Josué 24:19 - Qheshwa Biblia DC

¹⁹ Josuetaj paykunaman nerqa: Qankunaqa manapuni Señortaqa kasuyta atiwajchejchu, imaraykuchus payqa llimphu Diosmin, manataj ima sajratapis ruwajta saqellanchu. Payqa mana saqellasonqachejchu paypa contrampi kajta, nitaj juchasniykichejtapis.

DIOSPA QHELQACHISQAN DEUTEROCANONICAL

¹⁹ Josuetajrí israelitakunata nerqa: Qankunaqa Tata Diosta kasuspa puriyta mana atinkichejchu, imaraykuchus payqa manchay llimphu Diosmin, celosotaj. Payqa mana qhawallanqachu contranpi oqharikusqaykichejta nitaj juchallisqaykichejtapis.

DIOSPA QHELQACHISQ

¹⁹ Josuetajrí israelitakunata nerqa: Qankunaqa Tata Diosta kasuspa puriyta mana atinkichejchu, imaraykuchus payqa manchay llimphu Diosmin, celosotaj. Payqa mana qhawallanqachu contranpi oqharikusqaykichejta nitaj juchallisqaykichejtapis.

Josué 24:19 ပူးပေါင်းရင်းမြစ်များ

2 Crónicas 36:16

Jinapis paykunaqa asiykukorqanku Señorpa willarajkunasninmanta, nisqankuta qhesacharqanku, profetasninmantapis asiykukorqanku, Señorpa phiñakuyninta oqharichinankukama paykunaj contrankupi, manañataj chayta thasnuchiyta aterqankuchu.

Salmos 99:3

Jatun manchana sutiykeqa yupaychasqa kachun. Diosninchejqa santomin.

Salmos 99:5

Jatunchaychej Señor Diosninchejta. Tiyanampi tiyashajtin ñaupaqenman k'umuykukuychej. Diosninchejqa santomin.

Salmos 99:9

Señor Diosninchejta jatunchaychej, ajllakusqan orqompi k'umuykukuychej. Señor Diosninchejqa llimphumin!

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Éxodo 23:21

Ama paypa ñaupaqenmanta t'aqakunkichu, paypa nisusqantataj uyarinki. Ama paywanqa mana kasukoj jina purinkichu; imaraykuchus payqa chay imasta noqaj sutiypi ruwanqa. Mana jinata ruwankichejchu chayqa, juchasniykichejtapis mana perdonasonqachejchu.

Éxodo 34:14

Amapuni ni mayqen diosninkuman k'umuykuspa yupaychankichu, imaraykuchus Señorpa sutenqa may manchachikunamin, Diosqa may celoso.

Éxodo 34:7

Khuyakuyninwan waranqa waranqa runasta juchasninta pampachan munakuyninwan, jinallataj tukuy sajra kayninkuta, mana allin puriyninkuta, juchasninkuta ima. Chantaqa mana qhawallanchu tataspa jucha ruwasqasninkuta, payqa jasut'impuni, wawasninkupi, chaymanta aswan qhepaman wawasninkupipis kinsa mitakama, chayri tawa mitakama.

Isaías 2:9

Chaykunaj ñaupaqempi runasqa pisichakunku, khuyay khuyaytataj qharispis qhawaykachanku; chayrayku paykunataqa ama perdonaychu.

Isaías 27:11

Sach'aj ramasnin ch'akipojtin p'akiranqanku; warmistaj pallaytawan ninaman enqhanqanku. Chay runasqa mana imata yachankuchu. Chayrayku, paykunata Ruwajqa mana paykunamanta khuyakonqachu, manataj sonqontapis nanachikonqachu ruwajnin jina.

Isaías 30:11

Ñanmanta pantakuychej, cheqan chaki ñanta saqeychej. Israelpa Santo Diosninmantataj amaña uyarichiwaykuchu.

Isaías 30:15

Israelpa Santo Señor Diosnenqa ajinata nin: Kutirimuwaspa, tukuy sonqo samarikuspataj qankunaqa salvo kankichej. Ajinata ni imamanta llakiyniyoj, tukuy sonqo atienekuspa kallpayoj kankichej. Qankunataj chaytaqa mana munarqankichejchu.

Isaías 5:16

Tukuy Atiyniyoj Señorqa cheqan kajta atiyninwan rikuchenqa, Santo Diosqa llimphu kayninta rikuchenqa cheqanta ruwaspa.

Levítico 10:3

Chaymantataj Moisesqa Aaronman nerqa: Kaytamá Señorqa niyta munarqa kay jinata nishaspa: Noqaman qayllamuwajkunamanqa llimphu kayniyta rikuchisaj. Tukuynin israelitasman jatun lliphipiyniyta rikuchikusaj, nispa. Aaronqa ch'inlla karqa.

Levítico 11:45

Noqaqa Señor kani, Egiptomanta orqhomorqaykichej Diosniykichej kanaypaj. Chayrayku qankunaqa llimphuspuni kanaykichej tiyan, imaraykuchus noqaqa santomin kani.

Levítico 20:26

Qankunaqa noqa jina santos kanaykichej tiyan, imaraykuchus noqa Señorqa santopuni kani. Noqa qankunata ajllasqaykichej tukuy ayllusmanta, noqajta kanaykichejpaj.

Levítico 20:7

Tukuyniykichej noqapaj llimphuchakuychej, noqapaj jinataj t'aqasqas kaychej; imaraykuchus noqamin Señor Diosniykichejqa kani.

Nahúm 1:2

Señorqa, celosakuyta vengakuytataj yachaj Diosmin; Payman sayaykojkunamanta vengakunmin, enemigosnimpajpis phiñakullantaj.

Habacuc 1:13

Qanqa ancha llimphupuni kanki sajra juchata jap'ikunayllaykipajqa, chay sajra ruwaykunatapis kusiywan qhawakunaykipajqa; imaynatataj ari qhawakullanki chay millay ruwajkunatari, ch'inllataj kanki uj sajra runa paymanta allin runa kajta wañuchinankamari?

San Mateo 6:24

Mana pipis iskay patronespa kamachin kayta atinchu, imaraykuchus ujninta chejnenqa, ujnintataj munakonqa; chayrí, ujninman kutikonqa, ujnintataj qhesachanqa. Mana atinkichejchu ujllapi k'umuykukuyta Diosman qolqemampis.

Josué 24:18

Señorqa tukuy runasta qharkorqa ñaupaqeykumanta, jinallataj kaypi tiyarqanku chay amorreostapis. Chayrayku noqaykupis kunanqa Señortapuni kasusqayku, imaraykuchus paymin Diosniykoqa.

Josué 24:23

Jina kajtenqa chay waj dioskuna qankuna chaupipi kashan chaykunamanta wijch'uychej, tukuy sonqowan Israelpa Diosnin Señorman kutiriychej.

Rut 1:15

Chaypacha Noemí nerqa: Qhaway qhachuni masiyki llajtanman dioskunasninmantaj kutipun. Qampis ripuy, wawáy.

1 Samuel 3:14

Chayrayku juraniña Eléj ayllumpa contrampi, juchasnenqa mana jayk'ajpis pichasqachu kanqanku, ni rikuchikuswan, nitaj ofrendaswampis.

1 Samuel 6:20

Bet-semespi tiyakojkunataj nerqanku: Pitaj Santo Señor Diospa ñaupaqempi sayaykuyta atinmanri? Noqanchejmanta ithirikuspaqa pejpa contrampiñataj renqari?