Josué 22:15 - Qheshwa Biblia DC

¹⁵ Tukuyninku rerqanku Galaadman, maypichus kasharqanku Rubén ayllu, Gad ayllu, Manasespa khuskan ayllun ima chayman, chayaspataj nerqanku:

DIOSPA QHELQACHISQAN DEUTEROCANONICAL

¹⁵ Galaadman chayaspataj, Rubén jatun aylluman, Gad jatun aylluman, chantá Manasespa khuskan jatun aylluman ima nerqanku:

DIOSPA QHELQACHISQ

¹⁵ Galaadman chayaspataj, Rubén jatun aylluman, Gad jatun aylluman, chantá Manasespa khuskan jatun aylluman ima nerqanku:

Josué 22:15 ပူးပေါင်းရင်းမြစ်များ

1 Crónicas 21:3

Joabtaj kuticherqa: Señorqa ayllunman yapaykuchun uj pachaj jinastawan kunan kasqankumanta nisqaqa. Reyníy, manachu tukuyninku qampa kamachisniyki kanku? Imaraykutaj chayta ruwayta munankiri, reyníy? Imapajtaj Israelta juchallichisunmanri?

2 Crónicas 10:19

Jinamanta Israelqa Davidpa mirayninmanta t'aqakorqa kunankama.

2 Crónicas 25:27

Amasías Señormanta t'aqakapojtinkamataj Jerusalempi oqharikorqanku Amasiaspa contrampi, payqa Laquisman ayqerqa, qhatiykorqankutaj chay llajtakama, chaypitaj wañurparicherqanku.

2 Crónicas 26:18

Paykunaqa reywan tinkuspa nerqanku: Rey Uzías, Señorman inciensota q'osñichinanqa mana qampa ruwanaykichu kashan, chayqa Aarompa ayllunmanta kajkuna sacerdotespa ruwananmin. Paykunaqa chayta ruwanankupaj t'aqasqas kanku. Qanqa llojsiy chay Diospaj t'aqasqa cheqamanta, imaraykuchus qanqa juchallinki Señorpa contrampi, chayrayku Diosqa mana allimpajchu qhawasonqa.

Esdras 9:15

Señor, Israelpa Diosnin, qan cheqan karqanki noqaykuwan. Qan munarqanki noqaykumanta uj puchoj t'aqa kausanaykuta, imaynatachus kunan p'unchay rikukusqanman jina. Noqaykoqa cheqamanta ñaupaqeykipi juchayoj kayku, ajinallatapuneqa mana ñaupaqeykipi kayta atiykumanchu, nispa.

Esdras 9:2

Israelmanta kaj runasqa, jinataj wawasninkupis chay runakunaj warmi wawasninkuwan casararqanku. Ajinamanta waj llajtamanta kaj runakunawan llimphupaj qhawasqa aylloqa chajrukorqa. Kay juchata ñaupajta ruwajkunaqa, kurajkuna, kamachejkunawan karqanku, nispa.

Salmos 78:8

amataj ñaupa tatasninku jina kanankupaj: Wampus, Diospa contranta oqharikojkuna, sonqonkupitaj iskayta yuyajkuna, Diosta mana kasukoj runa mitas.

Éxodo 32:8

Paykunaqa usqhayllata t'aqarpayakunku ima ñantachus noqa nerqani rinankuta chaymanta. Qorimanta unuyachispa ruwakunku uj waka uñata. Chayta paykunaqa yupaychashanku rikuchikusta jaywaspa, nispataj: “Israelitas, kayqa diosniykichej, pichus Egipto jallp'amanta orqhomusorqachej, chay”, nispa.

Isaías 63:10

Chaywampis paykunaqa mana kasukuspa, Santo Espiritunta phiñacherqanku; chayrayku paykunaj contranta phiñarikorqa, paykuna kikinwan maqanakuspa.

Levítico 26:40

Qankunaqa niychejpis juchayoj kasqaykichejta, tatasniykichej juchayoj kasqankutapis, noqata qhesachawasqankuta contrayta juchachakusqankutapis.

Levítico 5:19

Chayqa juchamanta rikuchiku, imarayuchus chay runaqa juchayoj karqa Señorpa ñaupaqempi.

Números 14:43

Amalecitaswan cananeoswan suyamushasunkichej qankunawan maqanakunankupaj, wañuchisonqachejtaj. Señorta qhatiyta qhesachasqaykichejrayku Señorqa manaña qankuwanchu kashan, nispa.

Números 32:15

Sichus qankuna mana ñaupajman riyta munankichej chayqa, israelitasqa unaytawanraj ch'in pampaspi qhepakonqanku. Qankuna juchayoj kankichej paykunañataj urmanankupaj, nispa.

San Mateo 18:17

Paykunatapis mana uyarejtenqa iglesiaman willay, iglesiatapis manallataj uyarejtinrí, gentil runata jina, chayrí impuesterota jinallaña qhaway.

1 Corintios 1:10

Hermanos, mañakuykichej Señorninchej Jesucristoj sutimpi, tukuyniykichej uj kajllata parlanaykichejta; amataj qankuna ukhupi t'aqanaku kachunchu, astawanqa allin ujchasqapuni kaychej, uj sonqolla, uj yuyayllataj.

1 Corintios 5:4

Señorninchej Jesucristoj sutimpi tantakuspa, noqaj yuyayniywan ima, Señorninchej Jesucristoj atiyninwan.

Deuteronomio 30:17

Chanta sichus kaykunamanta sonqoykichejta karunchachinkichej, amichikunkichejtaj waj dioskunaman qonqorikuspa yupaychanaykichejpaj chayqa; kunan noqaqa niykichej: Wañunkichejpuni. Jinamanta manataj unaytachu tiyakunkichej, chay jap'ikusqaykichej jallp'api Jordán mayuta chimpasqaykichejmanta.

Deuteronomio 7:4

Paykunaqa wawasniykichejta Señorta qhatikunankumanta t'aqachinkuman waj dioskunata yupaychachispa. Chayta ruwankichej chayqa, Señorpa sinch'i phiñakuynenqa jamusonqanchej, ujllapi chinkachinasuykichejpaj.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.

Josué 22:12

Israelitastaj chayta yachaytawan Silopi tantakorqankupacha, paykunawan maqanakoj kachaykukunankupaj.

Josué 22:14

Paywantaj rerqanku chunka israelitaspa kurajkunasninku sapa uj ayllumanta ujkama.

Josué 22:16

Noqaykoqa Señorpa tukuy llajtampa sutimpi nishayku. Imatataj kayta israelitaspa Diosnimpa contranta ruwankichejrí? Imajtintaj Diosta saqenkichejri, uj altartataj ruwankichej Señorpa contrampi oqharikuspa?

Josué 22:18

Manachu chaywanqa wanankichej, imapajtaj kunan qankunapis Señormanta t'aqakunkichejrí? Kunanqa qankuna Señorpa contranta juchallikusqaykichejrayku, q'aya Señorqa israelitaspa contranta phiñarikonqa.

1 Samuel 15:23

Señorpa contrampi oqharikoyqa layqa juchawan ninakun, Señorta mana kasuytaj lanti yupaychana juchawan ninakullantaj. Imaynatachus qan qhesacherqanki chay kamachisqasninta ajinallatataj paypis qanta qhesachasunki manaña rey kanaykipaj.