Josué 9:9 - Qheshwa Biblia DC

⁹ Paykunataj kuticherqanku: Noqaykoqa karumanta jamuyku, Señor Diosniyki may mentasqa kasqanta uyarispa, yachaykutaj Egiptopi tukuy imata ruwasqanta.

DIOSPA QHELQACHISQAN DEUTEROCANONICAL

⁹ Paykunataj kuticherqanku: Noqaykoqa manchay karumanta jamuyku, imajtinchus Tata Diosniykichej manchay uyarisqa kasqanta uyariyku, yachaykutaj Egiptopi imatachus ruwasqanta.

DIOSPA QHELQACHISQ

⁹ Paykunataj kuticherqanku: Noqaykoqa manchay karumanta jamuyku, imajtinchus Tata Diosniykichej manchay uyarisqa kasqanta uyariyku, yachaykutaj Egiptopi imatachus ruwasqanta.

Josué 9:9 ပူးပေါင်းရင်းမြစ်များ

1 Reyes 8:41

Ajinallatataj mana israelita kaj karu llajtayojpis jamusunkiman jatun sutiykitaj uyarispa, imaraykuchus uyarenqanku sutiyki manchay jatun kasqanta, jatun atiyniykimantapis, kay wasiman mañakusojtaj jamusunkuman chayqa, qanqa janaj pachamanta uyarimunki, maypichus tiyakunki chaymantapacha, qantaj ruwanki karu llajtayoj mañakususqanman jina, chay jinamanta tukuy naciones rejsisunankupaj, sutiykita manchachikunankupaj Israel llajtayki jina, yachanqankutaj sutiyki oqharisqa kasqanta kay ruwapususqay wasipi.

Nehemías 9:5

Chaymantataj chay levitas Josué, Cadmiel, Binuy, Hasabnías, Serebías, Hodías, Sebanías, Petaías ima nerqanku: Jatarikuychej, Señor Diosniykichejtataj wiñay wiñaypaj yupaychaychej, nispa. Chaypacha paykunaqa Señor k'acha sutinta yupaycharqanku, bendicioneswan, jinataj yupaychaykunaswan.

Salmos 148:13

Tukuy Señorpa sutinta yupaychachunku, paypa sutillan jatun kasqanrayku. Paypa jatun kaynenqa, jallp'a patapi, cielopipis kashan.

Salmos 72:19

Wiñaypaj jatun sutenqa yupaychasqa kachun. Mundontimpi jatun kaynin junt'a kachun. Ajina kachun, ajina kachun.

Salmos 78:12

Diosqa tatasninkoj ñaupaqempi sumajkunata ruwarqa, Egiptopi jallp'api kaj Zoán cheqapi.

Salmos 83:18

Yachachunku qanlla Señor kasqaykita, qanllapuni patapi kaj Dios tukuy kay pachapi kasqaykita.

Éxodo 15:14

Llajtasqa yachaspa kharkatitenqanku. Nanayqa tukuy filisteosta q'ewiykachachenqa.

Éxodo 9:16

Chaywampis cheqamanta churayki, qampi atiyniyta rikuchinaypaj, qannejta sutiy willasqa kanampaj tukuy mundontimpi.

Isaías 55:5

Qanqa mana rejsisqa runasta wajyanki, qanta mana rejsisoj runaspis corremusonqanku, Señor Diosniykirayku, noqa Israelpa Santo Diosnin qanta allimpaj qhawasusqayrayku.

Isaías 66:19

Paykunaj chaupinkuman uj señalta churasaj. Paykunamanta ujnin ayqekoj kajtataj kay nacionesman kachasaj: Tarsisman, Libiaman, flechayta yachaj Lidiaman, chantaqa, Tubalman, Greciaman, mar qocha cantospi karupi tiyakojkunaman. Paykuna noqamanta mana yachankuchu, manataj k'anchayniytapis imaynachus kasqanta rikunkuchu. Chaykunaman ima kachasaj. Imaynachus atiyniy kasqanta paykuna tukuy nacionesman willanqanku.

Números 14:15

Sichus ujllapi kay runasta wañurachinki chayqa, qan mentasqa kasqaykita uyarej runasqa nenqankuchá ari:

Números 20:14

Cadesmantapacha Moisesqa kachasta kacharqa Edom reyman, nichispa: Wauqesniyki israelitas nichimusunki: Qan allinta yachanki imaschus noqaykupaj kasqanta.

Hechos 8:7

Millay supaykuna ashkha runasmanta sinch'ita qhaparispa llojserqanku. Ashkha suchu runastaj, cojoswan ima thañikaporqanku.

Deuteronomio 20:11

Sichus chay llajtayojkuna nisqaykichejta uyarinkuman, saqespa llajtaman yaykunaykichejta chayqa, kamachisniykichej kanqanku, sinch'i ruwaykunata ruwaspa.

Deuteronomio 20:15

Ajinallatataj ruwankichej qankunamanta karupi kaj llajtasmampis, mayqenkunachus mana chay qayllaykichejpi kaj llajtasmantachu kanku.

Josué 9:10

Imaynatatajchus Jordán mayu chimpapi amorreospa iskay reyesninta ruwasqanta, Hesbón rey Sehonta, Basán rey Ogtawan, pischus Astarotpi tiyarqanku.

Josué 9:16

Kinsa p'unchaymantataj israelitasqa yacharqanku gabonitasqa paykunaj qayllallankumanta kasqankuta, chay qayllallapi tiyakusqankuta.

Josué 9:17

Chanta israelitasqa gabaonitasta mask'aj llojserqankupacha, kinsa p'unchayninmantaj chaykunaj llajtasninkuman chayarqanku. Chay llajtasqa karqanku Gabaón, Cafira, Beerot, Quiriat-jearim ima.

Josué 9:24

Paykunataj Josueman kuticherqanku: Noqayku kayta ruwarqayku qankuna wañuchinawaykuta manchachikuspa, imaraykuchus yachayku Señor Diosniykichej kamachin Moisesman kamachisqanta, kaykunapi tiyakojkunata wañurachispa, qankunaman kay jallp'asta qonasuykichejta.