Josué 7:5 - Qheshwa Biblia DC

⁵ Chaypacha wañucherqanku kinsa chunka sojtayoj israelitasta. Wakintataj qhatiykorqanku llajta punkumanta canteraskama, wakintataj chay tukuy uraypi mayta waqacherqanku. Chayrayku israelitasqa maytapuni q'ewakorqanku, manaña maqanakuyta munarqankuchu.

DIOSPA QHELQACHISQAN DEUTEROCANONICAL

⁵ Chaypacha Hai llajtamanta soldadokunaqa kinsa chunka sojtayoj israelitakunata wañucherqanku. Wakintataj llajta punkumanta rumi orqhona cheqanejkama qhatiykorqanku, chantá chay uraynejpi paykunata mayta t'ustiykorqanku. Chayrayku israelitakunaqa maytapuni q'ewayarqanku, manañataj maqanakuyta munarqankuchu.

DIOSPA QHELQACHISQ

⁵ Chaypacha Hai llajtamanta soldadokunaqa kinsa chunka sojtayoj israelitakunata wañucherqanku. Wakintataj llajta punkumanta rumi orqhona cheqanejkama qhatiykorqanku, chantá chay uraynejpi paykunata mayta t'ustiykorqanku. Chayrayku israelitakunaqa maytapuni q'ewayarqanku, manañataj maqanakuyta munarqankuchu.

Josué 7:5 ပူးပေါင်းရင်းမြစ်များ

Salmos 22:14

Jich'akoj yaku jina kani. Tukuy tullusniy kutasqas kanku. Sonqoytaj mach'a jina kashan, ukhuypi unuyashan.

Salmos 58:7

Suroj yaku jina chinkachunku. Ñampi qhora jina ch'akichunku.

Isaías 13:7

Chayrayku tukuy runaj makin llauchhuyanqa, jinallataj tukuy runaj sonqompis q'aymayanqa.

Ezequiel 21:7

Imamantachus waqasqaykita tapurisojtinkutaj ninki: Uj llakiy imas chayamunanmanta yachaspa waqashani. Chaypachataj tukuy runaspa sonqon mancharenqa, makisnintaj llauch'iyanqanku. Tukuy runaspa qonqorisninkutaj manchariywan kharkatitenqanu. Chay p'unchayqa chayamushanña, chayqa jinapuni kanqa. Noqa Señor chaytaqa nini.

Levítico 26:36

Pikunachus enemigoj llajtampi kausankichejraj chaykunaman sinch'i manchachikuyta qosqaykichej, ayqenkichejtaj sach'a laqhe urmaspa chhaj nejtillan. Ajinata ayqenkichej pipis espadawan qhatishasunkichejman jina. Jinamanta qankunaqa mana pi imanashajtillan urmankichej.

Nahúm 2:10

Niniveqa q'ala phirisqa, ch'impacha, tukuy iman pampachasqa kashan. Mancharikuywan sonqosninkoqa p'akikushanña, moqosninkupis kharkatitishan. Tukuyninkoj kallpasninkupis manaña kanchu. Uyasninkupis manaña paykunapichu kanku; q'ellu q'ellullaña kanku.

Deuteronomio 1:44

Chaykunapi tiyakoj amorreostaj qankunawan maqanakoj jamorqanku, atipaspataj qhatiykamusorqachej wayronqos jina, Seirpi atipaspa Hormakama.

Josué 2:11

Chayta yachaspa noqaykoqa maytapuni mancharikorqayku. Chayrayku mana pipis atinmanchu qankunawan maqanakuytaqa. Imaraykuchus Señorqa Diosniykichej, pay kikin janaj pachapi kashan, jinallataj kay pachapipis.

Josué 2:9

Noqa yachani, Señorqa qankunaman kay jallp'ata qosqasuykichejta, pay nerqa noqayku qankunata sinch'ita manchachikunaykuta. Tukuy kaypi tiyakojkunaqa qankunarayku manchachikuywan wañusqas jinaña kayku.

Josué 5:1

Tukuynin amorreospa reyesninku Jordanmanta inti yaykuynejpi kasharqanku. Cananeospa tukuy reyesninkutaj mar qocha qayllapi kasharqanku; paykuna yacharqanku Señorqa imaynatachus Jordán mayu yakuta ch'akichisqanta israelitas chayninta chimpanankukama, maytataj mancharikorqanku, mana munarqankuchu israelitaswan maqanakuyta.