Josué 2:14 - Qheshwa Biblia DC

¹⁴ Paykunataj kuticherqanku: Kausayniykuta qosqayku qankunaj kausayniykichejta salvanaykupaj, qantaj amapuni pimampis willaychu kay jamusqaykumanta. Maypachachus Señor kay jallp'ata qowasqayku chayqa, noqayku yachasqayku qanta allinta qhawayta, tukuy khuyakuyniykuwan.

DIOSPA QHELQACHISQAN DEUTEROCANONICAL

¹⁴ Chantá chay wateqajkuna kuticherqanku: Sichus kay nisqaykuta mana junt'aykumanchu chayqa, Dios wañuchiwachuyku. Qanrí kaypi kasqaykumanta amapuni pimanpis willankichu. Maypachachus Tata Dios kay jallp'ata qowasqayku chaypacha, noqayku nisqaykuta junt'aspa qanmanta khuyakusqayku, nispa.

DIOSPA QHELQACHISQ

¹⁴ Chantá chay wateqajkuna kuticherqanku: Sichus kay nisqaykuta mana junt'aykumanchu chayqa, Dios wañuchiwachuyku. Qanrí kaypi kasqaykumanta amapuni pimanpis willankichu. Maypachachus Tata Dios kay jallp'ata qowasqayku chaypacha, noqayku nisqaykuta junt'aspa qanmanta khuyakusqayku, nispa.

Josué 2:14 ပူးပေါင်းရင်းမြစ်များ

Génesis 24:49

Kunanqa qankuna niwaychej ari sut'inta jina kasqanta. Sichus qankuna patronniymanta cheqamanta khuyakunkichej chayqa, manachayri sut'inta niwaychej pañamampis lloq'emampis rinaypaj.

Génesis 47:29

Uj día Israelqa wañupoj jina kaspa, José wawanta wajyachimorqa ninampaj: Sichus qan cheqamanta noqata khuyayta munawanki chayqa, makiykita ukhuyman churaspa juray ari, imatachus nisusqayta ruwanaykipaj. Qanqa wawáy, ama ari kay Egiptopi p'ampawankichu.

2 Samuel 2:5

Chaypacha Davidqa willajkunata Jabesman kacharqa, kay jinata nichispa: Señor qankunata bendicichun Saúl reyniykichejta khuyakusqaykichejrayku, payta jallp'aykichejpi p'ampaspa.

2 Samuel 2:6

Señortaj qankunata qhawachun khuyaywan, mana jayk'aj qankunata qonqaspa. Noqapis qankunapaj allin imasta ruwasaj Saulta p'ampasqaykichejrayku.

2 Samuel 9:1

Uj kutipi Davidqa tapurerqa: Saulpa ayllunmanta pillapis kausanrajchu, Jonatampi sutimpi payta khuyanaypaj?, nispa.

1 Reyes 20:39

Rey ñanta pasashajtintaj, profetaqa jatunmanta qhaparispa, nerqa: Kay kamachiykeqa maqanaku chaupimanta llojsimuspa jamushajtiy, uj soldado chimpamuwaspa, uj runata pusamuwarqa, nispa: Kay runata qhaway, sichus ayqekunman chayqa, qan kausayniykiwan paganki, mana chayrí kinsa waranqa qolqesta paganki.

Proverbios 14:22

Pikunachus sajra ruwanasta mask'ajkunaqa allin ñanta chinkachinku; allin kajta ruwajkunataj cheqan kajta khuyakuytataj tarenqanku.

Proverbios 18:24

Wakin kausaqesqa mana cheqan kausaqespunichu kanku, wakin kausaqesrí, kikin wauqenmantapis astawanraj munakunku.

San Mateo 5:7

Kusikuyniyoj kanku khuyakojkunapis, imaraykuchus paykunaqa khuyakuyta tarenqanku.

Hechos 23:22

Comandantetaj waynata kachaporqa: Ama piman imata ninkichu kay willawasqaykimanta, nispa.

Josué 2:13

Jinamanta ama wañuchipuwaychejchu ari tatayta, mamayta, turasniyta, ñañasniyta, imasniykuchá tiyan chaytawan, wañuymanta salvawayku ari.

Josué 2:15

Rahabqa tiyakorqa llajta kanchachasqa perqa patapi, chaypipuni paypa wasin karqa ventananta kachaykuspataj uj waskhapi paykunata uraykuchimorqa.

Josué 6:17

Llajta, chaypi imaschá tiyan chaykunasnintin phirikonqa, tukuynintaj Señorman rikuchiku jina jaywasqa kanqa. Chay mana allin puriyniyoj warmi Rahabpa kausaynillanta perdonankichej, pininchus wasimpi pakakojkunatawan, imaraykuchus payqa kachamorqanchej chay wateqajkunata wasimpi pakaykorqa.

Josué 6:22

Josuetaj pichus ñaupajta chay jallp'ata qhawaj rerqanku chaykunaman nerqa: Kunanqa riychej mana allin puriyniyoj Rahabpa wasinman, orqhomuychejtaj, payta, pininchus wasimpi kashan chaykunatawan, imatachus payman nisqaykichejman jina.

Josué 6:25

Josueqa Rahabpa kausayninta, tukuy ayllumpatawan perdonarqa, imaraykuchus pay pakaykusqa Jericota wateqajkunata Josué kacharqa chaykunata. Chaymantapacha Rahabpa miraynenqa israelitas ukhupi kausanku.

1 Samuel 20:8

Ajinaqa khuyaspa yanapaway kamachiyki kasqayrayku, Señorpa ñaupaqempi noqawan qanwan tratota ruwasqanchejrayku. Noqajtapuni juchay kashan chayri, qan kikiyki wañuchiway. Jinamanta tataykimanta manaña apawankichu.