Josué 5:14 - Qheshwa Biblia DC

¹⁴ Chay espadayojtaj nerqa: Ni mayqenmanta; noqaqa jamuni Señorpa soldadosinta kamachejnin jina. Chaymanta Josueqa pampaman umanta chayachinankama k'umuykukorqa, taporqataj: Imatataj kunan Señorniy kamachishan kamachinmanri?, nispa.

DIOSPA QHELQACHISQAN DEUTEROCANONICAL

¹⁴ Chay runataj nerqa: Ni mayqenmanta, noqaqa Tata Diospa soldadonkunata kamachej jina jamuni, nispa. Chantá Josueqa pampakama k'umuykuspa, taporqa: Imatataj kunan Tata Dios kamachiyta munashawanri? nispa.

DIOSPA QHELQACHISQ

¹⁴ Chay runataj nerqa: Ni mayqenmanta, noqaqa Tata Diospa soldadonkunata kamachej jina jamuni, nispa. Chantá Josueqa pampakama k'umuykuspa, taporqa: Imatataj kunan Tata Dios kamachiyta munashawanri? nispa.

Josué 5:14 ပူးပေါင်းရင်းမြစ်များ

Génesis 17:17

Abrahamtaj qonqoriykukorqa umanta pampaman chayachinankama, asirikorqataj, sonqompi kay jinata yuyaspa: Pachaj watasniyoj runaqa atinmanrajchu wawasniyoj kayta? Saraqa isq'on chunka watasniyojña, wawayojrajchu chanta kanman?, nispa.

Génesis 17:3

Abramtaj chayta uyarispa umanta pampaman chayachinankama k'umuykorqa. Diostaj payman nillarqataj:

2 Samuel 7:19

Qanmanqa pisimanraj rijch'asunki kay tukoyqa, qanqa kamachiykej jamoj mirayninmantapis parlallankitaj! Mana pipis qan jina ruwajqa kanchu Señor!

2 Samuel 7:20

Imastawantaj niykiman Señor? Qanqa kay kamachiykitaqa rejsinkiña Señor Diosníy.

Salmos 110:1

Señorqa señorniyman nerqa: Pañaynejpi tiyakuy, enemigosniykita chakisniyki uraman churanaykama.

Salmos 24:10

Pitaj kay atiyniyoj reyri? Tukuy atipaj Señor! Pay atiyniyoj reyqa!

Éxodo 4:10

Chanta Moisesqa nerqa: Ay, Señor! Ni jayk'aj noqaqa runasman allinta parlayta atinichu, mana qan parlawasqaykimantapachallachu, ni qaynallamantachu, nitaj kunallanmantachu, noqa kamachiykeqa unaymantapuni jina kani, qalloyqa parlashajtiy watakullawampuni.

Éxodo 4:13

Moisesqa nillarqapuni: Ay Señor, waj runata kachakullay ari!, nispa.

Isaías 55:4

Noqa paytaqa nacionesman willajta churarqani; chantá kamachejta, yachachejta ima.

Isaías 6:8

Chaymantataj Señorta nishajta uyarerqani: Pitataj kachasajri? Pitaj palabrasniykuta willamonqari?, nispa. Chantá noqataj nerqani: Kaypi kani Señor, noqata kachaway ari, nispa.

Ezequiel 3:23

Jatariytawan mayu cantoman llojserqani, chaypitaj Señorpa k'anchayninta rikorqani, Quebar nisqa mayu cantopi rikorqani chay jinallatataj. Uyayta pampaman chayachinaykama k'umuykorqani.

Daniel (hebreo) 10:13

Persiata waqaychaj angelqa jark'awarqa iskay chunka p'unchay junt'ata. Migueltaj, atiyniyoj angelkunamanta uj ángel jamorqa yanapanawampaj, imaraykuchus noqa sapallay qhepakusqani Persiamanta kaj reyeswan khuska.

Daniel (hebreo) 10:21

Kunanqa imachus cheqa kaj libropi qelqasqa kashan chayta willasqayki: Paykunaj contrampi maqanakunaypeqa, kamachejniykichej ángel Miguel sapallan yanapawajneyqa, paytaj Israelpa waqaychajnin.

Daniel (hebreo) 12:1

Chaypacha aylluykita qhawaj kuraj ángel Miguelqa rikhurimonqa. Chaypachataj may llakiy kanqa. Chay jinaqa manapuni jayk'ajpis karqachu runas kasqankumantapacha. Chay tiempo chayamojtintaj aylluykimantaqa libropi sutisnin qelqasqa kajkunalla salvasqas kanqanku.

Daniel (hebreo) 8:11

Janaj pachapi kajkunaj kurajnimpa contrampi ima sayaykorqa. Sapa p'unchay Diosman jaywana kajtapis chinkacherqa. Diosta yupaychana cheqatataj thuñerqa.

Levítico 9:24

Señorpa ñaupaqenmantataj nina lauray llojserqa, chaytaj rupharqa altar patapi kasharqa chay jaywasqa uywasta, wirastawan. Chayta rikuspataj tukuynin israelitas kusiywan qhaparerqanku, k'umuykorqankutaj pampaman umasninkuta chayachinankukama.

Números 16:22

Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?

Números 22:31

Chaymanta Señorqa Balaamwan rikuchikorqa. Balaamqa Señorpa angelnin khuskan ñampi espadan oqharisqa sayashajta rikorqa. Rikuytawantaj payqa pampaman umanta chayachinankama qonqoriykukorqa.

San Mateo 8:2

Uj lepra onqoyniyoj runataj, Jesusman qayllaykorqa; ñaupaqenman qonqoriykukuspataj, nerqa: Señor, munanki chayqa, atinki llimphuchawayta.

San Lucas 1:43

Ima niytataj kay munan, Señorniypa maman watukunawampajri?

San Lucas 20:42

Davidllataj Salmos libropi nin: Señor nerqa Señorniyman: Tiyakuy pañaypi, enemigosniykita chakisniyki uraman churanaykama.

San Lucas 5:12

Uj llajtapi Jesús kashajtin, chaypi uj runa leprawan onqosqa kasharqa; paytaj Jesusta rikuytawan qonqoriykukuspa k'umuykorqa pampakama, mañakorqataj: Señor, munanki chayqa, atinki llimphuchawayta, nispa.

San Juan 20:28

Tomastaj kutichispa nerqa: Señorníy, Diosníy!

Hechos 9:6

Saulotaj mancharisqa kharkatitispa nerqa: Señor, imatataj munanki ruwanayta? Jesustaj payman kuticherqa:] Jatarispa llajtaman yaykuy, chaypitaj nisonqanku imatachus ruwanaykita.

Filipenses 3:8

Cheqamanta tukuy imata chinkasqasta jina qhawani Señor Jesucristota allinta rejsisqayrayku. Paypa munakuyninraykutaj tukuy imata saqepuni. Chaykunataqa q'opata jina qhawani, Cristojta kanaypaj.

Hebreos 2:10

Allin karqa Diospaj, piraykuchus, pinejtatajchus tukuy imapis ruwasqa karqa, ashkha wawasta janaj pacha k'anchayman pusashajtin, paykunaman salvacionta qoj. Jesucristotapis pusallantaj ñak'ariykunawan allinta wakichispa.

Josué 20:1

Señorqa Josueman nerqa: Israelitasman parlay, niytaj pakakuna llajtasta ajllachunku, imaynatachus Moisesnejta kamachisqayman jina.

Apocalipsis 12:7

Jatun maqanakutaj janaj pachapi karqa. Miguel, angelesnin ima sierpewan maqanakorqanku.