Josué 7:6 - Qheshwa Biblia DC

⁶ Josuewan, israelitaspa kurajkunasninkuwantaj llakiywan p'achasninkuta llik'ikorqanku, umankumantaj ñut'u jallp'awan jich'akorqanku llakisqa kasqankuta rikuchinankupaj. Chaymantataj qonqoriykukorqanku Señorpa trato ruwasqan cajonnimpa ñaupaqenman, pampaman umankuta chayachinankukama, ch'isiyaykunankamataj.

DIOSPA QHELQACHISQAN DEUTEROCANONICAL

⁶ Chayta yachaytawan, Josuewan, israelitakunaj kurajninkukunawan ima sinch'i llakisqa kasqankuta rikuchispa, p'achankuta llik'ikorqanku, umankumantaj jallp'awan qhalliykukorqanku. Chantá Tata Diospa arcanpa qayllanpi pampakama k'umuykuspa, chaypi ch'isiyanankama karqanku.

DIOSPA QHELQACHISQ

⁶ Chayta yachaytawan, Josuewan, israelitakunaj kurajninkukunawan ima sinch'i llakisqa kasqankuta rikuchispa, p'achankuta llik'ikorqanku, umankumantaj jallp'awan qhalliykukorqanku. Chantá Tata Diospa arcanpa qayllanpi pampakama k'umuykuspa, chaypi ch'isiyanankama karqanku.

Josué 7:6 ပူးပေါင်းရင်းမြစ်များ

Génesis 37:29

Rubentaj kutimuspa pujyuta qhawaykuytawan mana tarerqachu Josetaqa, llakiywantaj p'achasninta llik'ikorqa llakisqa kasqanta rikuchinampaj.

Génesis 37:34

Chaymanta Jacobqa p'achasninta llik'ikorqa, jinaspataj lutota churakorqa unayta, wawan chinkapusqanmanta.

2 Samuel 1:11

Chaypacha, Davidwan runasnimpiwan ima, p'achasninkuta llik'erqanku llakikusqankurayku.

2 Samuel 1:12

Jinaspataj waqarqanku, llakikorqankutaj, Saulwan wawan Jonatanwan wañusqankumanta, ajinallatataj Señorpa soldadosnin israelitas maqanakupi atipaykuchikusqankumanta, inti yaykuykamataj ayunarqanku.

2 Samuel 1:2

Chay minchhantintaj, Saulpa jaranmanta chayamorqa uj runa, llik'isqa p'achayoj umantaj jallp'awan qhallaykusqa, llakiyniyoj kasqanta yachanankupaj. David chayman chayamuspataj umanta pampakama k'umuykucherqa napaykuspa.

2 Samuel 12:16

Chaypacha Davidqa wawanrayku Señormanta mañarqa, ayunaspataj, ch'isisnintin pampapi sirisqa puñorqa.

2 Samuel 13:19

Chaypacha Tamarqa umanman ushphata qhallaykukorqa, chay churakusharqa chay p'achantataj llik'irparerqa, makisninta uman pataman churaykukuspataj sinch'ita waqaspa wasinman riporqa.

2 Samuel 13:31

Chaypacha reyqa jatarikuspa p'achanta llik'ikorqa llakikusqanrayku, pampamantaj siriykorqa. Chaypi paywan kajkuna yanapaj runasnimpis p'achasninkuta llik'illarqankutaj.

2 Reyes 22:11

Chay librota leejta uyariytawan reyqa p'achasninta llik'ikorqa.

2 Crónicas 34:19

Reytaj leypa nisqasninta uyarispa, p'achanta llik'ikorqa.

Esdras 10:1

Diosta yupaychana wasin punkumpi, Esdras qonqoriykukuspa mañakushajtin, waqaspa juchasninta willakushajtintaj, israelitasmanta ashkha ukhu, qharis warmis ima waqarallarqankutaj jik'un jik'unta, qayllanman muyuykamuspa.

Nehemías 9:1

Israelitasqa chay kikin killallapitaj iskay chunka tawayoj p'unchaykunasnimpi tantakorqanku ayunanankupaj; qhashqa p'achastataj churakorqanku, jinataj jallp'atapis umankuman jich'akorqanku.

Ester (hebreo) 4:1

Mardoqueotaj chay jina kamachiy llojsimusqanta yachaytawan, p'achasninta llik'ikuspa, qhashqa p'achasta churaykukuytawan, umanman ushphawan qhallaykukuspa, may llakiyta qhaparispa tukuy llajtata uj sonqo nanayta correykachasharqa.

Ester (hebreo) 4:3

Judiostaj tukuy llajtaspi reypa kamachisqanta yachaytawan maytapuni llakikorqanku. Chayrayku paykunaqa ayunarqanku, sonqo nanayta waqarqanku, qhashqa p'achasta churaykukorqanku, wakintaj ushpha pataspi puñorqanku.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Job 2:12

Karullamantaraj qhawariytawan mana rejsiyta aterqankuchu Jobtaqa, chayrayku qhaparerqanku, waqarqankutaj, p'achasninkutataj llik'irakorqanku, jallp'awantaj pataman umasninkuman ima qhallarqanku.

Job 42:6

Chayrayku kunanqa noqa kikiyta chejnikuni, qanmantaj kutirimuyki kay qhelli jallp'api, ushpha patapitaj.

Lamentaciones 2:10

Sionmanta kurajkunaqa ch'inmanta pampapi tiyarakunku, umasninkuman jallp'awan qhallarakuspa, qhashqa p'achas churaykusqas. Jerusalempi llimphu kaj sipaskunaspis pampakama k'umuykorqanku.

Números 14:6

Numpa wawan Josuewan, Jefunej wawan Calebwantaj, maykunachus jallp'ata qhawaj rerqanku chaykuna, p'achasninkuta llik'ikorqanku.

Números 16:22

Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?

Hechos 14:14

Pablowan, Bernabewan uyarispa imatachus ruwayta munasqankuta, p'achasninkuta llik'irakuspa runaj chaupinman qhaparispa yaykorqanku, nerqankutaj: Wiraqochis, imaraykutaj kaykunata ruwashankichejri? Noqaykoqa runaslla kayku, qankuna jina. Chayrayku qankunaman willaj jamuyku, kay qhasi mana kajkunata saqespa, kausashaj Diosman kutirinaykichej paj. Diosqa janaj pachata, kay pachata, qochata ruwarqa, chaykunapi tukuy ima kajkunatapis.

Josué 7:7

Josueqa nerqa: Ay, Señorníy! Imapajtaj kay runasta Jordán mayuta chimpachichimorqanki, amorreosman jaywanawaykupajchu, paykuna tukuchinawaykupajchu? Walej kanman karqa Jordán mayu chimpallapi qhepakunayku.

Apocalipsis 18:19

Umasninkumantaj ñut'u jallp'ata jich'aykukuspa qhaparerqanku, jik'un jik'unta waqaspataj nerqanku: Way, way jatun llajtamanta! Mar qochapi tukuy botesniyoj paypa kapuyninwan qhapajyarqanku. Kunantaj uj horallapi ch'inyarparin.

Jueces 11:35

Ajinaqa payta rikuytawankama p'achanta llik'ikorqa may llakikuywantaj kay jinata nerqa: Ay, wawáy, may chhika llakiyta apamuwanki! Qannejta may llakiypi rikhurisaj! Uj promesata Señorman ruwarqani kunantaj junt'anay tiyan.

Jueces 20:26

Chaypacha Israelmanta tukuy soldados tukuy Israel ayllupis watejmanta Betelman rillarqankutaj Señorpa ñaupaqempi waqamunankupaj. Chaypitaj tukuy p'unchayta mana mikhusqas karqanku, chanta Señorman jaywarqanku q'olachinasta, chantá allinyakuna jaywanastawan.

Jueces 21:2

Chay qhepatataj tantakorqanku Betelpi Diospa ñaupaqempi ch'isiyanankama waqaspa willakuspataj kay jinata: Oh Señor, Israelpa Diosnin! Imaraykutaj kay imas qhatiriwaykuri? Imaynatataj atikonqa Israelmanta ujnin ayllu faltananri?, nispa.

1 Samuel 4:12

Uj soldadotaj Benjamimpa ayllunmanta kaj ayqerqa chay maqanakumanta, sinch'ita rispataj chay kikin diapacha chayarqa Silo llajtaman, p'achasnin llik'irasqa, umampi jallp'a qhalliykusqayoj.