Josué 5:1 - Qheshwa Biblia DC

¹ Tukuynin amorreospa reyesninku Jordanmanta inti yaykuynejpi kasharqanku. Cananeospa tukuy reyesninkutaj mar qocha qayllapi kasharqanku; paykuna yacharqanku Señorqa imaynatachus Jordán mayu yakuta ch'akichisqanta israelitas chayninta chimpanankukama, maytataj mancharikorqanku, mana munarqankuchu israelitaswan maqanakuyta.

DIOSPA QHELQACHISQAN DEUTEROCANONICAL

¹ Chaypacha amorreokunaqa Jordanmanta inti yaykuynejpi tiyakusharqanku, cananeokunataj Jatun Mama Qocha qayllapi. Chantá chay llajtayojkunaj kuraj kamachejninkukuna uyarerqanku israelitakuna chimpanankupaj Tata Dios imaynatachus Jordán mayuta ch'akichisqanta. Chayrayku manchachikuywan llawch'iyaspa, israelitakunawan mana maqanakuyta munarqankuchu.

DIOSPA QHELQACHISQ

¹ Chaypacha amorreokunaqa Jordanmanta inti yaykuynejpi tiyakusharqanku, cananeokunataj Jatun Mama Qocha qayllapi. Chantá chay llajtayojkunaj kuraj kamachejninkukuna uyarerqanku israelitakuna chimpanankupaj Tata Dios imaynatachus Jordán mayuta ch'akichisqanta. Chayrayku manchachikuywan llawch'iyaspa, israelitakunawan mana maqanakuyta munarqankuchu.

Josué 5:1 ပူးပေါင်းရင်းမြစ်များ

Génesis 48:22

Qanman qoyki aswan kurajta wauqesniykimanta nisqaqa Siquem jallp'ata, chaytari mayta maqanakuspa amorreosmanta qhechorqani.

2 Samuel 21:2

Davidqa gabaonitasta wajyaspa paykunawan parlarqa. Gabaonitasqa mana Israel ayllumantachu karqanku, manachayqa amorreosmanta puchojkuna karqanku, chaykunawantaj israelitasqa juramentota ruwasqanku, chaykunatataj Saulqa, Israelmanta kajkunapaj jinataj Judá ayllumanta kajkunapajwan allinta ruwayta munaspa tukurachiyta munarqa.

Esdras 9:1

Kay imas tukukojtintaj, kurajkuna qayllaykamuwarqanku israelitas, sacerdoteswan, levitaswan ima ninawampaj: Kay jallp'api kaj runakunamanta mana t'aqakunkuchu: Cananeosmanta, hititasmanta, fereseosmanta, jebuseosmanta, amonitasmanta, moabitasmanta, egipciosmanta, amorreosmanta, ima. Paykunaqa kay runaspa millay ruwanasninta ruwanku.

Salmos 135:11

Amorreospa reynin Sehonta, Basampa reynin Ogta, tukuy Canaán jallp'api reykunatawan.

Éxodo 23:28

Ñaupaqeykita wayronqosta kachasaj, chaytaj manchachispa ñaupaqeykimanta qharqonqa heveosta, cananeosta, hititastawan.

Isaías 41:5

Mar qochaj cantompi kaj llajtasqa payta rikorqanku, manchachikuywantaj mayta kharkatiterqanku, Jallp'apis uj cantonmanta uj cantonkama ikhakorqa. Ujllaman tantaykukuspa jamorqanku.

Ezequiel 16:3

Kay jinata Jerusalenmanta nin Señorqa: Rikhuriyniykeqa, nacekuyniykipis Canaán jallp'api karqa. Tataykeqa amorreosmanta karqa, mamaykita hitita karqa.

Ezequiel 21:7

Imamantachus waqasqaykita tapurisojtinkutaj ninki: Uj llakiy imas chayamunanmanta yachaspa waqashani. Chaypachataj tukuy runaspa sonqon mancharenqa, makisnintaj llauch'iyanqanku. Tukuy runaspa qonqorisninkutaj manchariywan kharkatitenqanu. Chay p'unchayqa chayamushanña, chayqa jinapuni kanqa. Noqa Señor chaytaqa nini.

Amós 2:9

Chaywampis noqaqa ñanta kicharerqani qankunapaj, amorreosta chinkachinaykama wañuchispa. Chaywampis paykunaqa jatuchaj runas karqanku cedro sach'as jina, sinch'istaj roble sach'as jina.

Números 13:29

Neguev cheqaspi amalecitas tiyashanku; loma chaynejkunapitaj tiyashanku hititas, jebuseos, amorreoswan; mar qocha chaynejpitaj Jordán mayu cantopi cananeos tiyashanku.

Josué 17:12

Manasespa ayllonqa mana chaypi tiyakojkunata qharqoyta mana aterqachu, cananeotaqa manapuni chaynejmanta qharqoyta aterqachu.

Josué 17:18

chay sach'arara orqosnintin qankunajta kanan tiyan, chay sach'astaqa qankuna urmachillankichej, jap'ikuychejtaj maymantachus mojonesnin kashan chaymantapacha. Chaypi tiyaj cananeostaqa qankuna wijch'unkichej, mana imananchu fierro carrosniyoj kasqankoqa, nitaj may jina kallpayoj kasqankupis.

Josué 24:15

Sichus Señorpa nisqanta mana ruwayta munankichejchu chayqa, kunampacha ajllakuychej pitachus yupaychanaykichejta; ñaupa tatasniykichej mayu chimpapi kashaspa yupaycharqanku chay dioskunatachu, chayri tiyakushankichej chaypi tiyarqanku chay amorreospa dioskunasninkutachu. Noqarí, tukuy aylluywampis Señortapuni yupaychasqayku.

Josué 3:16

Pata mayumanta jamoj yakoqa kikimpi sayaykorqa qocha jina, Adán nisqa llajtapi, chayqa kashan jark'ana, Saretán llajtawan khuska. Ñaupajman p'itikoj yakutaj Wañusqa Qocha nisqaman uraykorqa tukukunankama. Ajinata yakoqa mayupi iskayman t'aqarpayakorqa. Israelitastaj chayninta chimparqanku Jericó llajta cheqaman.

Josué 3:17

Tukuynin israelitas Jordán mayuta ch'akipi chimparqanku. Señorpa trato ruwasqan cajonta apaj sacerdotespis khuskan mayupi ch'aki jallp'api sayaykorqanku tukuynin israelitas chaynejta chimpanankukama.

Apocalipsis 18:10

Paypa ñak'ariyninmanta manchaywan, karupi sayaykuspa, nenqanku: Way, way chay jatun Babilonia llajtamanta! Uj horallapi ñak'ariyniyki chayamusunki.

Jueces 1:1

Josué wañupusqanmanta qhepata, israelitasqa Señorta tapurerqanku, mayqen ayllurajchus ñaupajta cananeoswan maqanakoj rinanta.

Jueces 11:23

Kunanqa Israelpa Señor Diosnin amorreosmanta ñaupaqeykupi qhechuspa noqaykumantaj qopuwarqayku chay jallp'atachu qhechuyta munawayku?

Jueces 3:3

Kaykuna qhepakorqanku: Filisteosmanta phishqa kurajkunasninku, tukuynin cananeos, sidonios, Líbano orqospi tiyakojkuna heveospis, Baal-hermonmanta Hamatman yaykunakama.

Jueces 4:2

Chantá, Señorqa Jabimpa atiyninmanñataj israelitasta churarqa, Jabinqa cananeo rey karqa, kamachisharqataj Hazor llajtapi. Soldadosnimpa kamachejnintaj Sísara karqa, payqa tiyakorqa Haroset-goimpi.

1 Samuel 25:37

Q'ayantin paqarintaj Nabal machasqa kasqanmanta yuyayninman kutirejtinña, Abigailqa Nabalman tukuy imaschus kasqanta sut'inta willarqa. Nabaltaj ujllata t'uku onqoywan jap'ichikorqa, mana kuyurejtaj rikhurerqa.