Josué 15:8 - Qheshwa Biblia DC

⁸ Chaymanta rillarqapuni Ben-hinom vallenejta, Jebuspa uray cantonta, niyta munan Jerusalennejta. Chaymanta wicharerqa Hinom vallej inti chinkaykuynin chimpan orqo puntannejta, Refaim vallej patannejta.

DIOSPA QHELQACHISQAN DEUTEROCANONICAL

⁸ Chaymanta mojonqa Ben Jinón vallenejta, Jebuspa uray kantunta rillarqapuni, chay niyta munan Jerusalennejta. Chaymanta Jinón vallej inti chinkaykuy chimpan orqo puntannejta rerqa, chantá Refayin valleman urayk'amorqa.

DIOSPA QHELQACHISQ

⁸ Chaymanta mojonqa Ben Jinón vallenejta, Jebuspa uray kantunta rillarqapuni, chay niyta munan Jerusalennejta. Chaymanta Jinón vallej inti chinkaykuy chimpan orqo puntannejta rerqa, chantá Refayin valleman urayk'amorqa.

Josué 15:8 ပူးပေါင်းရင်းမြစ်များ

2 Samuel 5:18

Chaypacha filisteosqa astawan ñaupajman rispa Refaim pampasman junt'aykorqanku.

2 Samuel 5:22

Chaywampis filisteosqa watejmanta Refaim pampasman junt'aykamullarqankutaj.

2 Reyes 23:10

Jinallatataj Ben-Himon vallepi altaresta chay ruphachina cheqata ch'ichichaykullarqataj, amaña pipis qhari wawasninta, chayri warmi wawasninta chaypi Molocman ruphachispa jaywanampaj.

1 Crónicas 11:4

Davidwan tukuy israelitaswan Jerusalenman rerqanku, Jebus nisqa chay llajtaman. Chaypeqa jebuseos tiyakorqanku.

2 Crónicas 28:3

Chaykunaman inciensota q'osñicherqa Ben-hinom Vallepi, wawasnintapis uywa wañuchisqata jina jaywaspa ruphacherqa, imaynatachus chay nacionespi ruwayta yachasqankuman jina. Chaykunatataj Señorqa israelitaspa ñaupaqenmanta wijch'orqa.

Nehemías 11:30

Zanoapi, Adulampi, Laquispi, Azecapi ima; tukuy ranchosnimpi chay campo jallp'asnimpi ima. Tiyakorqankutaj Beersebamantapacha Hinon vallekama.

Isaías 17:5

Chayqa kanqa imaynatachus uj ruthoj trigota ruthun jina, chayri imaynatachus uj runa makinwan espigasta pallan ajina, chayri Refaim vallepi imaynatachus cosechakun jina.

Jeremías 19:14

Kay qhepantataj Jeremiasqa Tofetmanta kutimorqa, maymanchus Señor kachasqa, sutimpi parlamunanta. Chaymantataj Diosta yupaychana wasej patiompi sayaykukuytawan tukuy runasman nerqa: Israelpa tukuy atiyniyoj Señor Diosnin nin: Kay llajtaman tukuy qayllapi kaj llajtasmanwan, ima jasut'ichus jamunanku karqa, chaykunata kachaykamusaj, imaraykuchus sonqonkuta rumiyacherqanku, palabrasniyta mana kasunawankupaj.

Jeremías 19:2

Chaymantaqa llojsiy Benhinon valleman, k'analla ruwana punkuman sayaykamuy, chaypitaj willanki imatachus willasqayki chayta.

Jeremías 19:6

Chayrayku qhepa p'unchaykunaman, maypachachus kay cheqaqa manaña Tofetchu sutichakonqa, nitaj Ben-hinom vallechu, manachayqa wañuchina valle nisqa kanqa. Noqa Señor chayta nini.

Josué 15:63

Judáj mirayninmanta kajkunaqa jebuseos nisqata, Jerusalempi tiyakojkunata mana qharqoyta aterqankuchu. Chaymanta jebuseosqa Jerusalempi qhepakorqanku, kunankamataj Judá aylluwan khuska tiyashanku.

Josué 18:16

Chaymanta uraykorqa Ben-hinom vallej chimpampi kaj orqoj tukukuyninkama, chayqa kashan Refaim vallej patannejpi. Chaymantaqa uraykorqa Hinom valleman, chaymanta Jebus wichaypa urannejman, chayta rillarqapuni En-rogel yaku juturikama.

Jueces 1:21

Jinapis Benjamimpa ayllunmanta kajkunaqa Jerusalén llajtamanta mana qharqoyta aterqankuchu chaypi tiyakojkuna jebuseosta. Chayraykumari kunan p'unchaykama Jerusalempi khuska tiyakushanku jebuseoswan Benjamín ayllumanta kajkunawan.

Jueces 1:8

Judá ayllumanta kajkuna maqanakuspa jap'ikaporqanku Jerusalenta, espadawan t'ojsiraspa runasninta wañurachispataj llajtata ruphaykucherqanku.

Jueces 19:10

Chaywampis levita runaqa manañapuni uj ch'isitawan qhepakuyta munarqachu, mana chayqa riporqapuni warminwan, kamachinwan chantá iskaynin sillasqa burrosninwan ima. Jebusman chayri Jerusalenmanña qayllaykushajtinkoqa ch'isiyaykusharqaña, chayrayku levita runaman chay kamachin nerqa: Imaynataj rijch'asunkiman kay jebuseospa llajtankupi kunan ch'isi qhepakunanchej?