Josué 6:4 - Qheshwa Biblia DC

⁴ Qanchis sacerdotes renqanku, Señorpa trato ruwasqan cajompa ñaupaqenta, sapa ujninkutaj renqanku carnerospa wajrasninmanta pututusniyoj. Qanchis kaj p'unchaypitaj qanchis kutita llajtata muyurinkichej, sacerdotestaj chaykama pututusninkuta tocanqanku.

DIOSPA QHELQACHISQAN DEUTEROCANONICAL

⁴ Tata Diospa trato ruwasqan arcaj ñawpaqenta qanchis sacerdotekuna renqanku, sapa ujninku carneroj wajranmanta pututuyoj. Qanchis kaj p'unchaypitaj qanchis kutita llajtata muyurinkichej, chaykamataj sacerdotekunaqa pututunkuta waqachenqanku.

DIOSPA QHELQACHISQ

⁴ Tata Diospa trato ruwasqan arcaj ñawpaqenta qanchis sacerdotekuna renqanku, sapa ujninku carneroj wajranmanta pututuyoj. Qanchis kaj p'unchaypitaj qanchis kutita llajtata muyurinkichej, chaykamataj sacerdotekunaqa pututunkuta waqachenqanku.

Josué 6:4 ပူးပေါင်းရင်းမြစ်များ

Génesis 2:3

Chaymanta qanchis kaj diata Dios bendicerqa, churanoqarqataj samarikuna diata, imaraykuchus Pay chay p'unchaypi samarikorqa tukuy imata ruwasqanmanta.

1 Reyes 18:43

Kamachinmantaj nerqa: Llojsispa mar qochanejta qhawarimuy. Paytaj wicharispa qhawarerqa, nerqataj: Mana imapis kanchu. Eliastaj ujtawan nillarqataj: Qanchis kutita qhawarimuy.

2 Reyes 5:10

Eliseotaj uj willajta kacharqa ninampaj: Jordán mayuman rispa qanchis kutita p'ultikamuy, ukhuykitaj thañichisqa kanqa, llimphutaj kanki.

2 Reyes 5:14

Chanta Naamanqa Jordán mayuman uraykuytawan qanchis kutita p'ultikorqa, imaynatachus Diospa runan nisqanman jina. Ukhuntaj wawaj ukhun jina tukorqa, llimphumantaj tukorqa.

2 Crónicas 13:12

Kayta yuyarikuychej Diosqa noqaykuwan kashan kamachejniyku jina. Sacerdotesnintaj wakisqaña kashanku trompetaswan, contraykichejpi qankunawan maqanakunaykupaj. Chayrayku qankuna Israel ayllumanta kajkuna ñaupa tatasniykichejpa Señor Diosnimpa contrampi ama maqanakuychejchu, imaraykuchus paytaqa mana atipawajchejchu.

2 Crónicas 20:17

Kay kutipeqa manamin qankunachu maqanakunkichej. Chaynejpi allinta sayakuychej, kakullaychej mana kuyukuspa, rikunkichejtaj imaynatachus Señor qankunata librasusqaykichejta. Jerusalempi, jinataj Judapi tiyakojkuna runas ama manchachikuychejchu, nitaj kharkaychejchu, q'ayapacha riychej paykunawan maqanakoj, Señorqa qankunawan kashan.

2 Crónicas 20:19

Coatpa ayllunmanta kajkuna, Corejpamanta kajkunapiwan levitasqa sayarikuspa Israelpa Señor Diosninta sinch'ita qhaparispa yupaycharqanku.

2 Crónicas 20:21

Aylluta tapuriytawantaj wakinta takinankupaj churarqa, llimphuchasqa p'achasninkuwan churaykusqas soldadospa ñaupaqenta rinankupaj, Señorta yupaychaspa kay takiywan, Señorman graciasta qoychej, munakuynin wiñaypaj kasqanrayku.

Job 42:8

Kunanqa qanchis torosta, qanchis carnerostawan qhatirikuspa kamachiy Jobman riychej; chaypitaj q'olachispa jaywamuychej chay jinata parlasqaykichejmanta. Kamachiy Jobqa chaypi qankunapaj Señormanta mañapusonqachej, noqataj chay mañapusqasuykichejta uyarisaj, jinamanta mana jasut'isqaykichejchu; chaywampis qankunaqa jasut'isqapuni kanaykichej karqa, imaynatachus noqamanta mana cheqantachu parlasqaykichejrayku, imaynatachus kamachiy Job ruwarqa jinataqa.

Isaías 27:13

Chaypacha putututa jatunmanta waqachenqanku, chayta uyariytawan Asiriaman wijch'usqa kajkuna jamonqanku, jinallataj Egiptopi kajkunapis. Chayamuspataj Jerusalempi Santo orqopi Señorta yupaychanqanku.

Levítico 14:16

Jinaspataj paña maki dedonwan chhaponqa, chay uj makimpi kashaj aceiteman. Chay dedollanwantaj qanchis kutita ch'ajchonqa. Señorpa ñaupaqempi aceitewan ch'ajchonqa.

Levítico 4:6

Chaypitaj sacerdoteqa uj dedonwan yawarman chhapurispa qanchis kutita ch'ajchonqa Señorpa ñaupaqempi cheqaj cortinanman.

Zacarías 4:6

Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

Números 23:1

Chaypi Balaamqa Balacman nerqa: Kaypi ruwapuway qanchis altarkunata; chaymantaj apamuy qanchis waka uñasta, qanchis carnerostawan, nispa.

Josué 6:13

Señorpa cajonnimpa ñaupaqentataj qanchis sacerdotes rerqanku mana sayarispa, carnerospa wajrasninmanta pututusninkuta waqarichispa. Maqanakupaj sumaj wakichisqa runastaj risharqanku wakin ñaupajta, wakintaj Señorpa trato ruwasqan cajonnimpa qhepanta. Chaykamataj pututustaqa mana samarispa waqachillarqankupuni.

Josué 6:3

Jericó llajtata tukuy Israel soldados uj kutita diapi muyuyninta muyurinkichej. Kaytaqa ruwankichej sojta p'unchayta.

Josué 6:5

Carnero wajrasta waqajta uyariytawan, tukuy kallpawan qhapariychej, llajtaj perqasnintaj ujllata pampaman urmanqanku. Chaymantataj sapa ujniykichej llajtaman phinkikuychej, nispa.

Apocalipsis 1:20

Pakasqa yachacheyqa chay qanchis qoyllurkunamanta, paña makiypi rikusqayki chay qanchis k'anchachinasmantawanqa, kay jina: Qanchis qoyllurkunaqa, qanchis iglesiaspa angelesnin; qanchis k'anchachinas rikusqaykitaj, qanchis iglesias kanku.

Apocalipsis 1:4

Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

Apocalipsis 10:3

Sinch'itataj qhaparerqa, leompis waqashanman jina. Qhaparejtintaj qanchis qhon qhonkuna sonasqankuta uyaricherqanku.

Apocalipsis 15:1

Rikorqani janaj pachapi waj rikuchiyta jatunta t'ukunapaj jina. Qanchis ángeles jap'isharqanku qanchis qhepa jasut'iykunata, imaraykuchus chaykunawan Diospa phiñakuynin junt'akusharqa.

Apocalipsis 15:7

Tawa animalmanta ujnin kaj, qanchis angelesman qanchis qori vasosta qorqa, Diospa phiñakuyninwan junt'asqasta. Diosqa wiñay wiñaypaj kausan.

Apocalipsis 16:1

Templomanta sinch'ita parlamojta uyarerqani, qanchis angelesmantaj nerqa: Riychej, jich'amuychej jallp'aman Diospa k'aja phiñaynimpa chay qanchis vasosmanta.

Apocalipsis 5:1

Tronopi tiyasqa kajpa paña makimpi rikorqani uj librota, ukhumpi jawampitaj escribisqata, qanchis selloswantaj sellasqata.

Apocalipsis 5:6

Rikullarqanitaj tronoj chaupimpi, tawa animalespa chaupimpi, kurajkunaj chaupimpiwan Corderota, ñak'asqata jina sayashajta. Chay Corderoqa karqa qanchis wajrayoj, qanchis ñawisniyojtaj. Chaykunaqa Diospa qanchis espiritusnin kanku, tukuy mundoman kachamusqas.

Apocalipsis 8:2

Rikorqanitaj Diospa ñaupaqempi qanchis angelesta sayashajta. Paykunamantaj qanchis pututus qosqa karqa.

Apocalipsis 8:6

Qanchis angelestaj, sapa uj trompetanta waqachinampaj wakichikorqanku.