Josué 11:23 - Qheshwa Biblia DC

²³ Ajinata Josueqa chay tukuy jallp'asta jap'ikaporqa, imaynatachus Moisesman Señor kamachisqanman jina. Chaymantataj israelitasman, mashkha aylluschus kasqankuman jina chayaqenku kanampaj rak'irarqa. Chay jallp'apitaj manaña ima ch'ajwapis karqachu.

DIOSPA QHELQACHISQAN DEUTEROCANONICAL

²³ Ajinata Josueqa chay tukuy jallp'ata jap'erqa, Tata Dios Moisesman kamachisqanman jina. Chaymantataj israelitakunaman, mashkha jatun aylluchus kasqankuman jina paykunajta kananpaj rak'irarqa. Chay qhepata manaña maqanaku, ni ima ch'ajwapis karqañachu.

DIOSPA QHELQACHISQ

²³ Ajinata Josueqa chay tukuy jallp'ata jap'erqa, Tata Dios Moisesman kamachisqanman jina. Chaymantataj israelitakunaman, mashkha jatun aylluchus kasqankuman jina paykunajta kananpaj rak'irarqa. Chay qhepata manaña maqanaku, ni ima ch'ajwapis karqañachu.

Josué 11:23 ပူးပေါင်းရင်းမြစ်များ

Nehemías 9:24

Paykunataj yaykorqanku, jap'ikaporqankutaj Canaán jallp'ata, chay llajtayoj runastataj paykunaj ñaupaqenkupi k'umuykacherqanki, jinataj reykunasninkuta, chaykunapi tiyakojkuna runastapis, makisninkuman churarqanki paykuna munayninkuman jina ruwanankupaj.

Salmos 46:9

Ch'ajwastaqa mundontimpi sayachin. Maqanakuna flechasta, lanzastapis p'akiran, carretastataj rupharachin.

Éxodo 34:11

Kay kamachisqayta sumajta junt'aychej; noqa qharqosaj ñaupaqeykichejmanta amorreosta, cananeosta, hititasta, ferezeosta, heveosta, jebuseostawan.

Ezequiel 45:8

Kay jallp'aqa Israelpi kamachejpaj kanqa, ajinamanta aylluytaqa mana ujtawan kamachejkunaqa ñak'arichenqankuchu, astawampis israelita runasman ayllusninman jina jallp'ata qonqanku.

Deuteronomio 1:38

Qampa cuentaykimanta Numpa wawan yanapajniyki Josué yaykonqa. Payta astawan kallpachay. Paymin israelitasmanqa jallp'ata rak'enqa.

Deuteronomio 25:19

Chayrayku, Señor Diosniykichej qayllaykichejpi kaj tukuy enemigosniykichejmanta librasojtiykichej, ima jallp'apichus chayaqeykichejta qopusonqachej chaypi, chaymanta amalecitata chinkachinkichej. Amapuni qonqankichejchu.

Josué 11:18

Josueqa unayta maqanakorqa chay reyeswan.

Josué 12:7

Kaykuna karqanku chay reykuna, pistachus Josuewan, israelitaswan atiparqanku Jordán mayuta chimpaspaña inti yaykuynejpi, chaykuna. Paykunata wañuracherqanku Baal-gadmapi Líbanoj vallempi, Seirman wicharej Halac orqospi ima. Chay jallp'asta Josueqa israelitasman chayaqenkupaj rak'irarqa, mashkha aylluschus kasqankuman jina.

Josué 18:10

Josuetaj Silo nisqapi Señorpa ñaupaqempi suertesta choqaspa israelitasman chay jallp'asta rak'irarqa, imaynatachus t'aqamusqankuman jina.

Josué 22:4

Kunanqa Paypis imatachus qosqaykichej nisqanta junt'an, wauqesniykichejpaj sonqo tiyakuy tiyanña. Chaynejta kunanqa toldosniykichejman kutipuychej, ima jallp'atachus jap'ikusqaykichejman, Jordán mayu chimpapi Señorpa kamachin Moisés qosorqachej chayman.

Josué 23:1

Israelitasman Señorqa sonqo tiyakuyta unay watastaña qosqanmanta, Josueqa machuña kashaspa, unay watasniyojñataj kashaspa, payqa israelitasta tantachimorqa, kurajkunasnintinta, kurajkunapaj churasqas karqanku chaykunata, juecesta, kamachinankupaj churasqas karqanku chaykunantinta, nerqataj: Noqaqa machu runaña kani, unay watasniyojñataj.