Levítico 14:45 - Qheshwa Biblia DC

⁴⁵ Chayrayku chay wasitaqa urmachichunku. Rumisninta, k'aspisninta, tukuy jallp'antawantaj, llajtamanta jawaman q'opa jinch'anaman wijch'umuchunku.

DIOSPA QHELQACHISQAN DEUTEROCANONICAL

⁴⁵ Jina kajtenqa, wasita thuñiykonqanku. Chantá ruminta, k'aspinta, tukuy jallp'antawan llajtamanta jawaman, q'opa jich'anaman wijch'umonqanku.

DIOSPA QHELQACHISQ

⁴⁵ Jina kajtenqa, wasita thuñiykonqanku. Chantá ruminta, k'aspinta, tukuy jallp'antawan llajtamanta jawaman, q'opa jich'anaman wijch'umonqanku.

Levítico 14:45 ပူးပေါင်းရင်းမြစ်များ

2 Reyes 10:27

Chanta Baalpa lantinta p'akerqanku, wasintapis urmacherqanku. Chaytataj jisp'ana cheqaman tukucherqanku, kunankamataj jina kashan.

2 Reyes 18:4

Payqa loma patapi altaresta chinkacherqa, rumi lantistapis t'unarqa, Aseraj lantisnintapis t'unararqa, Moisespa broncemanta ruwasqan kataristapis t'unamucharqa. Israelmanta runasqa chay tiempokama inciensota q'osñichillajpuni kanku. Chayta suticharqa Nehustán, nispa.

Jeremías 52:13

Paytaj Diosta yupaychana wasita ruphaykucherqa reypa palacionta, chantá llajtapi tukuynin wasistapis, astawanqa allin rejsisqa runaspa wasisninkuta.

Ezequiel 5:4

Chay chujchasllamantataj wakinta jap'iytawan ninawan ruphachiy. Chaymantaqa nina llojsenqa israelitakunaj contrampi.

Levítico 14:41

Chanta kamachillanqataj chay wasi ukhuta tukuyninta khitunankuta. Chay khitusqankumanta jallp'atataj llajtamanta jawaman q'opa jich'anaman wijch'umunankuta.

Levítico 14:46

Pillapis chay wasiman yaykojqa, sacerdote qanchis p'unchayta wisq'achispa kashajtin chayqa, chay runa mana llimphupaj qhawasqachu kanqa ch'isiyaykuykama.

San Mateo 22:7

Reytaj chayta uyarispa phiñakorqa, uj tropa soldadosnintataj kacharqa, chay runa wañuchista tukuchinankupaj; llajtankutataj ruphaykuchinankupaj.

San Mateo 24:2

Jesustaj paykunaman nerqa: Rikunkichejchu kay tukuyta? Cheqamanta niykichej, kaypeqa mana uj rumillapis rumi patapi qhepakonqachu; tukuynin pampachasqa kanqa.

Apocalipsis 11:2

Temploj jawampi kaj patiota saqellay. Ama midinkichu; imaraykuchus gentilesman qosqa kashan, pikunachus ajllasqa llajtata, tawa chunka iskayniyoj killata saronqanku.