Josué 18:10 - Qheshwa Biblia DC

¹⁰ Josuetaj Silo nisqapi Señorpa ñaupaqempi suertesta choqaspa israelitasman chay jallp'asta rak'irarqa, imaynatachus t'aqamusqankuman jina.

DIOSPA QHELQACHISQAN DEUTEROCANONICAL

¹⁰ Josuetaj Silopi Tata Diosta tapuspa, sapa jatun aylluman jallp'ata suerteta choqaspa rak'irarqa.

DIOSPA QHELQACHISQ

¹⁰ Josuetaj Silopi Tata Diosta tapuspa, sapa jatun aylluman jallp'ata suerteta choqaspa rak'irarqa.

Josué 18:10 ပူးပေါင်းရင်းမြစ်များ

1 Crónicas 24:5

Mit'astaqa suerteta choqaspa rak'irarqanku, Eleazarpa mirayninmanta kajkunamanta, jinataj Itarpamantapis karqanku Diospa wasimpi llank'ajkuna. Jinallataj Diosta yupaychana wasimanta kamachejkunapis.

Nehemías 11:1

Chay nacionmanta Jerusalén llajtapi kamachejkunaqa chaypi tiyakorqanku. Ayllumanta puchojtaj suerteta choqarqanku chunka familiasmanta ujnenqa Jerusalén llajtapi tiyakapunankupaj chay llimphupaj qhawasqa llajtapi. Chay isq'on kaj puchojkunari chay waj llajtitaspi tiyakapunanku karqa.

Salmos 47:4

Chayaqenchejta ajllapuwanchej, munakusqan Jacobpa k'acha kayninta.

Salmos 61:5

Qan, Diosníy, ruwasaj nisqasuyta uyariwanki, chayaqetataj qan qowanki, sutiykita yupaychajkunaj chayaqenta.

Proverbios 18:18

Suertella pleitosta tukukuyman apan, suertellaqa nin pichus ganan atiyniyojkunamantaqa.

Jeremías 7:12

Riychej Silopi kashan, chay yupaychana wasiyman, chayta ñaupajpi ajllarqani tiyakuna wasiy kanampaj, qhawaychej imatachus paywan ruwasqayta Israel aylluypa juchasninrayku.

Ezequiel 47:22

Chayaqesta jap'ikunaykichejpaj chay jallp'a pataman suertesta choqankichej, jinallataj qankunawan khuska tiyakunku chay waj llajtasniyojkunapajpis. Qankuna ukhupi wawasniyoj kanku chaykunapaj ima. Paykunata Israelpa wawasninkupis kankuman jinata rejsikapunkichej. Qankunawan khuska suerteta choqanqanku Israelpa ayllusninwan khuska paykunapis chayaqenkuta jap'inankupaj.

Ezequiel 48:29

Kay jallp'ataqa Israelpa ayllusninkuman chayaqe jallp'ankupaj rak'irankichej, imaynatachus nini chayman jina paykuna jallp'ata jap'enqanku. Noqa Señormin kaytaqa nini.

Miqueas 2:5

Chayraykumin qankunaqa mana ima ruwanaykichej kanqachu Señorpa ayllun ukhupeqa.

Números 34:16

Señorqa Moisesman nerqa: Chay jallp'astaqa rak'isonqachej sacerdote Eleazarwan, Numpa wawan Josuewan.

San Mateo 27:35

Cruzpi chakataytawantaj, soldadosqa suerteta choqaspa, Jesuspa p'achasninta chayachinakorqanku, profetaj nisqanman jina: P'achasniyta chayachinakorqanku, paykuna ukhu suerteta choqaspa.

San Juan 17:2

Churiykiman atiyta qorqanki, tukuy runasta kamachinampaj; wiñay kausaytataj paykunaman qonampaj, pikunatachus payman qorqanki, chaykunaman.

Hechos 13:19

Canaán jallp'apitaj, qanchis laya ayllusta tukuchispa, chay jallp'asta israelitasman qoporqa, tawa pachaj phishqa chunkayoj watasta jina. Kamachejkunatataj Dios churarqa, profeta Samuelpa p'unchayninkama.

Colosenses 1:12

Jatun kusiywantaj Dios Tataman graciasta qonkichej. Payqa wakichisorqachej chayaqeta jap'inaykichejpaj, Diospa ajllasqasninwan janaj pacha k'anchaypi.

Josué 14:2

Chay jallp'astaqa rak'inakorqanku sorteopi isq'on ayllus, chanta Manasespa khuskan ayllun ima, imaynatachus Señorqa Moisesman kamachisqanman jina.

Josué 14:5

Ajinaqa, imaynatachus Moisesman Señorpa kamachisqanman jina, israelitasqa jallp'ata rak'inakorqanku.

Josué 18:11

Benjamimpa ayllunman mashkhachus kasqankuman jina suertepi jallp'aqa chayarqa, Judáj jallp'anwan, Joséj jallp'anwan chaupipi.

Josué 18:6

Chanta chay jallp'asta qanchisman t'aqaspaña, jamuspa imaynachus kasqanta willawajtinku, noqa suerteta choqasaj Señor Diosninchejpa ñaupaqempi.

Josué 18:8

Chay jallp'asta qhawamoj rej runastaj, wakichikorqankupacha, Josuetaj paykunata kacharqa: Kunanqa chay tukuynin jallp'asta rispa qhawamuychej mojonesta churaspa; chaymantataj kutimuspa willawankichej Silo nisqapi Señorpa ñaupaqempi noqa suerteta choqanaypaj.

Josué 18:9

Chay runastaj rispa chay jallp'asta qhawamuspa mojonesta churamorqanku, qelqaspa churarqanku llajtasta qanchisman t'aqasqankuta; chaymantataj kutimorqanku Silo nisqapi Josué kasharqa chayman.

Josué 19:51

Tukuy kay jallp'asta sacerdote Eleazar, Josué, israelitaspa kurajkunasnin ima sapa ayllusman chayaqe jallp'asninkuta qoraporqanku suerteta choqaspa Señorpa ñaupaqempi, Dioswan tinkukuna toldoman yaykunapi. Ajinata jallp'a rak'iyta tukorqanku.

Josué 23:4

Noqaqa chayaqeykichej jallp'ata suerteta choqaspa ayllusniykichejman qoporqani. Noqaqa mana qhechusqaña kaj jallp'asllatachu qorqaykichej, manachayqa, manaraj qhechusqa kajkunatawan qorqaykichej, Jordán mayoj inti llojsimuyninmanta, mar Mediterráneo qochej inti chinkaykuyninkama.