Jueces 9:57 - Qheshwa Biblia DC

⁵⁷ Ajinallatataj Diosqa Siquem llajtapi kaj runaswan pagachikorqa tukuy sajrata ruwasqankumanta. Jinamanta junt'akorqa paykunapi Jerobaalpa wawan Jotampa maldicisqanqa.

DIOSPA QHELQACHISQAN DEUTEROCANONICAL

⁵⁷ Ajinallatataj Diosqa Sichem llajtapi kaj runakunatapis jasut'illarqataj tukuy millayta ruwasqankumanta. Jinamanta junt'akorqa paykunapi Yerubaalpa churin Yotanpa maldicisqan.

DIOSPA QHELQACHISQ

⁵⁷ Ajinallatataj Diosqa Sichem llajtapi kaj runakunatapis jasut'illarqataj tukuy millayta ruwasqankumanta. Jinamanta junt'akorqa paykunapi Yerubaalpa churin Yotanpa maldicisqan.

Jueces 9:57 ပူးပေါင်းရင်းမြစ်များ

2 Samuel 3:39

Diospa churasqan rey kayniywampis mana kallpayoj jina kashani, Sarviaj wawasnin chay millayta ruwasqankurayku. Señor, chay juchanman jina, qopuchun chayta ruwaj runamanqa!

1 Reyes 16:34

Acabpa p'unchaykunasnimpitaj, Betelmanta Hielqa Jericota watejmanta jataricherqa, chay llajtata jatarichiyta qallarishajtin kuraj kaj wawan Abiram wañorqa; llajtaj punkusninta churashajtintaj, sullk'a kaj wawan Segub wañorqa, imaynatachus Señorpa palabran, Numpa wawan Josuenejta nisqa karqa chay junt'akunampaj.

1 Reyes 2:32

Paypa patanmantaj yawar jich'asqanta Señorqa kutichenqa, imaraykuchus Joabqa iskay runasta wañucherqa, paymanta aswan sumaj cheqan runasta, tatay Davidpa mana yachasqallan. Israelitaspa soldadosnimpa kamachejnin Nerpa wawan Abnerta, Judamanta soldadospa kamachejnin Geterpa wawan Amasatawan.

Salmos 7:17

Noqataj Diosta yupaychasaj, cheqan kasqanmanta, patapi Señorpa sutinmantaj takirikusaj.

Salmos 94:23

Señorqa sajra ruwajkunata kikin ruwasqallankuwantaj chinkachenqa. Señor Diosninchej paykunata chinkachenqa.

Proverbios 5:22

Sajra runataqa kikin sajra ruwasqallantaj qhatiykachan, kikin juchallantaj waskha jina jap'iykun.

Isaías 3:11

Imaynachus kanqa juchasapa runaqa! Paytaqa mana allinchu renqa. Paymanqa imastachus ruwasqanman jina pagasqa kanqa.

Josué 6:26

Chaypacha Josueqa uj juramentota ruwarqa: Maldicisqa kanqa Señorpa ñaupaqempi, pichus watejmanta Jericó llajtata sayarichiyta munajqa. Pichus sayarichiyta munajqa kuraj wawampa patampi sayarichichun, punkustataj sullk'a wawampa patampi, nispa.

Jueces 1:7

Chaypacha Adonisedecqa nerqa: Ñaupajtaqa noqa mut'urarqani qanchis chunka reykunaspa makisninkoj machu dedosninkuta jinataj chakisninkojtapis, chay runastaj mesay urapi mikhuy puchusta pallaj kanku. Kunanrí imaynatachus noqa ruwarqani kikillantataj Dios ruwawan. Jerusalenman payta pusarqanku, chaypitaj wañuporqa.

Jueces 10:1

Abimelecpa qhepantataj, Isacarpa ayllunmanta uj runa Tola sutiyoj sayarikorqa israelitasta salvanampaj. Tolaqa karqa Dodoj allchhin, Fúaj wawan. Payqa tiyakorqa Efraimpa orqosnimpi Samir llajtapi.

Jueces 9:20

Mana jina chayri, Abimelecmanta nina llojsimuchun, ruphaykuchuntaj Siquempi tiyakojkunata jinataj Bet-milopi tiyakojkunatapis. Ajinallatataj Siquemmantawan Bet-milomantawan nina llojsillachuntaj Abimelectañataj ruphanampaj.

Jueces 9:24

Jinamanta Abimelecqa juchachasqa rikhurerqa Jerobaalpa qanchis chunka wawasnimpa yawarninta jich'aspa wañuchichisqanmanta, chantá Siquemmanta runaspis yanapasqankurayku juchachasqasllataj karqanku.

Jueces 9:45

Tukuy p'unchaynintinta Abimelecqa Siquem llajtayoj runaswan maqanakorqa atipanankama. Chaypacha chay llajtata phirerqa tukuy chaypi tiyakojkunatataj wañuracherqa, chay llajtamantaj kachita qhalliykorqa.

Jueces 9:56

Ajinamanta Diosqa pagachikorqa Abimelecwan, chay qanchis chunka hermanosninta wañuchispa tatampa contrampi ruwasqanmanta.