Levítico 15:31 - Qheshwa Biblia DC

³¹ Ajinata qankunaqa israelitasta chay ch'ichi kay ninkumanta karunchachinkichej, chay jinamanta ama wañunankupaj, maynejpichus noqa paykuna ukhupi kashani chayta ch'ichichasqankurayku.

DIOSPA QHELQACHISQAN DEUTEROCANONICAL

³¹ Ajinata qankunaqa israelitakunata ch'ichi kayninkumanta yachachinkichej. Mana jina kanman chayqa, paykunaqa tiyakunay toldota ch'ichichasqankumanta wañunkuman, nispa.

DIOSPA QHELQACHISQ

³¹ Ajinata qankunaqa israelitakunata ch'ichi kayninkumanta yachachinkichej. Mana jina kanman chayqa, paykunaqa tiyakunay toldota ch'ichichasqankumanta wañunkuman, nispa.

Levítico 15:31 ပူးပေါင်းရင်းမြစ်များ

Salmos 66:18

Sajrata yuyayman karqa chayqa, Señor manachá uyariwanmanchu karqa.

Ezequiel 23:38

Kaytawan paykuna ruwawarqanku: Chay p'unchaypi Diosta yupaychana wasiyta ch'ichicharqanku, samakuna p'unchayniytapis mana kasuta ruwarqankuchu.

Ezequiel 44:23

Sacerdotesqa aylluyman cheqan kajta yachachenqanku, mana cheqan kajtapis. Jinallataj ajllanan tiyan llimphu kajta millay kajtapis.

Ezequiel 5:11

Chantapis Señorqa nin: Noqa kausayniyrayku jurani, tiyakunay cheqanta chhika millay juchaswan ch'ichichasqaykirayku noqapis qanta qhesachasqayki, mana perdonasqaykichu, nitaj khuyakusqaykichu.

Daniel (hebreo) 9:27

Uj semanatawan, chay reyqa tratota ruwanqa ashkha runaswan. Chaupi semanamantataj rikuchiku uywa jaywanata, ofrenda qonatapis sayachenqa. Uywata wañuchispa Diosman jaywana altarpa ñaupaqempi ashkha millay imasta ruwanqanku, imachus ruwakunampaj nisqaña karqa chay, millay imasta ruwachejpa patanman urmamunankama.

Levítico 11:47

Chanta rejsinkichej ch'ichi kajta, mana ch'ichi kajtapis, ima animalestachus mikhunamanta, ima animalestachus mana mikhunamantawan.

Levítico 13:59

Kaykuna kanku imaynatachus ruwanamanta kamachiykuna, chay qorwariyasqamanta, millmamanta ruwasqa p'achaspi, linomanta ruwasqs p'achaspi, awasqaspi, qarasmanta imachus ruwasqaspipis. Ajinamanta yachanankupaj kay imas llimphuchus, chayri millay ch'ichichus kasqankuta.

Levítico 15:32

Kaykuna kanku kamachiykuna qharej mujun llojsimojtillampuni, chayri uj kutita llojsimojtimpis, chayrayku mana llimphupajchu qhawasqa kanqa.

Levítico 19:30

Samarikuna p'unchaykunasniyta waqaychaychej. Tiyakunay cheqatapis llimphupaj qhawaychej. Noqamin Señorqa kani.

Levítico 20:3

Noqa chay runaj contran kasaj, chinkachisajtaj ayllusnin chaupimanta, tiyakunayta jinallataj santo sutiytapis ch'ichichasqanmanta wawanta, Molocman jaywaspa.

Levítico 21:23

Tiyakunay wasita ama p'enqaypi qhawachinampajqa velo qayllaman, altar qayllamampis amapuni chimpanqachu. Noqamin Señorqa kani, pichus paykunata noqapaj t'aqarqani chay.

Números 19:13

Sichus ima runapis ima ayata llankhajqa, manataj llimphuchakunchu chayqa, Dioswan tinkukuna toldota ch'ichichan, chayrayku chay runa israelitas ukhumanta chinkachisqa kanqa. Paypa patanman mana llimphuchakuy yakuwan ch'ajchusqa kasqanrayku payqa ch'ichipaj qhawasqa kanqa.

Números 19:20

Pichus ajina mana ch'isimpaj llimphuchakonqachu chayqa, ayllusnin ukhumanta chinkachisqa kanqa, Dioswan tinkukuna toldota ch'ichichasqanmanta, chay llimphuchakuy yakuwan mana ch'ajchuchikusqanrayku, ch'ichipaj payqa qhawasqa kanqa.

Números 5:3

Chaykunata jawaman orqhochunku qharispis warmispis kachunku. Ajinamanta jaraqa llimphupaj qhawasqa kanqa imaraykuchus noqa paykunaj chaupinkupi kashani.

1 Corintios 3:17

Sichus pipis Diospa templonta urmachinman chayqa, Diospis chay runata urmachillanqataj, imaraykuchus Diospa templonqa llimphu, chay templotaj qankuna kankichej.

Deuteronomio 24:8

Lepra onqoymantaqa ruwaychej imaynatachus sacerdote levitas kamachisusqaykichejman jina. Chaytaqa kikintapuni ruwaychej, imaynatachus noqa paykunaman kamachisqayman jina.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?

Judas 1:4

Wakin runasqa pakayllamanta yaykumorqanku. Paykunamantaqa ñaupajmantapachaña Escrituras willarqanku juiciopaj juchachasqas kasqankuta. Paykunaqa mana manchachikuyniyoj kanku, Diosninchejpa khuyakuynintapis millay kausayninkuman tukuchinku. Kamachej sapan Diosta, Señorninchej Jesucristotapis qhesachanku.

1 Samuel 3:14

Chayrayku juraniña Eléj ayllumpa contrampi, juchasnenqa mana jayk'ajpis pichasqachu kanqanku, ni rikuchikuswan, nitaj ofrendaswampis.