Josué 21:45 - Qheshwa Biblia DC

⁴⁵ Señorpa palabrasnenqa ni ujpis qhepakorqachu mana junt'akuspaqa, israelitasman Señorpa nisqasninmantaqa.

DIOSPA QHELQACHISQAN DEUTEROCANONICAL

⁴⁵ Tata Diostaj israelitakunaman tukuy sumaj nisqanta junt'arqa. Mana ujpis mana junt'asqanqa karqachu.

DIOSPA QHELQACHISQ

⁴⁵ Tata Diostaj israelitakunaman tukuy sumaj nisqanta junt'arqa. Mana ujpis mana junt'asqanqa karqachu.

Josué 21:45 ပူးပေါင်းရင်းမြစ်များ

1 Reyes 8:15

Nerqataj: Bendicisqa kachun Israelpa Señor Diosnenqa, payqa tatay Davidman parlasqanta kunan junt'an kay jinata nisqanta:

1 Reyes 8:20

Señortaj nisqanta junt'an, imaraykuchus noqa jatarerqani tatay Davidpa cuentampi, tiyakunitaj Israelpa tornompi, Señor nisqanman jina, ruwanitaj uj wasita Israelpa Señor Diosnimpa sutimpi.

1 Reyes 8:24

Imatachus tatay Davidman nisqaykita kunan junt'anki, nisqaykiman jina ruwaspa imaynachus kunan p'unchay kashan jina.

Nehemías 9:8

Rikorqanki qampi sumajta atienikoj runa kasqanta, uj tratotataj paywan ruwarqanki. Nerqankitaj wawasninman jallp'ankuta qonaykita, cananeospata, hititaspata, amorreospata, fereseospata, jebuseospata, gergeseospata ima. Qanqa nisqaykitaqa ruwankipuni, imaraykuchus qanqa nisqaykita junt'ajpuni kanki.

Isaías 48:3

Imaschus pasarqa chaykunamantaqa ñaupajmantaña willarqaykichej. Imatachus willasqaytaqa usqhayllata ruwarqani. Chaytaj junt'akorqapuni.

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

1 Corintios 1:9

Diosqa junt'ampuni nisqanta, payraykutaj wajyasqas karqankichej, Churin Jesucristo Señorninchejwan khuska kanaykichejpaj.

1 Tesalonicenses 5:24

Tukuy imapi junt'ajmin qankunata wajyajqa, chayta tukuychanqa.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

Hebreos 6:18

Kay iskay mana kuyurikoj imasrayku, Diosqa manapuni atinchu llullakuyta. Chayrayku, sumajta sonqochakuspa jaku rina, ñaupaqenchejpi churasqa kashan chay suyaymanta jap'iykukunanchejpaj.

1 Samuel 3:19

Samuelqa wiñarqa, Señortaj paytaqa yanaparqa, tukuy nisqasnintataj ruwarqa.