Josué 24:20 - Qheshwa Biblia DC

²⁰ Sichus qankuna Señorta saqenkichej, waj dioskunallata yupaychankichej chayqa, payqa qankunata mana allinta ruwasonqachej, jinamanta qankunataqa tukuchisonqachej, chay jina chhika allin imasta qankunapaj ruwashaspa.

DIOSPA QHELQACHISQAN DEUTEROCANONICAL

²⁰ Sichus qankuna waj dioskunata yupaychaspa Tata Diosmanta qonqapunkichej chayqa, payqa qankunata llakiykunawan ñak'arichisonqachej. Diosqa qankunapaj allin imakunata ruwapusorqachej chaypis, tukuchisonqachej, nispa.

DIOSPA QHELQACHISQ

²⁰ Sichus qankuna waj dioskunata yupaychaspa Tata Diosmanta qonqapunkichej chayqa, payqa qankunata llakiykunawan ñak'arichisonqachej. Diosqa qankunapaj allin imakunata ruwapusorqachej chaypis, tukuchisonqachej, nispa.

Josué 24:20 ပူးပေါင်းရင်းမြစ်များ

1 Crónicas 28:8

Kunanqa Señorpa sutimpa tantasqa tukuy Israel aylloj ñaupaqempi, jinataj Diospa uyarinampi k'uchis kaychej, Señor Diosniykichejpa tukuy kamachisqasninta waqaychanaykichejpaj, jinamanta kay k'acha jallp'aykichejqa qankunajllatapuni kanampaj, chaymantataj wawasniykichejman wiñaypaj saqepunaykichejpaj.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

2 Crónicas 15:2

Paytaj Asata taripaj llojserqa, nerqataj: Uyariwaychej, Asa, jinataj tukuy Judamanta kajkuna, Benjamimpamanta kajkunapis, Señor qankunawan kanqa, qankuna paywan kashankichej chayqa. Sichus qankuna payta mask'ankichej chayqa, tarinkichej. Sichus saqerparinkichej chayri, paypis saqerpallasonqachejtaj.

Esdras 8:22

P'enqakorqani reymanta mañakuyta caballospi purej soldadosta, ñampi enemigosniymanta waqaychanawampaj. Imaraykuchus reyman nerqaykuña Diosqa waqaychaj kasqanta payta mask'ajkunata, urmachimusqantataj atiyninta phiñakuynintawan, payta saqerajkunaj patanman.

Salmos 89:31

kamachisqasniytachus p'akinkuman chayqa, manataj kamachisqasniyta junt'ankumanchu chayqa,

Isaías 1:28

Chaywampis phirita ruwasaj contraypi sayajkunata, juchasapastawan. Jinallataj Señorta saqejkunapis tukuchisqas kanqanku.

Isaías 63:10

Chaywampis paykunaqa mana kasukuspa, Santo Espiritunta phiñacherqanku; chayrayku paykunaj contranta phiñarikorqa, paykuna kikinwan maqanakuspa.

Jeremías 17:13

Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

Ezequiel 18:24

Cheqampi kausaj runachus, cheqa kaj ruwayninta saqespa sajra kausayniyoj runaj tukuy juchallikuynimpi purenqa, millay imata ruwaykunasninta ruwaspataj chayqa, yuyankichejchu chay runa kausanallantapuni? Noqaqa mana yuyarisajchu tukuy allin kajta ruwasqasnintaqa. Noqaqa wasanchawasqanrayku, juchallikusqasninraykutaj payqa wañonqa.

Hechos 7:42

Chayraykutaj Dios paykunamanta t'aqakorqa, saqerqataj patapi kaj qoyllurkunata yupaychanankuta, imaynatachus profetaspa escribisqankupi nishan: Israelitas, noqamanchu uywasta wañuchispa jaywawarqankichej, tawa chunka watasta ch'in pampapi kashaspa?

Deuteronomio 4:25

Maypachachus wawasniyoj allchhisniyojtaj kaspa jallp'api machuyankichej, chaypacha ruwawajchej ima lantitapis, chayri imaman rijch'akojtapis chayqa, qankuna kikiykichej juchallikunkichej Señor Diosniykichejpa ñaupaqempi, paytataj phiñachinkichej.

Deuteronomio 4:26

Chayta ruwawajchej chayqa, noqa janaj pachaj, kay pachaj ñaupaqempi niykichej ujllapi chinkachisqas kanaykichejta, chay Jordán chimpapi tiyakunaykichej chay jallp'amanta. Jinamanta chay jallp'api mana unaytachu tiyakunkichej, manachayqa tukuyniykichej chinkachisqas kankichej.

Hebreos 10:38

Kunantaj cheqan runaqa, creesqanrayku kausanqa. Sichus qhepaman ithirinman chayqa, pay mana kusichiwanqachu.

Josué 24:21

Israelitastaj nerqanku: Chaytaqa mana ruwasqaykuchu, Señortapuni yupaychasqayku.

1 Samuel 12:15

Sichus qankuna mana Señorta kasunkichejchu, kamachisqasnintataj qhesachankichej chayqa, Pay qankunata jasut'isonqachej, jinataj reyniykichejtapis.

1 Samuel 12:25

Qankunachus astawan juchata ruwayman rinkichej chayqa, qankuna, chanta reyniykichejpis wañuchisqas kankichej.