Jueces 5:2 - Qheshwa Biblia DC

² Tukuyniykichej Señorta yupaychaychej, imaraykuchus Israelpi runas kankuraj maqanakuman yaykunankupaj jina; imaraykuchus Israel ayllu ukhupi runas kankuraj maqanakuman wajyachejtinku uyariytawankama rinankupaj jina.

DIOSPA QHELQACHISQAN DEUTEROCANONICAL

² Tukuyniykichej Tata Diosta jatunchaychej, imaraykuchus Israelpi runakuna kankuraj, wajyachisqata uyariytawan maqanakuman yaykunankupaj jina.

DIOSPA QHELQACHISQ

² Tukuyniykichej Tata Diosta jatunchaychej, imaraykuchus Israelpi runakuna kankuraj, wajyachisqata uyariytawan maqanakuman yaykunankupaj jina.

Jueces 5:2 ပူးပေါင်းရင်းမြစ်များ

2 Crónicas 17:16

Paypa qhepampitaj Sicrej wawan Amasías kasharqa, iskay pachaj waranqa wapu soldadoswan. Payqa munaynillanmanta Señorta servikoj churakorqa.

Nehemías 11:2

Chaymanta tukuy aylloqa Jerusalén llajtapi mana pejpa nisqallan tiyakojkunata jatuncharqanku.

Salmos 103:2

Tukuy sonqoywan Señorta yupaychasaj; mana qonqasajchu tukuy sumaj ruwasqasninta.

Salmos 110:3

Atipasqayki llajtapi, aylluyki qanman jaywaykusonqa, santo orqos patapi. Sut'iyay chhulla jina, wayna kayniyki mosojchakun sapa p'unchay.

Salmos 136:15

Faraonta soldadosnintawan Puka mar qochaman chinkachejman, khuyakuynin wiñaypaj kasqanrayku;

Salmos 18:47

Diosqa noqamanta kutikuwan. Pay ruwan tukuy llajtas kasunawankuta.

Salmos 48:11

Sión orqoqa kusikuchun. Tukuy Judá llajtaspis kusikuywan phinkiykachachunku, cheqanta ruwasqaykimanta.

Salmos 94:1

Señor Dios, vengakoj Dios kasqaykita rejsichikuy.

Salmos 97:8

Señorníy, Sionqa, Judapis, llajtaspis, kamachisqasniykimanta anchatapuni kusikunku.

1 Corintios 9:17

Chayrayku tukuy sonqowan ruwasaj chayqa, t'inkayta jap'isaj; mana tukuy sonqowan ruwasaj chaypis, evangeliota willanaypaj kachasqapuni kani.

2 Corintios 8:12

Sichus uj runa munanman cheqamanta qoyta chayqa, Dios jap'enqa chay ofrendata tiyapusqanman jina. Payqa mana mañanchu mana imayojmantaqa.

2 Corintios 9:7

Sapa uj churachun sonqompa yuyasqanman jina, ama llakikuspa, nitaj kamachisqa jinachu; imaraykuchus Diosqa munakun pichus kusiywan qojta.

Deuteronomio 32:43

Naciones kusikuychej Diospa ayllunwan. Diosqa aynita kutichenqa kamachisninta wañuchisqankumanta. Enemigosninman aynita kutichenqa. Payqa jallp'anta, aylluntawan llimphuchanqa.

Deuteronomio 33:21

Aswan sumaj kaj jallp'ataqa paypaj ajllakorqa. Kurajman jina payman jallp'ata qonqanku. Israel ayllu masisnimpa ñaupaqenta jallp'aman yaykorqa. Señorpa kamachisqasninta junt'arqa. Tukuy imatapis Israel ayllu ukhupi cheqanta ruwarqa.

Filipenses 2:13

Diosqa qosunkichej allin munayta, ruwaytataj sumaj munayninman jina.

Filemón 1:14

Mana imata ruwayta munarqanichu, manaraj qanwan parlashaspa, kay khuyakuyniykeqa ama kamachisqa jinachu kanampaj, astawanqa qampa munasqaykiman jina kachun.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Apocalipsis 19:2

Diospa juzgasqanqa cheqan, cheqataj. Chayrayku chay jatun qhenchachakoj warmita juchacharqa. Chay warmeqa, qhenchachakuyninwan kay pachata ismucherqa, Diostaj kamachisnimpa yawarninrayku, payman maychus kajta kutichispa ñak'aricherqa.

Jueces 5:9

Sonqoyqa kusisqa kashan Israelpa kuraj kamachejkunasninmanta, Aylluypa runasnin maqanakuman rinapaj k'uchis kasqankumantapis. Señorta yupaychaychej.