniykita ruwankichu, ninkitaj chay p'unchayqa Señorpa sumaj p'unchaynin kasqanta; chay p'unchaypichus payta yupaychanki, mana imatachus munasqaykita ruwaspa, mana qampa munasqaykita mask'aspa, manataj qampa palabrasnillaykitachu parlaspa kanki chayqa, may kusisqa tarikunki Señorman parlaspa; chay jallp'aj jatuchaj orqosninman noqa wicharichisqayki. Noqa mikhuchisqayki tataykej Jacobpa chayaqen jallp'api. Kaytaqa kikin Señorman nisunki.

Isaías 58:3

Imaraykutaj ninkichej: Noqaykoqa ayunayku, qantaj mana qhawariwaykuchu; noqaykoqa sonqoykuta llamp'uyachiyku, qantaj mana uyariwaykuchu, nispari? Qankunaqa ayunashaspa munasqaykichejta ruwankichej, chay p'unchaypipuni peonesniykichejtapis astawan llank'achej tukunkichej.

Isaías 58:5

Noqaqa ajinatachu ayunota ruwanaykichejta munarqani, runa llakisqa kasqanta rikuchinan p'unchaypi? Qankunapajqa niytachu munan totora qhora jina k'umuykunata, chayri qhashqa p'achata churakuspa ushpha patapi puñunata? Chaytachu qankunaqa ayuno nispa sutichankichej, Señorpajtaj allin kananta yuyankichej?

Daniel (hebreo) 10:12

Chaypacha niwarqa: Ama mancharikuychu, Daniel. Qanqa ñaupaj p'unchaymantapacha, mana entiendeyta atikoj imasta yachayta munaspa, Diosman k'umuykukuyta yuyaychakorqanki. Chaymantapacha, Dios uyarisorqa paymanta mañakusqaykita. Chayrayku noqa jamorqani.

Daniel (hebreo) 10:3

Allin kaj mikhuytapis mana mikhorqanichu, mana aychata llamerqanichu, nitaj vinotapis. Nillataj q'apaj jawinawampis churakorqanichu, chay kinsa semanas tukukunankama.

Levítico 23:21

Chay kikin diallapitaj qankunapis ruwankichej sumaj tantakuyta, chaypachataj ama imatapis ruwankichejchu. Kay kamacheyqa tukuy mirayniykichejpaj wiñaypaj kanqa, maypichá tiyakunkichej chaypi.

Levítico 23:3

Sojta p'unchayta llank'anki, qanchis kaj p'unchaypitaj mana imatapis ruwankichu. Chay p'unchayqa qampaj uj sumaj p'unchay kanqa samarikunaykipaj. Sumaj tantakuytaj kanqa. Maypichá tiyakunki chaypi chay diaqa samarikunaykipaj, Señorta jatunchanaykipajtaj kanqa.

Levítico 23:36

Qanchis kaj p'unchaykunapi rikuchikusta Señorpaj ruphachinkichej. Pusaj kaj p'unchaypitaj tantakunkichej Señorta yupaychanaykichejpaj. Chanta Señorpaj rikuchikusta ruphachillankichejtaj. Chay p'unchayqa fiesta p'unchay, chayrayku ama imatapis ruwankichejchu.

Levítico 25:9

Qanchis kaj killapi chunka día kashajtin, carneroj wajrasninmanta putututa tocankichej tukuy chay jallp'aykichejpi, mayqen diachus Señormanta perdonta tarina p'unchaypi.

Levítico 3:17

Kayqa ley jina unaypaj churasqa sapa kuti ruwanapaj miraymanta miraykama kanampaj. Maypichá tiyakunkichej chaypi amapuni wirata, nitaj yawartapis mikhunkichejchu.

Números 29:7

Chay kikin killapi chunka día kashajtin, Diosta yupaychankichej tantakuspa. Chay diapi mayta llakikuspa ayunaspataj Diosmanta mañakunkichej, amataj imatapis ruwankichejchu.

Hechos 27:9

Mana usqhayta risqaykuraykutaj, anchata qheparikorqayku; barcopi rinapajtaj mana walejñachu karqa; ayuno tiempopis pasaporqaña. Chayta yachaspataj Pabloqa ñaupajmanta paykunaman unanchacherqa, nispa: Reparani kaymanta ñaupajman ñak'ariykuna jamunanta. Cargata chinkachisun, barcotapis; noqanchejpajpis mana walejchu kanqa.

1 Corintios 11:31

Noqanchejchus allinta qhawarikusunman sonqonchejta chayqa, mana juchachasqaschu kasunman.

Hebreos 4:10

Pichus samakuyninman yaykorqa chayqa, ruwasqasninmanta imaynatachus Diospis samakunña, ajinata.

1 Samuel 7:6

Israel aylloqa Mizpa llajtapi tantakorqa, chaypitaj yakuta orqhospa Señorpa ñaupaqenman jich'arqanku. Chay tukuy diaqa ayunarqanku, nerqankutaj: Señorpa contranta juchallikuyku. Chay Mizpa llajtapimari Samuelqa israelitasta kamachinampaj churasqa karqa.