Josué 6:24 - Qheshwa Biblia DC

²⁴ Chaypachetaj israelitasqa chay llajtata ruphaykucherqanku, tukuy chaypi kaj imastawan. Kay imasllata orqhomorqanku: Qolqeta, qorita, imaschá broncemanta, fierromanta ima kajtawan, chaytataj Señorpaj qolqe jallch'anaman churarqanku.

DIOSPA QHELQACHISQAN DEUTEROCANONICAL

²⁴ Chantá israelitakunaqa Jericó llajtata, jinataj chaypi tukuy ima kajtawan ruphaykucherqanku. Kaykunallata orqhorqanku: Qolqe metalta, qorita, imakunachá broncemanta, fierromanta ima kajtawan, chaytataj Tata Diospaj qolqe waqaychanaman churarqanku.

DIOSPA QHELQACHISQ

²⁴ Chantá israelitakunaqa Jericó llajtata, jinataj chaypi tukuy ima kajtawan ruphaykucherqanku. Kaykunallata orqhorqanku: Qolqe metalta, qorita, imakunachá broncemanta, fierromanta ima kajtawan, chaytataj Tata Diospaj qolqe waqaychanaman churarqanku.

Josué 6:24 ပူးပေါင်းရင်းမြစ်များ

2 Samuel 10:5

Davidtaj kay tukuyta yachaspaqa, kamachisninta kacharqa taripamunankupaj, chay runas may p'enqaypi kasqankurayku. Chantá Davidqa chay kachasninman nichillarqataj qhepakunankuta Jericó llajtapi sunkhasninku wiñanankama, chaymantataj kutimpunankuta.

2 Reyes 25:9

Chaypi ninawan enqhaykorqa Señorpa wasinta, reypa wasintawan, Jerusalén llajtapi tukuynin wasista, kurajkunaspa wasisninkutawan, chay tukuytapuni enqhararqa.

1 Crónicas 18:11

Davidqa kay tukuy kaj imasta, qorimanta kajta, qolqemanta kajtawan Señorpaj t'aqarqa, kay tukuy nacionesmanta qhechusqasnintawan, Edonmanta, Moabmanta, amonitasmanta, filisteosmanta, amalecitasmanta ioma.

Números 31:10

Chantapis, llajtasninkuta ruphaykucherqanku, jinallataj jarasninkutapis.

Deuteronomio 13:16

Chay tukuy imasninkutaqa chay llajta plazaman tantankichej. Llajtata ninawan kanaykunkichej runasmanta qhechusqasniykichejta ima. Chantapis tukuy chay imasqa ofrenda ruphasqa jina Señorpaj kanqa. Jinamanta chay llajtaqa wiñaypaj raqaylla kanqa, ni jayk'ajpis watejmanta ruwakonqañachu.

Deuteronomio 13:17

Qankunaqa chay tukuy imas chinkachisqa kananmanta ama imatapis jap'ikapunkichejchu. Chayta ruwankichej chayqa, Señorpa sinch'i phiñakuynenqa tiyaykonqa, qankunatataj khuyasonqachej. Qankunata perdonaspataj ashkhata mirachisonqachej, tatasniykichejman juraspa nisqanman jina.

Deuteronomio 20:16

Señor Diosniykichej qosonqachej chay jallp'aspeqa tukuy kausayniyojkunata tukuchinkichej.

Josué 11:11

Chay llajta ukhupi kajkunatataj mana ujniyojta wañuracherqanku, imaschus kajtapis tukuyninta t'unaykorqanku. Jinaytawantaj Hazor llajtataqa ninawan kanaykorqanku.

Josué 6:19

Chantaqa, qori, qolqe, imaschus broncemanta kajkuna, fierromantawan imasqa, Señorman qosqa kanqa. Chaykunaqa maypichus qolqes churakun chayman yaykonqa, nispa.

Josué 6:25

Josueqa Rahabpa kausayninta, tukuy ayllumpatawan perdonarqa, imaraykuchus pay pakaykusqa Jericota wateqajkunata Josué kacharqa chaykunata. Chaymantapacha Rahabpa miraynenqa israelitas ukhupi kausanku.

Josué 8:28

Josuetaj Hai llajtata ruphaykucherqa, wiñaypaj laqayapachata saqerparerqa, kunankama jina kashan.

Apocalipsis 17:16

Chay chunka wajras, phiña animalpi rikorqanki chaykuna, qhenchachakoj warmita chejnenqanku, sapanta q'alallata saqerpayanqanku, aychantataj mikhonqanku, ninawantaj ruphachenqanku.

Apocalipsis 18:8

Chayrayku uj p'unchayllapi ñak'ariykunasnin jamonqanku: Wañuy, waqay, yarqhaytaj. Chantá ninwantaj ruphasqa kanqa. Atiyniyoj Dios Señorqa payta juchachan.