Jueces 16:30 - Qheshwa Biblia DC

³⁰ Sansontaj qhaparerqa: Noqawan khuska wañuychej filisteo runas!, nispa. Chaymantaqa ñit'erqa tukuy kaj kallpanwan, chay jatun wasitaj urmaykorqa filisteospa kurajkunasninkoj patanman, chaypi kasharqanku tukuy chaykunaspa patanmanwan. Sansón kausashaspa wañuchisqanmanta nisqaqa astawanraj chay kutipeqa wañucherqa.

DIOSPA QHELQACHISQAN DEUTEROCANONICAL

³⁰ Chantá Sansón qhaparerqa: Filisteokunawan khuska wañusaj, nispa. Chaymantaqa chay sayantakunata ñit'erqa tukuy kallpanwan, chay jatun wasitaj thuñikorqa filisteokunaj kurajninkukunaj patankuman, chaypi kasharqanku, tukuy chaykunaj patankumanwan. Sansón kawsashaspa, mashkha filisteokunatachu wañuchisqanmantaqa kay kutipi aswan ashkhataraj filisteokunata wañucherqa.

DIOSPA QHELQACHISQ

³⁰ Chantá Sansón qhaparerqa: Filisteokunawan khuska wañusaj, nispa. Chaymantaqa chay sayantakunata ñit'erqa tukuy kallpanwan, chay jatun wasitaj thuñikorqa filisteokunaj kurajninkukunaj patankuman, chaypi kasharqanku, tukuy chaykunaj patankumanwan. Sansón kawsashaspa, mashkha filisteokunatachu wañuchisqanmantaqa kay kutipi aswan ashkhataraj filisteokunata wañucherqa.

Jueces 16:30 ပူးပေါင်းရင်းမြစ်များ

Génesis 3:15

Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.

Job 20:5

Sajra runaspa kusikuynenqa pisi tiempollapaj, juchasapaj kusikuynenqa uj ratolla.

Job 31:3

Kay jina llakiykunataqa manachu sajra runas, juchasapas ima jap'inanku mayta ñak'arispa?

Salmos 62:3

Jayk'ajkamataj qankuna maqanakuwaj jamunkichejri, saruytataj munawankichejri, urmaj perqapis kayman jinari, chayri pampaman urmasqa kanchapis kayman jinari?

Eclesiastés 9:12

Runaqa kikin tiempontapis mana rejsinchu; imaynatachus challwasqa ch'ipapi ch'ipaykuchikunku; imaynatachus phawajkunaqa tojllaman urmanku, ajinata runaqa mana suyaspalla ch'ipaykuchikun, kaymanta jinalla chay tiempowan jap'ichikuytawan.

San Mateo 16:25

Pillapis kausayninta salvayta munajqa, kausayninta chinkachenqa; kausayninta noqarayku chinkachejrí, tarikaponqa.

Hechos 20:24

Chaykunataqa mana manchachikunichu, nitaj wañuytapis; astawanqa kausayniyta tukuchiyta munani Señor Jesucristo kamachiwasqanta junt'aspa, willaspataj Diospa evangelionmanta, yanapayninmantawan.

Hechos 21:13

Chaymantataj Pablo niwarqayku: Imaraykutaj chay jinatapuni waqaspa sonqoyta nanachishawankichejri? Noqaqa wakichisqa kani, mana watachikunallaypajchu, astawanqa, Jerusalempi wañunaypaj Señor Jesuspa sutinrayku.

Filipenses 2:17

Yawarniy jich'asqa kanman chayqa ofrendasniykichej pataman, feniykichejpa patanmampis chayqa, chaymanta kusikuni jatun kusiywan tukuyniykichejwan khuska.

Filipenses 2:30

Wañusharqaña Cristoj ruwayninrayku, noqaraykutaj kausaynintaj churarqa. Wañuy patapiña karqa yanapanawampaj, imaraykuchus mana qankunaqa karupi kaspa yanapawayta aterqankichejchu.

Filipenses 2:8

Runa kaspataj, k'umuykukorqa; paytaj kasukoj kaspa wañuyman rerqa, cruzpi chakatasqa wañumoj.

Colosenses 2:15

Cristo cruzpi wañuspa atiparqa kamachejkunata, atiyniyojkunata ima, tukuypa rikunanta paykunata p'enqaypi rikhurichispa.

1 Tesalonicenses 5:2

Qankunaqa allinta yachankichej suwaqa tuta jamusqanta; ajinallatataj Señorpa p'unchaynimpis jamonqa.

Jueces 14:19

Chay rato Señorpa Espíritun Sansonman jamorqa; chaypacha Sansonqa Ascalonman rispa chaypi kinsa chunka runasta wañucherqa, chaykunamanta p'achasta lluch'usqanwantaj pagarqa pischus watuchiyninta willajkunaman. Chaymanta may phiñasqa kutiporqa tatampa wasinman.

Jueces 15:15

Chantaqa manaraj allin ch'akisqa burro quijadata oqharikorqa, chaywantaj uj waranqa filisteosta wañuracherqa.

Jueces 15:8

Jinamanta paykunata may sinch'ita maqarqa, ashkhastataj wañucherqa. Chay qhepantataj rerqa tiyakoj Etam chhankapi uj jusk'u karqa chayman.

Jueces 16:29

Chay qhepantaqa makisninwan mask'arqa chay wasej iskay chaupi sayantasninta, chaykunalla tukuy wasitaqa sujetasharqanku, iskaynin sayantasmantaj churarqa makisninta, ujninman pañata ujninmantaj lloq'eta, chanta tukuy kallpanwan sinch'ita ñit'erqa.

Jueces 16:31

Chay qhepantataj jamorqanku Sansompa hermanosnin, tukuy ayllusnimpis, ayanta oqharispataj p'ampamorqanku Manoa tatampa sepulturanman, chaytaj kasharqa Zorawan jinataj Estaolwan chay chaupinejpi. Iskay chunka watata Sansonqa israelitasta kamacherqa.