Josué 22:29 - Qheshwa Biblia DC

²⁹ Ama jayk'ajpis jinaqa kachunchu Señorpa contran kanaykoqa, chayri ama jayk'ajpis Señormantaqa t'aqakusqaykuchu, ajinata altarta ruwaspa chaypi q'apaj imasta ruphachinaykupaj, ofrendata apanaykupaj, chayri rikuchikuta chaypi ruphachinaykupaj. Chaypaj tiyanña Señor Diosniykoj altarnin Dioswan tinkukuna toldoj ñaupaqempi, nispa.

DIOSPA QHELQACHISQAN DEUTEROCANONICAL

²⁹ Noqaykoqa mana jayk'ajpis Tata Diospa contranpi oqharikuykumanchu, nitaj qonqaykumanchu, uywa ñak'asqata q'olachinapaj, ch'aki mikhuy jaywanata jaywanapaj, chayrí jucharayku jaywanata q'olachinapaj waj altarta ruwaspaqa. Tata Diosninchejpa altarnin Dioswan Tinkukuna Toldoj ñawpaqenpi kashajtinñaqa, mana waj altarta ruwaykumanchu, nispa.

DIOSPA QHELQACHISQ

²⁹ Noqaykoqa mana jayk'ajpis Tata Diospa contranpi oqharikuykumanchu, nitaj qonqaykumanchu, uywa ñak'asqata q'olachinapaj, ch'aki mikhuy jaywanata jaywanapaj, chayrí jucharayku jaywanata q'olachinapaj waj altarta ruwaspaqa. Tata Diosninchejpa altarnin Dioswan Tinkukuna Toldoj ñawpaqenpi kashajtinñaqa, mana waj altarta ruwaykumanchu, nispa.

Josué 22:29 ပူးပေါင်းရင်းမြစ်များ

Génesis 44:17

Josetaj nerqa: Qankunaqa mana ima kashajtimpis kamachisniy kayta atinkichejchu? Mayqenniykichejpapichá copay rikhurin, chay kajlla kamachiy kanqa. Wakenqa kutipullaychej ama imamantapis llakikuspa tataykichejpa wasinman. Manataj pipis ima nisonqachejchu.

Génesis 44:7

Paykunataj kuticherqanku: Imaraykutaj qan chay imasta nishawaykuri? Noqaykoqa ni jayk'aj chay jinata ruwayta yachaykuchu.

1 Reyes 21:3

Nabottaj Acabman kutichispa, nerqa: Señor librawachun, tatasniypa qowasqan chayaqe huertata qanman qopusunaymantaqa.

2 Reyes 18:22

Sichus niwankichejman: Noqaykoqa atienikuyku Señor Diosniykupi, manachu lomas patapi kaj altaresninta Ezequías urmacherqa, chanta nerqataj Judata Jerusalentawan: Altarpa ñaupaqempi Jerusalenllapi yupaychankichej, nispa?

2 Crónicas 32:12

Manachu Ezequías lomas patapi yupaychana wasisninta, altaresnintapis phirirarqa? Judapi kaj runasta, Jerusalempi kajkunatapis kamacherqa uj altarllapi inciensota q'olachinankutapis?

Romanos 3:6

Chayqa mana jinachu; ajina kanman chayqa, Dios imaynatataj mundota juzganman?

Romanos 6:2

Chayqa mana jinachu. Juchapajqa wañorqanchejña. Imaynatataj juchallapipuni kausasunri?

Romanos 9:14

Chantá ima nisuntajri? Diosqa manachu cheqanta ruwanman? Chayqa mana jinachu.

Deuteronomio 12:11

May cheqapichus Señorqa sutin yupaychasqa kanampaj ajllakonqa chaypi, qankunaqa kamachisusqaykichejman jina kay tukuy imasta Señorman jaywankichej: Ruphasqa kanampaj uywasta, ruphachinapaj kajta, sapa chunkamanta uj kaj ofrendata, rama ofrendasta, imastachus ajllaspa Señorman qosaj nerqankichej chay ofrendasta ima.

Josué 22:23

Sichus kay altarta ruwayku Señorta wasanchaspa, paymantataj t'aqakunaykurayku chayqa, chayri ruphachinata chaypi jaywanaykurayku, ch'aki mikhuymanta rikuchikuta, chayrí allinyakuy rikuchikuta chayqa, kikin Señorpuni cuentata mañawachuyku.

Josué 22:26

Chayrayku ninakorqayku: Ruwanachej uj altarta, mana q'apaj imasta chaypi jaywanaypajchu, nitaj rikuchikusta chaypi jaywanaykupajchu.

Josué 22:28

Noqaykoqa yuyayku, sichus pipis niwasqayku, chayri qhepaman mirayniykuman, chaypacha noqaykoqa nisqayku: Qhawariy, ñaupa tatasniyku kay waj altarta Señorpaj ruwasqanku, mana sumaj q'apashajkunata ruphachinankupajchu, nitaj rikuchikusta chaypi ruphachinankupajchu, manachayqa uj señal jina kanampaj qankunapajwan noqaykupajwan.

Josué 22:30

Chayta uyarispataj sacerdote Fineeswan, israelitaspa kurajkunasninwan, chay chhika israelitaspa miraykunasninmanta kurajkunaspiwan rejkuna ima, Rubén aylloj parlasqanta, Gad aylloj parlasqanta, Manasespa khuskan ayllumpa nisqantawan repararqanku allin kasqanta.

Josué 24:16

Chanta israelitastaj kuticherqanku: Chay jinataqa amapuni jayk'ajpis Señorqa saqewachuykuchu ari waj dioskunata yupaychajtaqa!

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.