Josué 2:11 - Qheshwa Biblia DC

¹¹ Chayta yachaspa noqaykoqa maytapuni mancharikorqayku. Chayrayku mana pipis atinmanchu qankunawan maqanakuytaqa. Imaraykuchus Señorqa Diosniykichej, pay kikin janaj pachapi kashan, jinallataj kay pachapipis.

DIOSPA QHELQACHISQAN DEUTEROCANONICAL

¹¹ Chayta yachaspataj, noqaykoqa maytapuni kharkatitispa llawch'iyayku. Chayrayku qankunawan maqanakunaykupaj manaña kallpapis kanchu, imaraykuchus Tata Diosniykichejqa janaj pachapi, kay pachapipis Diospuni.

DIOSPA QHELQACHISQ

¹¹ Chayta yachaspataj, noqaykoqa maytapuni kharkatitispa llawch'iyayku. Chayrayku qankunawan maqanakunaykupaj manaña kallpapis kanchu, imaraykuchus Tata Diosniykichejqa janaj pachapi, kay pachapipis Diospuni.

Josué 2:11 ပူးပေါင်းရင်းမြစ်များ

1 Reyes 8:60

Ajinamanta chay jallp'a patapi tukuynin naciones yachanankupaj, Señorlla Dios kasqanta, manataj waj kasqanta.

2 Reyes 5:15

Naamantaj tukuy paywan rejkunawan Diospa runampaman kutirerqa, Eliseoj ñaupaqenman yaykuspataj nerqa: Kunanqa yachani ari, mundontimpi mana waj Diosqa kanchu, manachayqa Israelllapi tiyan. Kunantaj mañakuyki, kay kamachiykimanta uj t'inkata jap'ikunawaykita, nispa.

Nehemías 6:16

Enemigosniyku qayllasniykupi tukuy kaj nacionespis chayta yachaspa, mayta mancharikorqanku. Chay wapu wapu kajkunamanta k'umuykukorqanku, tukuy ruwasqaykupi Dios yanapawasqaykuta yachaspa.

Ester (hebreo) 8:17

Tukuy suyuspi tukuy llajtaspi ima, maykunamanchus chay kamachiy chayarqa chaykunapi, judiosqa jatun kusiywan, sumaj mikhunasta wayk'urikuspa kusikorqanku chay diaspi. Waj runaspis chayta rikuytawanqa judiosman tukorqanku, imaraykuchus judiosta manchachikorqanku.

Salmos 102:15

Chanta tukuy naciones Señorpa sutinta manchachikonqanku, kay pachamanta tukuy reyes Señorpa sumaj sutinta yupaychajtinku;

Salmos 22:14

Jich'akoj yaku jina kani. Tukuy tullusniy kutasqas kanku. Sonqoytaj mach'a jina kashan, ukhuypi unuyashan.

Salmos 58:7

Suroj yaku jina chinkachunku. Ñampi qhora jina ch'akichunku.

Salmos 83:18

Yachachunku qanlla Señor kasqaykita, qanllapuni patapi kaj Dios tukuy kay pachapi kasqaykita.

Éxodo 15:14

Llajtasqa yachaspa kharkatitenqanku. Nanayqa tukuy filisteosta q'ewiykachachenqa.

Éxodo 15:15

Edompi tiyakoj capitanespis mayta llakikonqanku. Moabpi kamachejkuna manchachikuywan kharkatitenqanku. Canaampi tukuy tiyakojkuna manchachikuywan q'ewakonqanku.

Isaías 13:7

Chayrayku tukuy runaj makin llauchhuyanqa, jinallataj tukuy runaj sonqompis q'aymayanqa.

Isaías 19:1

Uj willay jamun Egiptoj contrampi. Qhawariychej, Señorqa usqhayta rej phuyupi montasqa jamushan Egiptoman. Egiptopi kaj lantisqa payta rikuytawan kharkatitenqanku, egipciostaj maytapuni mancharikonqanku.

Ezequiel 21:15

Chay espadaqa ashkha runasta manchachenqa, ashkhatataj wañurachenqa. Tukuy paykunaj wasinkoj punkumpi wañuchej espadata churarqani. Espadaqa sumaj llosq'ochasqa lliphipirinampaj, wañurachinapaj sumaj afilasqa kashan.

Nahúm 2:10

Niniveqa q'ala phirisqa, ch'impacha, tukuy iman pampachasqa kashan. Mancharikuywan sonqosninkoqa p'akikushanña, moqosninkupis kharkatitishan. Tukuyninkoj kallpasninkupis manaña kanchu. Uyasninkupis manaña paykunapichu kanku; q'ellu q'ellullaña kanku.

Deuteronomio 1:28

Kunanqa, maymantaj risunri? Llajta masisninchejqa niwanchej, jaqaypi runasqa aswan atiyniyoj, aswan jatuchajtaj noqanchejmantaqa kasqankuta. Willawarqanchejtaj llajtasninkupis jatuchaj kasqankuta; llajtaspi perqasnimpis mar pataman oqharisqas kasqankuta, chaypi rikullasqankutaj Anacpa jatuchaj wawasninta, rikullasqankutaj jatuchaj kuraj runasta.

Deuteronomio 20:8

Chaymanta kurajkunaqa soldadosman ujtawan nenqanku: Sichus mayqenniykichej manchachikun, manataj kallpan kanchu, wasinman kutipuchun, maqanakojkunata ama iskayrayachinampaj, nispa.

Deuteronomio 4:39

Kunanqa yachaychej unanchaychejtaj. Señorlla Diosqa kasqanta janaj pachapi, kay pachapipis, jinallataj manapuni waj Dios kasqanta.

Josué 14:8

Noqawan rejkuna wauqesniy israelitas runaspa sonqonkuta iskayrayacherqanku. Noqarí imatachus Señor Diosniy nisqanta junt'arqani.

Josué 2:24

Nerqanku: Señorqa chay tukuynin jallp'asta makisninchejmanña churan. Tukuy chaypi tiyakojkunaqa may mancharisqas kashanku.

Josué 5:1

Tukuynin amorreospa reyesninku Jordanmanta inti yaykuynejpi kasharqanku. Cananeospa tukuy reyesninkutaj mar qocha qayllapi kasharqanku; paykuna yacharqanku Señorqa imaynatachus Jordán mayu yakuta ch'akichisqanta israelitas chayninta chimpanankukama, maytataj mancharikorqanku, mana munarqankuchu israelitaswan maqanakuyta.

Josué 7:5

Chaypacha wañucherqanku kinsa chunka sojtayoj israelitasta. Wakintataj qhatiykorqanku llajta punkumanta canteraskama, wakintataj chay tukuy uraypi mayta waqacherqanku. Chayrayku israelitasqa maytapuni q'ewakorqanku, manaña maqanakuyta munarqankuchu.

Josué 9:24

Paykunataj Josueman kuticherqanku: Noqayku kayta ruwarqayku qankuna wañuchinawaykuta manchachikuspa, imaraykuchus yachayku Señor Diosniykichej kamachin Moisesman kamachisqanta, kaykunapi tiyakojkunata wañurachispa, qankunaman kay jallp'asta qonasuykichejta.

Apocalipsis 6:16

Orqosman, qaqasmantaj nerqanku: Pataykuman urmaykamuwayku. Pakaykuwaykutaj jaqay trono patapi tiyajpa uyanmanta, Corderoj k'ajaj phiñakuyninmantawan.