Josué 15:11 - Qheshwa Biblia DC

¹¹ Chanta rillarqataj Ecrompa pata wichaynin inti llojsimuyninta, chaymanta Sicrompa wasanta muyuykamorqa, Baala orqonejta rerqa, chaymantaqa llojserqa Jabneelman, tukukorqataj Mediterráneo mar qochapi.

DIOSPA QHELQACHISQAN DEUTEROCANONICAL

¹¹ Jinallataj mojonqa Ecronpa wichaynin inti llojsimuyninnejta rillarqataj, chaymantataj Sicronpa wasanta muyuykamuytawan, Baalá orqonejta rerqa, chaymantaqa Jabnelman llojserqa, Jatun Mama Qochapitaj tukukorqa.

DIOSPA QHELQACHISQ

¹¹ Jinallataj mojonqa Ecronpa wichaynin inti llojsimuyninnejta rillarqataj, chaymantataj Sicronpa wasanta muyuykamuytawan, Baalá orqonejta rerqa, chaymantaqa Jabnelman llojserqa, Jatun Mama Qochapitaj tukukorqa.

Josué 15:11 ပူးပေါင်းရင်းမြစ်များ

2 Reyes 1:16

Paytaj nerqa: Señorqa ajinata nin: Qanqa kachanki tapumojta Ecrompa diosnin Baal-zebuta, manapis Israelpi Diosqa palabranta tapurinaykipaj kanmanchu karqa jina. Chayrayku kunanqa chay camaykimanta mana jatarinkiñachu, cheqamanta kikimpi wañunki.

2 Reyes 1:6

Paykunataj kuticherqanku: Uj runawan ñampi tinkukuyku, chanta payqa niwayku: Kutipuychej, kachamusorqachej chay reymantaj kay jinata niychej: Ajinata Señorqa nin: Israelpeqa manachu Dios tiyan Ecrompa diosnin Baal-zebubman kachaspa tapuchikamunaykipaj? Chayrayku kunanqa camaykimanta mana jatarimunkiñachu, kikimpitaj wañunki, nispa.

2 Crónicas 26:6

Uziasqa filisteospa contrampi maqanakoj llojserqa, perqasninkutataj thuñiramorqa, Gat llajtajta, Jabniajta, Asdodpata ima, oqharicherqataj llajtasta Asdodpi, jinataj filisteospa jallp'asninkupipis.

Números 34:6

Inti yaykuyman jallp'aykichejpa tinkuynenqa jatun mar qochakama kanqa.

Josué 15:10

Baalamanta chay mojonqa kutirimorqa inti chinkaykuynejta Seir orqokama; chaymanta rillarqapuni Jearim orqoj patannejta, chaytaj kashan Quesalón nisqa, chaymanta uraykorqa Bet-semeskama, chaymantataj chayarqa Timnaman.

Josué 15:12

Inti yaykuyman mojonnenqa karqa Mediterráneo mar qochakama. Kaykunamin karqa Judá aylloj mojonesnenqa tukuy muyuynintimpi, mashkhatajchus kasqankuman jina.

Josué 15:45

Chanta kallarqataj Ecrón llajta, juch'uy llajtasninwan, ranchosninwan ima. Chaymanta kallarqataj Ecronmanta mar qochakama, Asdod qayllapi kaj jallp'asnintin, ranchosnintin ima.

Josué 15:9

Chay mojonqa muyuykamorqa monte orqo puntanta Neftoapi yaku juturikama, chaymantaqa Efrón orqospi llajtasninta, Baala nisqa chayninta, chaytaj kashan Quiria-jearim, nisqa.

Jueces 1:18

Chaywampis mana aterqankuchu jap'ikapuyta kay llajtasta; Gazata, Ascalonta, Ecronta, nitaj qayllampi kajkuna jallp'asninkutapis.

1 Samuel 17:52

Chaypacha Judamanta kajkuna, jinataj Israelmanta kajkunapi qhaparispa qhatiykorqanku Gat llajtaman yaykunakama, Ecronman yaykuna chaynejkamataj. Saaraimantapacha, Gatman, Ecronmampis rina ñan pataspeqa filisteo soldadospa ayasninku wijch'u wijch'ulla kasharqanku.

1 Samuel 5:10

Chay qhepantataj filisteosqa Ecrón llajtamanñataj aparqanku Diospa trato cajonnintaqa. Chay llajtaman chay cajonta chayachejtinkukamataj Ecronmanta kajkunaqa qhaparerqanku: Israelpa trato cajonninta apamushawanchej tukuyninchejta wañurachinawanchejpaj, nispa.

1 Samuel 5:8

Chayrayku willacherqanku filisteosmanta tukuy kurajkunaman, paykuna tantanankuta, chaypipis taporqanku: Imanasunchejtaj Israelpa Diosnimpa trato cajonninwanri? Paykunataj kuticherqanku: Gat llajtaman apaychej, nispa. Filisteostaj chayman aparqanku.

1 Samuel 7:14

Filisteosqa ima llajtastachus israelitasmanta qhechorqanku chaykunata kutichiporqanku Ecron llajtamanta, Gat llajtakama. Jinamanta israelitasqa filisteospa kamachiyninmanta kacharicherqanku, manataj ima ch'ajwapis karqañachu israelitaswan amorreoswanqa.