Josué 23:11 - Qheshwa Biblia DC

¹¹ Chayrayku qankuna kikiykichejta allinta qhawakuychej, Señor Diosniykichejtataj munakuychejpuni.

DIOSPA QHELQACHISQAN DEUTEROCANONICAL

¹¹ Chayrayku qankunaqa imaynatachus purisqaykichejta allinta qhawakuychej, jinataj Tata Diosniykichejta munakuychej.

DIOSPA QHELQACHISQ

¹¹ Chayrayku qankunaqa imaynatachus purisqaykichejta allinta qhawakuychej, jinataj Tata Diosniykichejta munakuychej.

Josué 23:11 ပူးပေါင်းရင်းမြစ်များ

Éxodo 20:6

Khuyakuyniytaqa waranqa waranqasman rikuchini, pikunachus munakuwanku, kamachisqasniytataj kasuwanku chaykunaman.

Proverbios 4:23

Tukuy ima waqaychasqa kajmanta astawan sonqoykita waqaychay; chaymantamin jamun kausayniykeqa.

San Lucas 21:34

Qhawarikuychej, pajtataj sonqoykichej atipachikunman mikhunawan, machaykuywan, kay mundoj kusiyninwan ima. Jinallapitaj juicio p'unchay taripasunkichejman.

Romanos 8:28

Yachanchej, Diosta munakojkunataqa tukuy ima allimpaj yanapasqanta, paypa munayninman jina wajyasqasta.

1 Corintios 16:22

Pichus Señor Jesucristota mana munakojqa, maldicisqa kachun. Señor jamushanña.

1 Corintios 8:3

Sichus mayqempis Diosta munakunman chayqa, Diospis payta rejsin.

Efesios 5:15

Allinta qhawakuychej imaynatachus purisqaykichejta, amataj mana yuyayniyoj wampus jinaqa, manachayrí, yachayniyojkuna jina.

Deuteronomio 30:16

Sichus kunan kasunkichej kamachishaykichej chaykunata Señor Diosniykichejta munakuspa, ñankunasninta purispa, junt'aspa kamachiykunasninta, leyesninta, nisqasnintawan chayqa, chaypacha kausankichej, ashkha wawasniyojtaj kankichej. Señor Diosniykichejqa bendicisonqachej ima jallp'apichus tiyakunkichej chaypi.

Deuteronomio 30:20

Señor Diosniykichejta munakuychej, kasuychej, Payllata qhatiychej. Ajinamanta kausayniyoj kankichej, unayta tiyakunkichej, chay jallp'api Señor Diosniykichej juraspa qonanta nerqa tatasniykichej Abrahamman, Isaacman, Jacobman ima, chaypi.

Deuteronomio 4:15

Señorqa mayk'ajchus Horeb orqopi nina lauraj chaupimanta parlapayamusorqachej, chaypacha qankuna mana rikorqankichejchu ima rijch'ajchus kasqanta. Chayrayku sumajta qhawakuychej ama urmanaykichejpaj.

Deuteronomio 4:9

Ajina ari, qankunaqa allinta qhawakuychej, ama qonqapuychejchu imatachus rikusqaykichejta. Amataj jayk'ajpis chayqa tukuy kausayniykichejpi umaykichejmanta karunchakuchunchu. Aswampis wawasniykichejman allchhisniykichejman ima chayta willaychej.

Hebreos 12:15

Allinta qhawakuychej, pajtá pipis Diospa yanapayninmanta karunchakunman; pajtá ima jaya saphipis p'utumuspa onqochisunkichejman, chaynejtataj ashkhas onqoyta chimpachikunkuman.

Josué 22:5

Kunanqa kayllata mañakuykichej, kamachiykunata, Señorpa kamachin Moisés ima kamachiytachus qosorqachej chaykunata sumajtapuni junt'aychej. Niyta munani, Señor Diosniykichejta munakuychejpuni, ñankunasnintapuni puriychej, kamachisqasninta kasuychejpuni. Payta qhatiychejpuni, tukuy sonqowan, tukuy almawantaj kamachisusqaykichejta ruwaychej.

Josué 23:10

Qankunaqa ujnillaykichej ayqechiwajchej waranqa runasta, imaraykuchus Señormin qankunaj allinniykichejpi maqanakushan, imaynachus pay kikin nisqanman jina.

Josué 23:12

Sichus qankuna ukhupi qhepakunkuraj chay runaswan chajrukunkichej, chaykunawantaj casarankichej, paykunawan ujllaman tukuspa, paykunapis qankunawan chayqa, yachanaykichejpaj Señor Diosniykichejqa qankunawan kashan chay runasta mana qharqonqachu, manachayqa paykunata churanqa waskhata jina chaypi layk'ukuspa urmanaykichejpaj, chicoteta jina wasasniykichejpi jasut'isunaykichejpaj, khishkata jina ñawisniykichejpi t'ojsisunaykichejpaj ima, kay chhika sumaj jallp'ata Señor Diosniykichej qosusqaykichejmanta mana ujniyoj chinkanaykichejkama.