San Juan 12:46 - Qheshwa Biblia DC

⁴⁶ Noqa k'anchay kani. Kay mundoman jamorqani, tukuy noqapi creejkuna ama laqhallapipuni kanankupaj.

DIOSPA QHELQACHISQAN DEUTEROCANONICAL

⁴⁶ Noqa k'anchay jina kay pachapi k'anchanaypaj jamorqani, noqapi tukuy atinikojkuna amaña laqhallapipuni kanankupaj.

DIOSPA QHELQACHISQ

⁴⁶ Noqa k'anchay jina kay pachapi k'anchanaypaj jamorqani, noqapi tukuy atinikojkuna amaña laqhallapipuni kanankupaj.

Quechua South Bolivia: Dios Parlapawanchej

⁴⁶ Noka wiñay causayta koj c'anchay caspa cay pacha runasman jamorkani tucuy nokapi jap'icojka amaña juchapi causananpaj.

San Juan 12:46 ပူးပေါင်းရင်းမြစ်များ

Salmos 36:9

Qampi kausay yaku pujyoqa kashan. K'anchayniykipitaj k'anchayta rikuyta atiyku.

Isaías 40:1

Qankunaj Diosniykichejqa nin: Sonqochakuychej, sonqochakuychej, israelitasníy.

Isaías 42:15

Orqosta lomasta ima urmarachisaj. Tukuy qhoras kajta ch'akirachisaj. Mayusta yaku qochasman tukuchisaj. Yaku tantakunasta ch'akirachisaj.

Isaías 42:7

Noqa wajyayki ciegosta qhawarichinaykipaj, carcelpi kajkunata orqhomunaykipaj, laqhayaj wasipi jap'isqa tiyajkunata sut'iman orqhomunaykipaj.

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

San Mateo 4:16

Laqhapi tiyakoj runas rikorqanku uj jatun k'anchayta. Wañuy llanthu cheqapi tiyakojkunamampis uj k'anchay paqarimorqa.

San Lucas 2:32

Pay k'anchanqa gentilesman, israel aylluyki jatunyasqa kanampaj.

San Juan 1:9

Cheqa k'anchayqa, kay pachapi tukuy runasman k'anchanampaj jamorqa.

San Juan 3:19

Kaytaj chay juchachayqa, kay pachaman k'anchay jamorqa, runakunataj laqhata k'anchaymanta nisqaqa astawan munakorqanku, sajra ruwanaspi kausasqankurayku.

San Juan 8:12

Jesús uj kutitawan runasman parlallarqataj: Noqa kay pachaj k'anchaynin kani; pillapis noqata qhatikuwajqa, mana laqhapi purenqachu, astawanqa kausay k'anchayniyoj kanqa.

San Juan 9:39

Jesustaj nerqa: Kay mundoman jamorqani juiciopaj, mana rikojkuna rikunankupaj, rikojkunataj ciegoyanankupaj.

San Juan 9:5

Mundopi kanaykamaqa mundoj k'anchaynin kani.

Efesios 5:14

Ninkumin: Puñuyniykimanta rijch'ariy, sayariytaj wañusqakunamanta, Cristotaj k'anchaykusonqa, nispa.