Josué 2:12 - Qheshwa Biblia DC

¹² Chayrayku kunan mañaykichej kunampacha kay kikimpi juranawaykichejta Diosrayku, aylluymanta khuyakunaykichejpaj, imaynatachus noqapis qankunata khuyakuykichej ajinata. Chaypajtaj qowaychej ari uj señata allin sonqoyoj kasqaykichejta yachanaypaj.

DIOSPA QHELQACHISQAN DEUTEROCANONICAL

¹² Chayrayku Tata Diospa sutinpi tilunawaykichejta mañakuykichej, aylluyta khuyanaykichejpaj, imaynatachus noqapis qankunata khuyaykichej, ajinata. Tiluwasqaykichejta junt'anaykichejta yachanaypaj, imallatapis prendata jina qowaychej ari.

DIOSPA QHELQACHISQ

¹² Chayrayku Tata Diospa sutinpi tilunawaykichejta mañakuykichej, aylluyta khuyanaykichejpaj, imaynatachus noqapis qankunata khuyaykichej, ajinata. Tiluwasqaykichejta junt'anaykichejta yachanaypaj, imallatapis prendata jina qowaychej ari.

Josué 2:12 ပူးပေါင်းရင်းမြစ်များ

Génesis 21:23

Chayrayku qan niy ari Diospa sutinta oqharispa, ama ima sajratapis ruwanawaykita, ni wawasniypaj, nitaj mirayniypajpis. Nillaytaj ari allinta ruwanawaykita noqa imaynatachus ruwarqayki ajinata, jinallataj allinta ruwanaykita kay runaspajpis, mayqenkunaj llajtampichus tiyakushanki chaypi.

Génesis 24:3

Kunanqa juray ari, Señorrayku, janaj pachapi kay pachapipis kaj Diosrayku. Qan ama casarachinkichu waway Isaacta kay Canaampi kaj warmiswan, maypichus tiyakushani chay llajtayoj warmiswan.

Génesis 24:9

Kamacheqa yasta nispa imatachus ruwanampaj Abrahamta llankharerqa, jinamanta junt'anampaj.

Génesis 40:14

Chay jina kajtintaj noqamanta yuyarikuwanki, faraonmanqa noqamanta willankipuni, kaymanta orqhopunawampaj. Qampis noqamanta khuyarikuwankipuni ari.

2 Crónicas 36:13

Chantapis rey Nabucodonosorqa contrampi oqharikorqa, payqa Diospa sutimpi jurachisqa yanapanakupi yaykunankupaj. Sonqontapis sinch'ita rumiyacherqa, Israelpa Diosninman mana kutirikuyta munaspa.

Ester (hebreo) 8:6

Imaynatataj noqaqa qhawayman llajtayman kay llakiy chayanantari, nacionniy tukuchisqa kanantari?, nispa.

Éxodo 12:13

Maypichá yawar ch'ajchusqa kanqa, chaymin señalqa kanqa, chaypitaj qankuna kashankichej. Yawarta qhawariytawan qankunata pasallasqaykichej. Ajinamanta qankuna ukhupi mana wañoyqa kanqachu, Egiptopi wañushajtinku.

Jeremías 12:16

Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

Marcos 14:44

Judastaj yachachinakusqaña imaynatachus Jesusta jap'ichinampaj: Pitachari noqa much'aykusaj, chay kanqa, payta jap'ispa, ama kacharispataj presota apaychej, nispa.

1 Timoteo 5:8

Pillapis paypata kajkunamanta mana dakunchu, astawanqa wasimpi kajkunamanta, nitaj yanapanchu chayqa, feninta qhesachan. Chaytaj uj mana creejmantapis astawan sajraman tukun.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

Josué 2:13

Jinamanta ama wañuchipuwaychejchu ari tatayta, mamayta, turasniyta, ñañasniyta, imasniykuchá tiyan chaytawan, wañuymanta salvawayku ari.

Josué 2:18

Maypachachus kay llajtaman chayamusqayku chayqa, kay puka wasqhata ventanaykimanta warkhuykamunki, imapichus noqayku uraykamusqaykuta. Wasiykimantaj tantaykamunki tataykita, mamaykita, turasniykita, chantá tataykej tukuy ayllusnintawan.

Josué 2:19

Mayqellampis wasiykimanta llojsejqa, pay kikin juchayoj kanqa wañunampaj, noqaykoqa mana juchayojchu kasqayku wañunampaj. Pillapis llujchiykunman wasiykipi qanwan kashajtin chayqa, noqaykuña chaymanta juchayoj kasqayku.

Josué 6:22

Josuetaj pichus ñaupajta chay jallp'ata qhawaj rerqanku chaykunaman nerqa: Kunanqa riychej mana allin puriyniyoj Rahabpa wasinman, orqhomuychejtaj, payta, pininchus wasimpi kashan chaykunatawan, imatachus payman nisqaykichejman jina.

Josué 9:15

Chaymanta Josueqa uj allin yanakuy tratota paykunawan ruwarqa, jinamanta ama wañuchinankupaj, chanta israelita kurajkunapis kikillantataj juraspa nerqanku ama wañuchinankuta.

Jueces 1:24

Chay wateqajkunataj, llajtamanta uj runata llojsishajta rikuspa nerqanku: Sichus qan rikuchiwasqayku maynintachus llajtaman yaykunata chayqa, noqaykupis qanta khuyasqayku.

1 Samuel 30:15

Davidtaj kuticherqa: Pusarqowankimanchu chay suwas maypichus kashanku chayman?, nispa. Chay egipcio runataj kuticherqa: Diosniykej sutimpi jurawankiman mana wañuchinawaykita, nitaj patronniymampis jaywanawaykita chayqa, paykunakama pusarqosqayki, nispa.