Josué 6:2 - Qheshwa Biblia DC

² Señortaj Josueman nerqa: Noqa makiykiman jaywayki Jericó llajtata, reyninta, soldadosnintawan.

DIOSPA QHELQACHISQAN DEUTEROCANONICAL

² Tata Diostaj Josueta nerqa: Jericó llajtata, kuraj kamachejninta, chantá soldadonkunatawan ima, noqa makiykiman jaywayki.

DIOSPA QHELQACHISQ

² Tata Diostaj Josueta nerqa: Jericó llajtata, kuraj kamachejninta, chantá soldadonkunatawan ima, noqa makiykiman jaywayki.

Josué 6:2 ပူးပေါင်းရင်းမြစ်များ

2 Samuel 5:19

Chayraykutaj Davidqa Señorta tapurerqa kay jinata: Filisteoswan maqanakoj riymanchu? Paykunawan maqanakojtiyrí, atipachiwankimanchu?, nispa. Señortaj payman kuticherqa: Arí, rillay maqanakoj, noqa atipachisqayki paykunata, nispa.

Nehemías 9:24

Paykunataj yaykorqanku, jap'ikaporqankutaj Canaán jallp'ata, chay llajtayoj runastataj paykunaj ñaupaqenkupi k'umuykacherqanki, jinataj reykunasninkuta, chaykunapi tiyakojkuna runastapis, makisninkuman churarqanki paykuna munayninkuman jina ruwanankupaj.

Daniel (hebreo) 2:21

Paymin tiemposta, watastapis waj jinaman tukuchin, reyesta qhechun sayachinta. Yachayta qon yachayniyojkunaman, aswan rejsiytataj tukuy imata rejsejkunaman.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Daniel (hebreo) 4:17

Chay jina ruwakunanta kamachinku allinta qhawaj santo angelkunaqa, tukuyninku runakuna yachanankupaj jatumpi kaj Diosqa atiyniyoj kasqanta llajtata kamachinku chaykunaj patampi; pay atiyninta qosqanta kamachinampaj pimanchus qoyta munasqanman; uj naciompi kuraj kanampajtaj churasqanta aswan pisi yachayniyoj runata.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Daniel (hebreo) 5:18

Tukuy Atiyniyoj Dios, Nabucodonosor tataykiman qorqa reinota, jatun atiyta, gloriata, jatumpaj qhawasqa kayta ima.

Deuteronomio 7:24

Reyesninkutapis Señorqa makisniykichejman churasonqachej. Qankuna paykunaj mentasqa kayninkuta kay jallp'a patamanta chinkachinkichej. Nitaj pipis kutichikamusonqachejchu. Ajinamanta tukuyninkuta chinkachinkichej.

Josué 12:9

Josuejpa wañurachisqan reyesqa kaykuna karqanku: Jericomanta, Haimanta, chayqa Betel qayllallapi karqa; Jerusalenmanta, Hebronmanta; Jarmutmanta, Laquismanta, Eglonmanta, Gezermanta, Debirmanta, Gedermanta, Hormamanta, Aradmanta, Libnamanta, Adulanmanta, Macedamanta, Bet-elmanta, Tapuamanta, Hefermanta, Afecmanta, Saronmanta, Madonmanta, Hazormanta, Simron-meronmanta, Acsafmanta, Taacnacmanta, Meguidomanta, Cadesmanta, Carmelo cheqapi Jacneamanta, Dormanta, chayqa Dor provinciapi karqa, Gilgalpi Goimmanta, Tirsamanta, ima. Tukuynimpi chay reyesqa karqanku kinsa chunka ujniyoj.

Josué 2:24

Nerqanku: Señorqa chay tukuynin jallp'asta makisninchejmanña churan. Tukuy chaypi tiyakojkunaqa may mancharisqas kashanku.

Josué 2:9

Noqa yachani, Señorqa qankunaman kay jallp'ata qosqasuykichejta, pay nerqa noqayku qankunata sinch'ita manchachikunaykuta. Tukuy kaypi tiyakojkunaqa qankunarayku manchachikuywan wañusqas jinaña kayku.

Josué 20:1

Señorqa Josueman nerqa: Israelitasman parlay, niytaj pakakuna llajtasta ajllachunku, imaynatachus Moisesnejta kamachisqayman jina.

Josué 6:1

Chaypacha mana pipis Jericoman yaykuyta aterqachu, imaraykuchus llajta punkustaqa sumajta wisq'amusqanku israelitasmanta jark'akunankupaj. Chayrayku ni pipis yaykojchu, nitaj llojsejchu.

Josué 6:3

Jericó llajtata tukuy Israel soldados uj kutita diapi muyuyninta muyurinkichej. Kaytaqa ruwankichej sojta p'unchayta.

Josué 8:1

Señorqa Josueman nerqa: Ama manchachikuychu, nitaj iskayrayaychu. Tukuy soldadosniykita pusariykukuspa Hai llajtaman wichariy, noqa Hai llajtaj reyninta, runasnintawan makisniykiman jaywasqayki. Chaymantaqa jallp'asninku, llajtanku imataj qampata kanqa.

Jueces 11:21

Israelpa Señor Diosnenqa atipacherqa Sehonta jinataj soldadosnintapis, jinamanta jap'ikaporqanku chay cheqapi amorreokunaj jallp'asninkuta:

Jueces 11:24

Sichus diosniyki Quemos imatapis qosunkiman, chaytataj qampata kasqanta ninki. Manachu jina? Ajinallatataj noqaykupis imastachus Señorqa ñaupaqeykupi qhechuspa qowasqaykutaqa noqaykojta kasqanta qhawayku.