Jueces 2:15 - Qheshwa Biblia DC

¹⁵ Sapa kuti maqanakuman purirejtinku Señorqa contrankupi sayaykorqa, manapunitaj allinchu paykunata qhatirerqa, imaynatachus Señor ñaupajmantaña nisqanman jina. Jinamanta Señorqa, israelitasta sinch'i llakiykunasman churarqa.

DIOSPA QHELQACHISQAN DEUTEROCANONICAL

¹⁵ Sapa kuti maqanakuman purirejtinku, Tata Diosqa contrankupi sayaykorqa. Chayrayku manapuni paykunata allinchu rerqa, Tata Dios ñawpajmantaña tiluspa nisqanman jina. Jinamanta Tata Diosqa israelitakunata sinch'i llakiyman churarqa.

DIOSPA QHELQACHISQ

¹⁵ Sapa kuti maqanakuman purirejtinku, Tata Diosqa contrankupi sayaykorqa. Chayrayku manapuni paykunata allinchu rerqa, Tata Dios ñawpajmantaña tiluspa nisqanman jina. Jinamanta Tata Diosqa israelitakunata sinch'i llakiyman churarqa.

Jueces 2:15 ပူးပေါင်းရင်းမြစ်များ

2 Crónicas 12:1

Roboamqa reinonta allinta sayachispaña, sumaj kallpachasqa kasqanta yuyakuspa Señorpa leykunasninta saqeporqa. Jinallataj tukuy israelitaspis kikinta ruwarqanku.

Jeremías 18:8

Chay nación sajramanta t'aqakunman chaypachaqa, chay apachimunay karqa chay jasut'ita manaña apachimusajchu.

Jeremías 21:10

Noqa kay llajtaman apachimunayta niniña sajra kajkunata, manataj allin kajkunatachu. Babiloniamanta reyman llajtata jaywasaj, paytaj ninata jap'iykuchenqa. Noqa Señor chayta kamachini.

Jeremías 44:11

Chayrayku noqa Israelpa Tukuy Atiyniyoj Señor Diosnin niykichej: Qankunaj pataykichejman sajra kajkunata apachimusaj, jinallataj tukuy Judata chinkachinayta nini.

Jeremías 44:27

Noqa qhawashani ñak'ariykunasta apachimunaypaj, mana allin kajkunatachu. Judamanta tukuy Egiptopi tiyakushajkuna, cheqamanta tukuyninku maqanakupi, yarqhaywantaj wañuchisqas kanqanku.

Miqueas 2:3

Chayraykumin nin Señorqa: Noqajtapis tiyan uj ruwanay qankunaj contraykichejpi. Qankunaman apachimusaj uj manchay ñak'ariyta chaymantari mana ni imaynamanta kunkaykichejta orqhoyta atinkichejchu, manataj mayta runaykachaspa purinkichejchu, imaraykuchus may ñak'ariy tiempos kasonqachej.

2 Corintios 4:8

Imaymana uma nanayniyoj kayku, manataj llakisqaschu. Chay tukuywampis phutiywan mana atipachikuykuchu.

Deuteronomio 18:20

Sichus mayqen sut'inchaj runa wapuykachaspa noqaj sutiypi parlayta munanman, noqa mana kamacherqanichu chayta; chayri waj dioskunaj sutimpi parlanqa chayqa, chay runa wañuchisqa kanqa.

Jueces 10:9

Amonitasqa Jordán mayuta chimparqanku maqanakamunankupaj Judá aylluwan, Benjamín aylluman jinataj Efraín aylluwampis. Ajinamanta israelitasqa may llakiypi rikhurerqanku.

1 Samuel 12:15

Sichus qankuna mana Señorta kasunkichejchu, kamachisqasnintataj qhesachankichej chayqa, Pay qankunata jasut'isonqachej, jinataj reyniykichejtapis.

1 Samuel 13:6

Israelitasqa sinch'i llakiypi rikukorqanku filisteoswan maqanakupi, chayraykutaj pakakamorqanku chhanka jusk'usman, t'oqosman, chhanka k'ajllusman, allasqa jusk'usman, allasqa yaku jusk'usman ima.

1 Samuel 14:24

Chaywampis maqanaku p'unchaypeqa israelitasqa sinch'i sayk'usqas kasharqanku, mana pipis mikhunata llamillerqapischu, Saul paykunata jurachisqanrayku, kay jinata: Maldicisqa kanqa pillapis imallatapis mikhojqa manaraj ch'isiyashajtin, manaraj enemigosniyman aynita kutichishajtiy.

1 Samuel 30:6

Davidqa sinch'i llakisqa kasharqa, chay runasnin payta rumiswan ch'anqaykuyta munasqankurayku. Tukuyninku wawasninkumanta llakisqas kasqankurayku. Chaywampis Davidqa Señor Diosnimpi atienikorqa.