Josué 8:31 - Qheshwa Biblia DC

³¹ Chayta ruwarqa, imaynatachus Señorpa kamachin Moisés israelitasman kamachisqanman jina, imaynachus Moisespa ley librompi qelqasqa kashan chayman jinataj. Chanta uj altarta ruwarqanku mana ch'eqosqa rumismanta. Chay altar patapi israelitasqa ruphachinasta Señorman jaywarqanku, chayllapitaj jaywarqanku uj rikuchikuta Señorwan allinyakunankupaj.

DIOSPA QHELQACHISQAN DEUTEROCANONICAL

³¹ Chayta Tata Diospa kamachin Moisés israelitakunaman kamachisqanman jina ruwarqa. Imaynachus Moisespa kamachisqan qhelqasqa kashan, chayman jina mana ch'eqosqa rumimanta uj altarta ruwarqanku. Chay altar patapi israelitakunaqa uywa ñak'asqata q'olachispa Tata Diosman jaywarqanku. Chayllapitaj k'achata kawsakuy jaywanata jaywallarqankutaj.

DIOSPA QHELQACHISQ

³¹ Chayta Tata Diospa kamachin Moisés israelitakunaman kamachisqanman jina ruwarqa. Imaynachus Moisespa kamachisqan qhelqasqa kashan, chayman jina mana ch'eqosqa rumimanta uj altarta ruwarqanku. Chay altar patapi israelitakunaqa uywa ñak'asqata q'olachispa Tata Diosman jaywarqanku. Chayllapitaj k'achata kawsakuy jaywanata jaywallarqankutaj.

Josué 8:31 ပူးပေါင်းရင်းမြစ်များ

2 Reyes 14:6

Tatanta wañuchejkunaj wawasninta mana wañucherqachu, imaraykuchus Moisespa leynimpi qelqasqa kashan chayman jina, maypichus Señorqa kamacherqa: Tatasninkuta mana wawasnimpa juchasninraykoqa wañuchinkichejchu, mantaj wawastapis tatasninkoj juchasninmanta wañuchinkichejchu, aswampis sapa runa juchasninmanta wañonqa.

2 Reyes 22:8

Chanta kuraj sacerdote Hilciasqa qelqeri Safanman nerqa: Señorpa wasimpi leymanta librota tarini. Hilciastaj Safanman qorqa, paytaj leerqa.

2 Crónicas 25:4

Manataj chaykunaj wawasnintaqa wañuracherqachu, Moisespa leynimpi qelqasqa kasqanman jina Señor kamachisqa: Tatasqa mana wañuyta atinkuchu wawasninkoj ima juchata ruwasqankumantaqa, nillataj wawasnimpis wañuyta atinkuchu tatasninkoj ruwasqasninkumantaqa, manachayqa sapa ujpis juchasninrayku wañonqa.

2 Crónicas 35:12

Chaymantataj ruphachinapaj kajta orqhomorqanku tukuynin ayllu familiasninkuman jina Señorman jaywanankupaj, Moisespa librompi kamachisqa kasqanman jina. Torilloswampis kikillantataj ruwarqanku.

Esdras 6:18

Chaymanta sacerdotestaqa mit'ankuman churararqanku. Jinallataj levitastapis sapa ujta ruwanasninkuman, Jerusalempi ruwanasta Diospaj ruwanankupaj, Moisespa librompi qelqasqaman jina.

Nehemías 13:1

Chaypacha Moisespa libronqa tukuypa ñaupaqempi sut'ita leekorqa. Chaypitaj qelqasqa karqa amonitas, jinataj moabitaspis Diospa ayllunman mana jayk'ajpis chajrukunankuta, paykunaqa israelitasman mana mikhunaswan, jinataj ujyanaswan taripaj llojsisqankurayku. Manachayqa Balaamman llok'iykusqanku israelitasta ñakanampaj. Chaywampis Diosniykoqa maldicionmanta bendicionman tukucherqa.

Éxodo 18:12

Chaymantaqa Moisespa suegron Jetro uj uywata rikuchikuta Señorman qorqa ruphachisqa kanampaj, chantaqa waj ofrendastawan. Chaymantataj Aaronwan tukuy kurajkuna israelitaswan jamorqanku Jetrowan khuska Diospa ñaupaqempi mikhoj.

Éxodo 24:5

Moisesqa israelita waynasta kacharqa waka uñasta ruphachina rikuchikunas jina, allinyakuy rikuchikus jinata, Señorman jaywamunankupaj.

San Mateo 12:26

Ajinallatataj, Satanaschus qharqonman Satanasllatataj chayqa, pay kikin t'aqanasqa kanman. Imaynatataj reinoqa kallanqapunirí?

Deuteronomio 27:2

Maypachachus Jordán mayuta chimpankichej, chayankichejtaj Señor Diosniykichej qosonqachej chay jallp'aman, chaypacha jatuchaj rumista oqharinkichej, calwantaj lluch'aykunkichej.

Deuteronomio 27:8

Kunan qankunaman kamachisqastaqa chay rumispi sumaj sut'ita qelqankichej, nispa nerqanku.

Josué 1:8

Kay libropi Diospa leyninmanta kajtaqa willaypuni imatachus nisqanta. Tuta p'unchay unanchakuy kay libropi imatachus nisqanta ruwanaykipaj, ajinamanta tukuy ima ruwasqaykipi allin risunampaj.