Josué 7:26 - Qheshwa Biblia DC

²⁶ Chaymantataj patanman ashkha rumiswan qontuykorqanku, chay rumi qontoqa kunankama kashan. Chayrayku chay cheqataqa Acor valle nispallapuni sutichashanku. Ajinamanta Israelpa contrampi Señorpa k'ajaj phiñakuynenqa thasnukorqa.

DIOSPA QHELQACHISQAN DEUTEROCANONICAL

²⁶ Chaymantataj patanman ashkha rumita tawqaykorqanku, chaytaj kunankama kashan. Chayrayku chay cheqata Acor Valle nispa suticharqanku. Tata Diostajrí Israelpa contranpi manaña phiñasqachu karqa.

DIOSPA QHELQACHISQ

²⁶ Chaymantataj patanman ashkha rumita tawqaykorqanku, chaytaj kunankama kashan. Chayrayku chay cheqata Acor Valle nispa suticharqanku. Tata Diostajrí Israelpa contranpi manaña phiñasqachu karqa.

Josué 7:26 ပူးပေါင်းရင်းမြစ်များ

2 Samuel 18:17

Chaypacha Absalompa ayanta chay montepi uj jatun jusk'u karqa chayman wijch'uykorqanku, patanmantaj rumista may jatunta qolluykorqanku. Tukuy israelitastaj sapa uj wasisninkuman ayqerqanku.

2 Samuel 21:14

Saulpa tullusninta jinataj Jonatampatapis p'amparqanku Saulpa tatan Cispaj p'ampana covachampi, benjamimpa jallp'ampi, Zela nisqa llajtapi. Tukuy imataj ruwakorqa rey kamachisqanman jina. Kaymanta qhepamantaj Diosqa chay jallp'ata khuyakorqa.

2 Crónicas 29:10

Noqaqa niniña Israelpa Señor Diosninwan tratota ruwanayta, jinamanta phiñakuyninta noqanchejmanta t'aqanampaj.

Esdras 10:14

Aswan allin kanman kurajkunasniyku qhepakunankoqa cuentaykumanta. Tukuy pikunachus llajtasniykupi tiyakunku, waj llajtayoj warmiswantaj casararqanku chaykunaqa uj señalasqa p'unchaypaj, llajtaykupi kamachejkunawan jamuchunku juezkunasninkuwan khuska. Kay jinamanta Diospa k'ajaj phiñakuynin noqaykumanta t'aqakonqa.

Salmos 85:4

Salvawajniyku Dios, salvawayku kunampis ari, amañataj noqaykupaj phiñasqa kaychu.

Éxodo 32:12

Manachu chayta yachaspa egipciosqa ninkuman: Diosqa israelitasta orqhon ch'in pampaspi wañuchinanrayku, kay jallp'a patamanta q'alata chinkachinanrayku?, nispa. Thasnullay ari chay k'ajaj phiñakuyniykitaqa, ama ari phiñakuychu, yuyarikuy ari Israel runasniykimanta.

Isaías 40:2

K'acha simiwan Jerusalenmanqa parlaychej. Kamachi kanaykichej p'unchayqa tukukapun, juchasniykichejqa pampachasqaña. Chay juchasniykichejmanta jasut'itaqa uj jinatawanña Señorpa makinmanta jap'inkichej.

Isaías 65:10

Mask'awaj kamachisneyqa ovejasninkuta Sarompi mirachenqanku, wakasninkutataj Acor vallepi.

Lamentaciones 3:53

Kausashajta pozoman wijch'uykuwanku, pataymantaj uj rumiwan atiykuwanku.

Oseas 2:15

Chaymantaraj viña sach'asninta kutichipusaj, jinataj Acor valletapis chayman suyayninta kicharinampaj. Chaypimá kutichiwanqa joven kashaspa kutichiwarqa jinata, chantá, maypachachus Egiptomanta llojsimusharqa chaypacha jina.

Oseas 2:17

Siminkumantataj qhechusaj, chay baalesmanta parlayta, ni jayk'aj sutillantapis oqharenqankuñachu.

Joel 2:13

Qankuna, Señor Diosniykichejman kutirikampuychej! P'achasta llik'inaykichejtaqa, sonqoykichejta llik'iychej! Imaraykuchus, Señorqa sonqonta wawayachikojmin, khuyakojtaj. May pacienciayoj, tukuy munakuyniyojtaj Payqa. Jasut'isuyta yuyasqanta saqepuytapuni munan.

Joel 2:18

Chaypacha Señorqa ayllunman rikucherqa munakuyninta. Jallp'ampi kaj runasninta khuyakuspataj, nerqa: Apachimusqaykichej trigota, vinota, aceiteta ima, sajsasqas kanaykichejkama, manataj ujtawan saqesajchu mana creejkuna qankunamanta burlata ruwakunankuta.

Jonás 1:15

Chaymantataj, Jonastaqa jap'iytawan mar qochaman wijch'uykorqanku, yakutaj chay jinata oqharikushaspa tiyaykorqapacha.

Zacarías 6:8

Kay qhepatataj ángel qhaparimuwarqa: Norte ladoman rerqanku chaykunaqa, Señorpa phiñakuyninta thasnuchenqanku chay lado jallp'aspaj, nispa.

Deuteronomio 13:17

Qankunaqa chay tukuy imas chinkachisqa kananmanta ama imatapis jap'ikapunkichejchu. Chayta ruwankichej chayqa, Señorpa sinch'i phiñakuynenqa tiyaykonqa, qankunatataj khuyasonqachej. Qankunata perdonaspataj ashkhata mirachisonqachej, tatasniykichejman juraspa nisqanman jina.

Deuteronomio 13:18

Ajina kanqa Señor Diosniykichejta kasuwajchej chayqa, kay tukuy kamachisninta junt'aspa, kunan nishaykichej, chaykunata ruwaspataj allin kajllata Señor Diosniykichejpa ñaupaqempi.

Josué 10:27

Inti chinkaykushajtintaj Josueqa chay warkhusqasmanta uraykuchichimorqa, chaymantataj kamacherqa may jusk'u pichus pakakorqanku chayllamantaj wijch'uykamunankuta. Paykunataj jusk'uman wijch'uykamuytawan jatuchaj rumiswan sumajta wisq'aykamorqanku. Chay ruwasqataj kunankama kashan.

Josué 7:24

Kikimpachataj Acantaqa Acor valleman pusarqanku, mantata, sayt'u p'alta qorita, qolqe pakasqantawan khuska, chanta qhari wawasnintawan, warmi wawasnintawan, wakasnintawan, burrosnintawan, ovejasnintawan, jarantawan, imasninchá tiyaporqa chaytawan khuska.

Josué 8:29

Chaymantaqa Hai reyta uj sach'aman warkhuykorqa ch'isiyanankama. Inti yaykuytataj kamacherqa chay ayanta uraykuchinankuta uraykuchispa llajta yaykuyman wijch'umunankuta, patanmantaj rumiswan qontuykunankuta. Chay rumi qontutaj kunankama kashan.