San Juan 15:7 - Qheshwa Biblia DC

⁷ Noqapichus kakuwajchej, palabrasniytaj qankunapi kanman chayqa, tukuy munasqaykichejta mañakuychej, jap'inkichejtaj.

DIOSPA QHELQACHISQAN DEUTEROCANONICAL

⁷ Sichus qankuna noqaman ujchasqallapuni kaspa, tukuy nisqayta kasunkichej chayqa, munasqaykichejta Diosmanta mañakuychej, paytaj qosonqachej.

DIOSPA QHELQACHISQ

⁷ Sichus qankuna noqaman ujchasqallapuni kaspa, tukuy nisqayta kasunkichej chayqa, munasqaykichejta Diosmanta mañakuychej, paytaj qosonqachej.

Quechua South Bolivia: Dios Parlapawanchej

⁷ ‘Nokawan ujchaskachus cacunquichej niskasniypis sonkoyquichejpi chayka, imatachus munaskayquichejta Diosmanta mañacuychej. Kancunamantaj kosonka.

San Juan 15:7 ပူးပေါင်းရင်းမြစ်များ

1 Reyes 3:5

Uj ch'isitaj Señorqa Gabaompi, Salomonman mosqoypi rikhurerqa; Diostaj payta nerqa: Mañakuway imatachus munasqaykita, noqataj qosqayki.

Job 22:26

Tukuy Atiyniyojqa kusiyniyki kanqa, jinamanta mana p'enqakuspa Diosta qhawarinki.

Job 23:12

Noqaqa leyesninta, kamachiykunasnintawan junt'anipuni, manataj noqaj nisqaytachu ruwani.

Salmos 119:11

Palabrasniykita sonqoypi waqaychani, ama contraykipi juchallikunaypaj.

Salmos 37:4

Señorta tukuy sonqoykiwan munakuy. Paytaj sonqoykej munasqanta qosonqa.

Proverbios 10:24

Sajra runaqa, imatachus manchachikun chaymampuni chayan; cheqan runapajrí imatachus ruwayta yuyasqanqa junt'akumpuni.

Proverbios 4:4

Tatayqa yachachiwaj kay jinata: Sonqoykipi jap'iy nisqasniyta; kamachisqasniyta ruway; chantá kausankitaj.

Isaías 58:8

Chanta k'anchayniykeqa sut'iyamushanmampis jina llojsimonqa. Chaypacha nanasqasniykeqa usqhayta thañiranqanku; tukuy imata cheqanta ruwasqasniykipis sut'iman llojsenqanku, Señorpa k'anchaynintaj qhepamanta jark'akusonqa.

Jeremías 15:16

Parlamuwajtiykeqa chay palabrasniykita mikhukorqani, chaytaj sonqo qhallallay, kusiytaj sonqoy ukhupi kawarqa, imaraykuchus Señor, Tukuy Atiyniyoj Diosníy, qampataman kani.

San Mateo 7:7

Mañakuychej, qosqaykichejtaj; mask'aychej, tarinkichejtaj; punkuta takaychej, kicharisonqachejtaj.

San Juan 14:13

Imatachus Dios Tatamanta sutiypi mañakunkichej, chayta noqa ruwasaj, Dios Tata Churinnejta jatunchasqa kanampaj.

San Juan 15:16

Mana qankunachu ajllawarqankichej, astawanqa noqa ajllarqaykichej; churarqaykichejtaj willaj rinaykichejpaj, poqoytataj apanaykichejpaj. Chay poqoyniykichejtaj kakunallampajpuni; tukuy imata sutiypi Dios Tatamanta mañakusqaykichejta taj, pay qosonqachej.

San Juan 16:23

Chay p'unchaypitaj mana imata tapuwankichejchu. Cheqamanta, cheqamanta niykichej: Dios Tataqa, tukuy imata sutiypi mañakojtiykichejqa qosonqachej.

San Juan 8:31

Chantá, Jesús nerqa paypi creej judiosman: Palabrayman jinachus sayankichej chayqa, cheqamanta yachachisqasniy kankichej.

San Juan 8:37

Noqa yachani Abrahampa mirayninmanta kasqaykichejta; chaywampis qankunaqa wañuchiwayta munashankichej, palabrayta sonqoykichejpi mana jap'isqaykichejrayku.

Gálatas 4:2

Chayaqeta jap'ej wawaqa, waqaychajkunaj, qhawajkunaj kamachimpi kashan, tatampa nisqan p'unchaykama.

Gálatas 5:16

Niykichej ari: Espíritoj munaynimpi puriychej, amataj aychaj munaynintaqa ruwaychejchu.

Deuteronomio 6:6

Kay tukuy ima nisusqasniyta sumajta umaykipi jap'iy.

Colosenses 3:16

Cristoj palabranqa sonqoykichejpipuni kachun. Qankunataj ujkuna ujkunawan yachachinakuychej, sonqochanakuspataj tukuy yachaywan. Señorta agradecekuychej tukuy sonqo salmoswan, himnoswan, Espirituman jina, takiykunawan ima.

1 Juan 2:14

Tatas, qankunaman escribimuni. Qankuna rejserqankichej ñaupajmantapacha kajta. Waynakuna, qankunaman escribimullaykichejtaj sinch'i kallpayoj kasqaykichejrayku. Diospa palabran qankunapi kashan, supaytataj atiparqankichej.

1 Juan 2:27

Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.

1 Juan 3:22

Imallatapis Diosmanta mañakusunchej chayqa, paymanta jap'isunchej; imaraykuchus kamachisqasninta junt'anchej, paypa munasqantataj ruwanchej.

1 Juan 5:14

Kaytaj Diospi suyakuyninchejqa. Munayninman jinachus imallatapis mañakusunman chayqa, pay uyariwanchej.