Josué 10:40 - Qheshwa Biblia DC

⁴⁰ Ajinata Josueqa chay tukuynin jallp'asta jap'ikaporqa; orqo kinraykunapi tiyakoj reyesta wañurachispa, Neguev orqospi, wichay pampaspi, wichaykunapi tiyakojkunata ima mana ujniyojta; imaynatachus Israelpa Señor Diosnin kamachisqanman jina.

DIOSPA QHELQACHISQAN DEUTEROCANONICAL

⁴⁰ Ajinata Josueqa chay tukuynin llajtata jap'erqa, orqo kinraykunapi tiyakoj kuraj kamachejkunata wañurachispa. Néguev orqokunapi, wichay pampakunapi, wichaynejpi tiyakojkunata ima tukuynintapuni wañuracherqa, Israelpa Tata Diosnin kamachisqanman jina.

DIOSPA QHELQACHISQ

⁴⁰ Ajinata Josueqa chay tukuynin llajtata jap'erqa, orqo kinraykunapi tiyakoj kuraj kamachejkunata wañurachispa. Néguev orqokunapi, wichay pampakunapi, wichaynejpi tiyakojkunata ima tukuynintapuni wañuracherqa, Israelpa Tata Diosnin kamachisqanman jina.

Josué 10:40 ပူးပေါင်းရင်းမြစ်များ

1 Reyes 15:29

Kamachiyta qallariytawantaj Jeroboampa wasinmanta kajkunata tukuyninta wañuracherqa, imaynatachus Señorqa parlarqa kamachin Ahías silonitanejta, mana ujniyojtapuni tukuchinanta Jeroboampa wasinmanta kajkunata.

Nehemías 9:24

Paykunataj yaykorqanku, jap'ikaporqankutaj Canaán jallp'ata, chay llajtayoj runastataj paykunaj ñaupaqenkupi k'umuykacherqanki, jinataj reykunasninkuta, chaykunapi tiyakojkuna runastapis, makisninkuman churarqanki paykuna munayninkuman jina ruwanankupaj.

Salmos 9:17

Sajra runaswan Diospi mana creejkunawan, wañusqaspaman riponqanku, Diosmanta qonqapusqankurayku.

Éxodo 34:12

Amapuni ni ima tratotapis ruwakunkichejchu maymanchus rishankichej chaypi kaj runaswan, ama, ima sajratachus ruwasqasninkupi urmanaykichejpaj, jinamanta ama misk'achinasuykichejpaj.

Números 13:17

Moisesqa chay runasta Canaán jallp'ata qhawamunankupaj kachashaspa nerqa: Neguevnejta rispa orqoman wicharinkichej.

Deuteronomio 1:7

Tukuy imasniykichejta oqharikuspa amorreospa orqosninkuman riychej, tukuy vecinosninkoj muyuyninkupi kaj jallp'asninkuman ima. Arabaman, sach'arara lomasman, vallesman, Neguevman, mar qocha cantosman, cananeospa jallp'anman, Libanoman, Eufrates jatun mayukama.

Deuteronomio 2:34

Tukuy llajtasnintataj jap'ikaporqanchej. Chaymantataj chinkacherqanchej chay llajtasta, qharista, warmista, wawasta ima. Jinamanta ni pita kausashajta saqerqanchejchu.

Deuteronomio 7:24

Reyesninkutapis Señorqa makisniykichejman churasonqachej. Qankuna paykunaj mentasqa kayninkuta kay jallp'a patamanta chinkachinkichej. Nitaj pipis kutichikamusonqachejchu. Ajinamanta tukuyninkuta chinkachinkichej.

Josué 10:35

Chay kikin diapacha llajtataqa jap'erqanku, espadawan t'ojsispataj chay llajtapi tukuy kausajkunata wañuracherqanku, imaynatachus Laquispi ruwarqanku kikinta.

Josué 10:37

Chay llajtaman yaykuytawan espadawan t'ojsispa reyninta, tukuy kausajkunasnintinta wañuracherqanku, jinallataj chay qayllasnimpi llajtaspipis, imaynatachus Eglompi ruwarqanku kikinta.

Josué 10:39

Chay llajtaman yaykuytawan espadawan t'ojsispa reyninta, chay ukhupi tukuy kausajkunatawan wañuracherqanku mana ujniyojta, kikillantataj chay qayllasnimpi llajtaspipis, imaynatachus ruwarqanku Hebronta, Libnata, reyesnintawan, ajinata.

Josué 11:16

Jinamanta Josueqa tukuy chay jallp'asta jap'erqa, orqo jallp'asta, tukuy Neguev jallp'asta, tukuy Gosén jallp'asta, pampa jallp'asninta, Jordán vallesta, tukuy Israel orqosta chay pampa jallp'asninta ima.

Josué 12:8

Kay jallp'asta qorqa: Monte jallp'asta, valle jallp'asta, Jordán vallesta, kinray jallp'asta, ch'in pampa jallp'asta, Neguevta. Kay jallp'aspi tiyarqanku heteos, amorreos, cananeos, ferezeos, heveos, jebuseos ima.

Josué 18:21

Benjamín aylluman chayasqan llajtasqa, kaykuna karqanku: Jericó, Bet-hogla, Emec-casis, Bet-arabá, Zemaraím, Betel, Avin, Pará, Ofra, Quefar-haamoni, Ofni, Geba ima. Chay karqa chunka iskayniyoj llajtas ranchosnintin. Chanta kallarqataj, Gabaón, Ramá, Beerot, Mizpa, Cafira, Mozah, Requem, Irpeel, Tarala, Zela, Elef, Jebús, chayqa Jerusalén, Gabaa, Quiriat ima. Chay karqa chunka tawayoj llajtas ranchosnintin. Kaymin karqa Benjamimpa chayaqe jallp'anqa mashkhachus kasqankuman jina.

Josué 6:17

Llajta, chaypi imaschá tiyan chaykunasnintin phirikonqa, tukuynintaj Señorman rikuchiku jina jaywasqa kanqa. Chay mana allin puriyniyoj warmi Rahabpa kausaynillanta perdonankichej, pininchus wasimpi pakakojkunatawan, imaraykuchus payqa kachamorqanchej chay wateqajkunata wasimpi pakaykorqa.

Josué 8:2

Qanqa Hai llajtata, reynintawan chinkachinki, imaynatachus Jericó llajtata ruwarqanki ajinata. Chaywampis kay kutipeqa qankunapaj kanqa atipachikojkunanta imasninkuchus tiyan chaykuna, uywasninku ima. Ujllata atipanaykichejpajqa sumajta wakichikuychej, llajtaj wasanman soldadosqa lip'iykuspa pakaykukuchunku.

Josué 8:27

Israelitasqa jap'ikorqanku uywasta, imaschus llajtapi karqa chaykunata, imaynatachus Señorqa Josueman kamachisqanman jina.

Josué 9:24

Paykunataj Josueman kuticherqanku: Noqayku kayta ruwarqayku qankuna wañuchinawaykuta manchachikuspa, imaraykuchus yachayku Señor Diosniykichej kamachin Moisesman kamachisqanta, kaykunapi tiyakojkunata wañurachispa, qankunaman kay jallp'asta qonasuykichejta.