Josué 14:12 - Qheshwa Biblia DC

¹² Chayrayku kunanqa qoway ari may orqotachus Señor qonawanta nerqa chayta. Chaymantapacha qanqa yachanki chaynejpi anaquitas tiyasqankuta, jatuchaj llajtas sumaj jark'achisqastaj kasqanta. Chaywampis noqaqa yuyani Señor yanapanawanta chay llajtasta chinkachiyta, imaynatachus Señorqa yanapanawanta nisqanman jina.

DIOSPA QHELQACHISQAN DEUTEROCANONICAL

¹² Chayrayku orqorara jallp'ata qoway ari, mayqentachus Tata Dios qonawanta nerqa, chayta. Qan yachanki chaynejpi jatunkaray runa Anacpa churinkuna sumaj phatu perqawan muyuykusqa llajtakunapi tiyakusqankuta. Chaywanpis noqaqa Tata Diospa yanapawasqanwan chay runakunata wijch'usaj, Tata Diospa nisqanman jina, nispa.

DIOSPA QHELQACHISQ

¹² Chayrayku orqorara jallp'ata qoway ari, mayqentachus Tata Dios qonawanta nerqa, chayta. Qan yachanki chaynejpi jatunkaray runa Anacpa churinkuna sumaj phatu perqawan muyuykusqa llajtakunapi tiyakusqankuta. Chaywanpis noqaqa Tata Diospa yanapawasqanwan chay runakunata wijch'usaj, Tata Diospa nisqanman jina, nispa.

Josué 14:12 ပူးပေါင်းရင်းမြစ်များ

2 Reyes 19:4

Ichapis Señorqa uyarinña, chay kuraj kamachejpa parlasqasninta, pitachus wiraqochin Asiriamanta reyqa kachamorqa, kausaj Diosmanta sajrata parlanampaj. Señor Diosniykeqa chay ch'ichi palabrasninta uyarispa jasut'ichun. Kunanqa kaypi qhepakojkunarayku Diosmanta mañay ari.

2 Crónicas 14:11

Asaqa Señor Diosninman qhaparikorqa: Señorníy, qampajqa uj rejllamin, kallpayoj kajtapis, pisi kallpayoj kajtapis yanapayqa. Chayrayku yanapariwayku Señor Diosniyku, qampi suyakusqaykurayku, sutiykipitaj kay soldadoswan maqanakoj jamorqayku. Señor, qanmin Diosniykoqa kanki. Mana pipis qanwan churanakuyta atisqanta rikuchiy ari.

Salmos 44:3

Manamin makinkuchu nitaj espadankuchu paykunata atipacherqa jallp'ata jap'inankupaj. Manachayqa qampa atiyniyki, kallpayki, qhawaykachayniyki ima, atipacherqa tatasniykuta munakusqaykirayku.

Salmos 60:12

Diospa yanapayninwan jatuchaj imasta ruwasun. Payqa enemigosninchejta ñat'uranqa.

Números 13:28

Chaywampis, chaypi tiyakoj runasqa manchay kallpasniyoj kasqanku, llajtasninkupis jatuchaj, perqaswan sumaj jark'achisqastaj. Chantapis rikullaykutaj Anacpa mirayninmanta kajkuna jatuchaj runas kasqankuta.

Números 13:33

Rikullaykutaj Anacpa mirayninmanta kajkuna jatuchaj runasta. Noqaykoqa paykunaj qayllankupi langostas jina juch'uysitus kayku, paykunapis juch'uysitusta jina qhawariwayku, nispa.

Números 21:34

Señortaj Moisesman nerqa: Ama manchachikuychu chay runasmanta, noqa makisniykiman churasaj, tukuy soldadosnintinta llajtantinta ima. Ajinallatataj qan paywan ruwanki, Sehonwan ruwarqanki, chaynejpi tiyakoj amorreospa reynin Hesbonwan, ajinata, nispa.

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

Deuteronomio 1:28

Kunanqa, maymantaj risunri? Llajta masisninchejqa niwanchej, jaqaypi runasqa aswan atiyniyoj, aswan jatuchajtaj noqanchejmantaqa kasqankuta. Willawarqanchejtaj llajtasninkupis jatuchaj kasqankuta; llajtaspi perqasnimpis mar pataman oqharisqas kasqankuta, chaypi rikullasqankutaj Anacpa jatuchaj wawasninta, rikullasqankutaj jatuchaj kuraj runasta.

Deuteronomio 9:1

Uyariychej israelitas: Kunanqa Jordán mayuta chimpanaykichejña tiyan. Qankunamanta aswan ashkha runasniyoj nacionesta, aswan atiyniyojkunatataj jallp'asninkumanta qharqonaykichejpaj, jap'ikapunkichejtaj jatuchaj perqawan muyuykusqa llajtasninkuta.

Deuteronomio 9:3

Kunanqa yachanaykichej tiyan, qankunaj ñaupaqeykichejta Señor Diosniykichej renqa. Payqa uj k'ajashaj nina nina ruphaspa k'umuykachachenqa ñaupaqeykichejpi nacionesta chinkachinankama. Qankuna chay llajtasninkumanta qharqospa ujllapi chinkachinkichej, imaynatachus Señor qankunaman nisqaykichejman jina.

Filipenses 4:13

Tukuy imata atini Cristo kallpachawajniypi.

Hebreos 11:33

Paykunaqa creesqankurayku suyu kamachejkunata atiparqanku, cheqan kajta ruwarqanku, Diospa qonan kasqanta jap'erqanku, leonespa simisnintapis wisq'arqanku.

Josué 15:14

Chay llajtamanta Calebqa Anacpa kinsantin wawasninta qharqorqa, Sesaita, Ahimanta, Talmaita ima.

Jueces 1:20

Moisés nisqanman jina, Hebronqa Calebman qosqa karqa, Calebtaj chaymanta wijch'orqa Anacpa kinsa wawasninta.

1 Samuel 14:6

Jonatanqa chay yanapajninman nerqa: Thaskiypacha, risunchej Diosta mana manchachikoj runaspaman. Ichapis Señorqa noqanchejnejta imatapis ruwanman, paypajqa atikullan atipachinawanchej ashkha runaswampis, chayri pisiswampis.