Josué 22:18 - Qheshwa Biblia DC

¹⁸ Manachu chaywanqa wanankichej, imapajtaj kunan qankunapis Señormanta t'aqakunkichejrí? Kunanqa qankuna Señorpa contranta juchallikusqaykichejrayku, q'aya Señorqa israelitaspa contranta phiñarikonqa.

DIOSPA QHELQACHISQAN DEUTEROCANONICAL

¹⁸ Manachu wanankichej? Imapajtaj kunan qankunapis Tata Diospa contranta oqharikushankichejri? Kunanqa Tata Diospa contranta juchallisqaykichejrayku, q'aya Diosqa israelitakunaj contrankuta phiñakonqa.

DIOSPA QHELQACHISQ

¹⁸ Manachu wanankichej? Imapajtaj kunan qankunapis Tata Diospa contranta oqharikushankichejri? Kunanqa Tata Diospa contranta juchallisqaykichejrayku, q'aya Diosqa israelitakunaj contrankuta phiñakonqa.

Josué 22:18 ပူးပေါင်းရင်းမြစ်များ

2 Samuel 24:1

Señorqa sinch'ita phiñakullarqataj israelitaspa contrankupi, paykunaj contrankupitaj Davidta Señorqa yuyaycharqa, kamachispa Israel aylluta, Judá ayllutawan yupananta.

1 Reyes 9:6

Sichus qankuna wawasniykichejpis, mana kasukoj sonqowan noqamanta karunchakuwajchej, mana waqaychaspa kamachisqasniyta, leyesniyta ima, qankunaman qorqaykichej chaykunata, manachayqa waj dioskunaman rispa sirvimuwajchej, qonqorikamuwajchejtaj chayqa, noqaqa orqhosqaykichej tukuynin israelitasta kay jallp'ata qorqaykichej chaymanta; sutiypi kay wasita llimphuchasqaytapis wijch'ullasajtaj ñaupaqeymanta, Israelqa cuentopaj asipayanapajtajqhepakunqa, tukuy nacionespaj.

2 Reyes 17:21

Davidpa mirayninmanta israelitasta t'aqarqa. Paykunatajrí Nabadpa wawan Jeroboamta reyta churarqanku. Jeroboamtaj Señorpa ñaupaqenmanta israelitasta karunchacherqa, manchay millayta juchallichispa.

1 Crónicas 21:1

Supayqa israelitaspa contrampi oqharikorqa, Davidpa sonqonman churarqataj israelitasta yupachinampaj.

1 Crónicas 21:14

Chaypacha Señorqa uj wañuy onqoyta Israelman apachimorqa. Wañorqankutaj qanchis chunka waranqa israelitas.

2 Crónicas 25:27

Amasías Señormanta t'aqakapojtinkamataj Jerusalempi oqharikorqanku Amasiaspa contrampi, payqa Laquisman ayqerqa, qhatiykorqankutaj chay llajtakama, chaypitaj wañurparicherqanku.

2 Crónicas 34:33

Josiasqa qhechorqa tukuy millay ruwaykunata Israel jallp'amanta. Kamacherqataj tukuy israelitas Señor Diosninkuta sirvinankuta. Rey kausanankama mana t'aqakorqankuchu ñaupa tatasninkoj Diosninmanta.

Levítico 10:6

Chaymantataj Moisesqa Aaronman, Eleazarman, Itamarmanwan nerqa: Ama q'ara umalla kaychejchu, nitaj p'achasniykichejtapis llik'ikuychejchu, wañusqarayku llakisqa kasqaykichejta rikuchispa, ama qankunapis wañunaykichejpaj, amataj qankunarayku Dios astawan sinch'i phiñakuyninta israelitasman rikuchinampaj. Manachayqa tukuynin ayllu masiykichej israelitasqa Señormin wañojkunata ninawan ruphachisqanmanta waqallachunku.

Números 16:22

Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?

Números 32:15

Sichus qankuna mana ñaupajman riyta munankichej chayqa, israelitasqa unaytawanraj ch'in pampaspi qhepakonqanku. Qankuna juchayoj kankichej paykunañataj urmanankupaj, nispa.

Deuteronomio 7:4

Paykunaqa wawasniykichejta Señorta qhatikunankumanta t'aqachinkuman waj dioskunata yupaychachispa. Chayta ruwankichej chayqa, Señorpa sinch'i phiñakuynenqa jamusonqanchej, ujllapi chinkachinasuykichejpaj.

Josué 22:15

Tukuyninku rerqanku Galaadman, maypichus kasharqanku Rubén ayllu, Gad ayllu, Manasespa khuskan ayllun ima chayman, chayaspataj nerqanku:

Josué 22:16

Noqaykoqa Señorpa tukuy llajtampa sutimpi nishayku. Imatataj kayta israelitaspa Diosnimpa contranta ruwankichejrí? Imajtintaj Diosta saqenkichejri, uj altartataj ruwankichej Señorpa contrampi oqharikuspa?

Josué 22:20

Yuyarikullaychejtaj Zaraj wawan Acán, Señorpaj rikuchiku jina ruphachisqa kanan kajta, chinkachisqataj kanan karqa chayta, pakaykusqanmanta Señorqa phiñarikorqa tukuy israelitaspa contranta. Jinamanta chaypacha mana Acanllachu juchasninrayku wañorqa.

Josué 7:1

Judáj ayllunmanta ujnintaj Acán sutiyoj, Carmej wawan Zabdej allchhin, Zaraj allchhimpa wawan, wakin imasta pakaykorqa Señorman jaywasqa phirikuman kasharqa chay imasmanta. Chaynejta tukuynin israelitas juchayoj rikhurerqanku Señorpa ñaupaqempi, phirikunan imasta oqharisqankumanta. Chayrayku Diospa phiñakuynenqa paykunaj contrankuta k'ajarerqa.

Josué 7:11

Israelitasqa juchallikunku, paykuna trato ruwasqayta p'akinku. Pakaykunku imaschus phirikunan chaymanta, suwanku, chayqa mana allin ruwana kasqanta yachashaspa, maypichus imasninkupis kashan chayman pakaykunku.

Josué 7:21

Jericopi chay tukuy imas ukhupi, uj k'achitu babilonia mantata rikorqani, iskay pachaj qolqeta, khuskan kilo kuraj jina sayt'u p'alta qoritawan. Chaykunata anchata munasqayrayku pakaykorqani, apaspataj jaray uraman p'ampaykorqani, qolqetataj aswan uraman churaykuspa.

1 Samuel 12:14

Sichus Señorta jatunchankichej, yupaychankichejtaj chayqa, pay nisusqaykichejtataj uyarinkichej, kamachisqasnintataj mana k'ullukuspa kasunkichej, chanta kausaychejtj qankuna, chanta kamachishasunkichej chay rey ima, Señor Diosniykichejpa munayninman; jinaqa allin kanqa.

1 Samuel 12:20

Samueltaj kuticherqa: Ama manchachikuychejchu. Cheqamanta qankunaqa sajrata ruwarqankichej, kunantaj Señormantaqa amaña t'aqakuychejchu, manachayqa tukuy sonqowan Señorta yupaychaychej.