Jueces 1:19 - Qheshwa Biblia DC

¹⁹ Judá ayllumanta kajkunaqa Señorpa yanapayninwan qharqorqanku orqospi tiyakojkunata, chaywampis manapuni qharqoyta aterqankuchu chay pampasnejpi kajkunataqa, fierromanta carrosniyoj kasqankurayku.

DIOSPA QHELQACHISQAN DEUTEROCANONICAL

¹⁹ Judá jatun ayllumanta kajkunataj Tata Diospa yanapayninwan wijch'ullarqankutaj orqokunapi tiyakojkunatapis. Chaywanpis manapuni wijch'orqankuchu chay pampakunanejpi kajkunataqa, chaypi tiyakojkuna fierromanta carretayoj kasqankurayku.

DIOSPA QHELQACHISQ

¹⁹ Judá jatun ayllumanta kajkunataj Tata Diospa yanapayninwan wijch'ullarqankutaj orqokunapi tiyakojkunatapis. Chaywanpis manapuni wijch'orqankuchu chay pampakunanejpi kajkunataqa, chaypi tiyakojkuna fierromanta carretayoj kasqankurayku.

Jueces 1:19 ပူးပေါင်းရင်းမြစ်များ

Génesis 39:2

Señorqa Josewampuni kasharqa. Chayrayku egipcio patronnimpapi kashajtin tukuy imapi allin rerqa.

2 Samuel 5:10

Davidtaj astawan atiyniyojman tukusharqa, Dios Tukuy Atiyniyoj Señor paywan kasqanrayku.

2 Reyes 18:7

Señortaj paywampuni karqa; mayllamampis llojsejtin allimpuni paytaqa rerqa. Payqa Asiriamanta reypa contrampi oqharikorqa, payta mana sirviyta munaspa.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

Salmos 46:7

Atiyniyoj Señor Diosninchejqa noqanchejwan kashan. Jacobpa Diosnenqa pakakuyninchej.

Salmos 46:9

Ch'ajwastaqa mundontimpi sayachin. Maqanakuna flechasta, lanzastapis p'akiran, carretastataj rupharachin.

Salmos 60:12

Diospa yanapayninwan jatuchaj imasta ruwasun. Payqa enemigosninchejta ñat'uranqa.

Eclesiastés 9:11

Kay pachapi ujtawan qhawarispa rikorqani, mana usqhayta correjkunajtachu atipayqa, maqanakupis mana kallpayojkunajtachu, qhepajyaypis mana k'uchi kajkunajtachu, nitaj allin yachachisqaspis allimpi jap'isqachu. Manachayqa tiempo chayamojtinkama kay imasqa tukuyman chayan.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

Isaías 8:10

Sumajtapis yachachinakuychej qhasi manakajpaj kanqa. Imatapis parlasqaykichejqa, manapuni junt'akonqanku, imaraykuchus Diosqa noqaykuwan kashan.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

Filipenses 4:13

Tukuy imata atini Cristo kallpachawajniypi.

Josué 1:5

Tukuy kausayniykipi mana pipis atipasonqachu. Noqa qanwan kasaj, imaynatachus Moiseswan karqani ajinata, manataj ni jayk'ajpis sapaykita saqesqaykichu.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Josué 14:12

Chayrayku kunanqa qoway ari may orqotachus Señor qonawanta nerqa chayta. Chaymantapacha qanqa yachanki chaynejpi anaquitas tiyasqankuta, jatuchaj llajtas sumaj jark'achisqastaj kasqanta. Chaywampis noqaqa yuyani Señor yanapanawanta chay llajtasta chinkachiyta, imaynatachus Señorqa yanapanawanta nisqanman jina.

Josué 6:27

Josuetaqa Señor maytapuni yanaparqa. Josué may mentasqa kasqantataj tukuy chay jallp'api uyarerqanku.

Josué 7:12

Chayrayku israelitasqa enemigosninkuta mana atipayta atenqankuchu, paykunaqa ayqechimullanqankupuni, imachus ruphachisqa kanan karqa chayta jap'isqankumanta. Manachus usqhayta phirinkichej chayqa, mana noqapis qankunawanñachu kasaj.

Jueces 1:2

Señortaj paykunaman kuticherqa, Judá aylluraj ñaupajta maqanakoj rinanta, payllamantaj chay jallp'aqa qosqa kananta.

Jueces 4:3

Jabimpata isq'on pachaj fierromanta carrosnin karqa, iskay chunka watastaña israelitasta sinch'i llakiypi ñak'arichisqa, chayrayku paykunaqa Señormanta yanapayninta mañakuspa qhaparikorqanku.

1 Samuel 18:12

Saulqa Davidmanta manchachikorqa, Davidwan Señor kashasqanrayku, Saulta saqerparispa.

1 Samuel 18:14

Davidta Señor yanapasqanrayku tukuy ruwasqasnimpi allillampuni rerqa.

1 Samuel 18:5

Davidqa Saul maymanchá kachaj chayman rej, tukuy imatataj allintapuni ruwaj. Chayrayku Saulqa Davidta soldadosta kamachinampaj churarqa. Davidqa allimpaj qhawasqa karqa tukuy runaspa ñaupaqempi, jinallataj Saulpa soldadosnimpa kamachejkunasnimpajpis.