Josué 5:9 - Qheshwa Biblia DC

⁹ Chaymanta Señorqa Josueman nerqa: Kay circuncisión ruwakusqanwanqa egipciospa p'enqakuyninta qhechuykichej, nispa. Chayrayku chay cheqaqa kunankama Gilgal nisqa sutiyoj.

DIOSPA QHELQACHISQAN DEUTEROCANONICAL

⁹ Chantá Tata Dios Josueta nerqa: Kunan circuncidasqaykichejwan Egiptopi wata runa kasqaykirayku p'enqachisqa kasqaykichejta chinkachini, nispa. Chayrayku chay cheqaqa kunankama Gilgal nisqa sutiyoj kashan.

DIOSPA QHELQACHISQ

⁹ Chantá Tata Dios Josueta nerqa: Kunan circuncidasqaykichejwan Egiptopi wata runa kasqaykirayku p'enqachisqa kasqaykichejta chinkachini, nispa. Chayrayku chay cheqaqa kunankama Gilgal nisqa sutiyoj kashan.

Josué 5:9 ပူးပေါင်းရင်းမြစ်များ

2 Samuel 19:15

Chaypacha reyqa kutimpuspa Jordán mayukama jamorqa. Chay jawataj Judamanta kajkunaqa reyta taripaj Gilgalman rerqanku mayuta chimpayta yanapanankupaj.

Salmos 119:39

Manchachikuni chay p'enqayta noqamanta karunchay, imaraykuchus nisqasniykeqa allimpuni kanku.

Jeremías 9:25

Señorqa nillantaj: Uj p'unchay jamushan, tukuy ayllus aychaman jinalla circuncidakojkunata jasut'isaj.

Ezequiel 23:3

Paykunataj Egiptopi qhenchachakorqanku, chaypi chuchusninkuta llankhachikorqanku, doncella kayninkuta chinkacherqanku.

Ezequiel 23:8

Egiptopi qhenchachakusqanmantapacha mana qonqakunachu, imaraykuchus sipas kashajtin egipcio waynas paywan puñuykorqanku, paykunataj doncella chuchusninta t'ojpispa qhenchacharqanku uj qhencha warmiman tukuchinankukama.

Oseas 4:15

Israel, sichus qan qhenchachakunki chayqa, jinapis Judaqa ama juchayojchu rikhurichun. Ama Gilgalman qankuna riychejchu, amataj Bet-avenmampis wichariychejchu, amallataj Señorpa kausayninraykupis juraychejchu!

Amós 5:5

Ama Betelmanqa qayllaychejchu, amataj riychejchu Gilgalman, nitaj Beersebanejtapis riychejchu; imaraykuchus Gilgalmanta kajkunaqa presos apasqas kanqanku, Beteltaj chinkachisqa kanqa.

Miqueas 6:5

Munasqa ayllúy, yuyarikuy kunan Moabmanta rey Balacpa wakichikusqanta, Beorpa wawan Balaampajman kutichisqantataj. Yuyarikuy, Sitinmanta Gilgalman pasasqaykita. jinataj rejsiy Señorpa atipachisqasninta.

Sofonías 2:8

Tukuy Atiyniyoj Señorqa, Israelpa Diosnenqa kay jinata nin: Uyarini Moab runaspa mana allinta parlasqankuta, Amón llajtayoj runaspa burla ruwakusqankuta ima, imaraykuchus paykunaqa runasniypaj sajrata parlanku. Paykunaqa runasniypa jallp'ankuwan jatunyakunku. Chaynejta, kausayniyrayku juramentota ruwani. Moab llajtaqa Sodoma jina jasut'isqa kanqa. Amompi tiyakoj runastaj Gomorrapi tiyakoj runas jina qhepakonqa. Chay jallp'astaj khishkas pampaman tukonqa. Kachi orqhona jinataj wiñaypaj uj ch'in pampa qhepakonqa. Llajtaymanta kausaypi puchojkunataj paykunamanta qhechuranqanku, chanta jallp'ankupitaj qhepakonqanku.

Josué 24:14

Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.

Josué 4:19

Israelitasqa Jordán mayuta chimpaspa llojserqanku ñaupaj killaj chunka p'unchaynimpi, rispataj Gilgalpi jarakorqanku, Jericój inti llojsimuyninnejpi.

Josué 5:8

Maypachachus tukuyninku circuncidachikuytawantaj jarasninkupi qhepakorqanku thañinankukama.

1 Samuel 14:6

Jonatanqa chay yanapajninman nerqa: Thaskiypacha, risunchej Diosta mana manchachikoj runaspaman. Ichapis Señorqa noqanchejnejta imatapis ruwanman, paypajqa atikullan atipachinawanchej ashkha runaswampis, chayri pisiswampis.

1 Samuel 17:26

Chaypacha David tapurerqa chay ladompi kajkunata: Imatataj qonqanku kay filisteo runata wañuchejman, Israelta k'umuykachachejta qhechojmanri? Pitaj kasqa Diosta mana rejsej runari, kausaj Diospa soldadosnimpa contrampi sayaykojri?, nispa.

1 Samuel 17:36

Ajinata kay kamachiykeqa wañuchej leontapis, chayri osotapis. Kay Diosta mana rejsej runatapis kikillantataj ruwasaj, kausaj Diospa soldadosnimpa contrampi sayaykusqanrayku.

1 Samuel 7:16

Sapa watataj rillajpuni Betelman, Gilgalman, jinataj Mizpamampis, israelitas ukhupi ch'ajwajkunata allinyachej.