Josué 10:10 - Qheshwa Biblia DC

¹⁰ Señortaj amorreostaqa maytapuni manchariykucherqa israelitaspa ñaupaqempi. Ajinamanta Josueqa ashkha runasta Gabaompi wañuracherqa. Chaymantaqa qhatiykorqa Bet-horonman wicharej ñannejta, chaymanta rillarqapuni amorreosta wañuchispa Azecakama, Macedakama ima.

DIOSPA QHELQACHISQAN DEUTEROCANONICAL

¹⁰ Tata Diostaj amorreokunata maytapuni musphacherqa, Israel soldadokunata rikusqankurayku. Ajinata Josueqa soldadonkunawan khuska Gabaonpi ashkha amorreo soldadokunata wañucherqanku. Chaymantaqa Bet Joronman wicharej ñannejta paykunata qhatiykorqanku, chantá Azecakama, Macedakama ima amorreokunata wañuchispa rillarqankupuni.

DIOSPA QHELQACHISQ

¹⁰ Tata Diostaj amorreokunata maytapuni musphacherqa, Israel soldadokunata rikusqankurayku. Ajinata Josueqa soldadonkunawan khuska Gabaonpi ashkha amorreo soldadokunata wañucherqanku. Chaymantaqa Bet Joronman wicharej ñannejta paykunata qhatiykorqanku, chantá Azecakama, Macedakama ima amorreokunata wañuchispa rillarqankupuni.

Josué 10:10 ပူးပေါင်းရင်းမြစ်များ

2 Samuel 22:15

Wach'inasninta kacharerqa, lliuj lliujkunasnintapis, enemigosniytataj tukuynejman ch'eqeracherqa.

1 Reyes 9:17

Salomontaj Gezerta ura kaj Bet-horón llajtatawan jallch'acherqa,

2 Crónicas 14:12

Chaypacha Señorqa Asamanwan, Judamanwan chay etiopespa contrampi maqanakuypi atipayta qorqa, chayraykutaj etiopesqa ayqerikaporqanku.

2 Crónicas 25:13

Chaykamataj Amasiasqa chay soldadosta kachaporqa amaña maqanakuman paykunawan rinankupaj. Chaykunaqa wasisninkuman ripoj jina Judáj llajtasninman junt'aykorqanku, Samariamanta Bet-horonkama, wañucherqankutaj kinsa waranqa runasta, may ashkha imastataj suwaspa apakaporqanku.

Salmos 18:14

Flechasninta lliuj lliujkunasnintawan kachaykun, enemigosnintataj ch'eqerachispa ayqerachin.

Salmos 44:3

Manamin makinkuchu nitaj espadankuchu paykunata atipacherqa jallp'ata jap'inankupaj. Manachayqa qampa atiyniyki, kallpayki, qhawaykachayniyki ima, atipacherqa tatasniykuta munakusqaykirayku.

Salmos 68:14

Tukuy Atiyniyoj Dios reyesta ayqechishajtin, Salmón orqo pataman rit'iykamorqa.

Salmos 78:55

Diosta mana rejsej runasta, nacionesta ñaupaqenmanta qharqorqa, jallp'asnintaj Israelpa ayllusninman rak'irarqa; chaykunapitaj ch'ujllasninkupi paykunata kausacherqa.

Isaías 28:21

Señorqa Perazim orqopi jinamin ruwanqa, Gabaón vallepi jinmayta phiñakonqa, imachus ruwanan kajta ruwanampaj, mana jayk'aj ruwasqanta, mana rejsisqa ruwananta ruwanampaj.

Isaías 30:30

Señorqa jatunmanta parlasqanta uyarichenqa, makimpa sajmasqanta rikuchenqa, manchay phiñasqa kayninta rikuchispa, manchayta q'olarparej ninawan, llojlla parawan, manchay muyoj wayrawan, jatuchaj rumi jina chejchiwan ima.

Jeremías 34:7

Chaykamataj Babiloniamanta reypa soldadosnin Jerusalenta jap'iykusharqanku, chantá Laquis llajtata, Azeca llajtata ima. Chaykunalla Judamanta jark'achisqa llajtasmantaqa qhepakusharqanku.

Zacarías 14:3

Jinapis chay qhepantaqa Señor llojsimonqa chay nacionespa contrampi, imaynatachus chay ñaupa maqanaku p'unchaykunapi ruwarqa ajinata.

Deuteronomio 7:23

Señor Diosniykichejqa chay nacionesta makisniykichejman entregasonqachej; tukuyninkutapuni tukuchenqa.

Josué 10:11

Bet-horon urayta amorreos israelitasmanta ayqekushajtinku, Señorqa kachaykamorqa janaj pachamanta jatuchaj rumi chhikachaj granizosta; chay astawan amorreostaqa wañuracherqa, israelitas espadawan wañuchisqankumanta nisqaqa.

Josué 10:28

Chay kikin p'unchayllataj Josueqa Maceda llajtata jap'erqa, runasninta, chantá reynintapis espadawan wañuracherqa. Ajinata ruwaspa mana ujniyojta wañurachispa ch'impachata saqerparerqa. Maceda llajtaj reynintaqa ruwarqa, imaynatachus Jericó llajtaj reyninta ruwarqa kikinta.

Josué 10:9

Josuetaj Gilgalmanta tukuy tutantin wicharispa chayarparerqa amorreoswan ujllata maqanakojpacha.

Josué 11:8

Señortaj Israelitaspa makisninman jaywarqa; israelitastaj wañuracherqanku, wakintataj qhatikorqanku Sidón jatun llajtakama, chaymanta Misrefot-maimkama, inti llojsimuypi Mispa pampakama, mana ujniyojta tukuchinankukama.

Josué 16:3

chaymantataj rerqa inti chinkaykuyman jaflititaspa jallp'an ukhunejta, Bet-horompa uranej jallp'anwan mojon tinkuyninkama, Gezerkama, chaymantaqa mar qochakama.

Josué 16:5

Efraimpa jallp'anqa mashkhachus kasqankuman jina kay jina karqa: Inti llojsimuynejmanta Atarot-adarmanta pata Bet-horonkama karqa.

Jueces 4:15

Barac tinkuman yaykojtinkamataj, Señorqa musphacherqa Sisaraj carrosninta jinataj soldadosnintapis, Sisarapis carronmanta uraykuytawankama chakipi ayqerqa.

Jueces 4:16

Chaykamataj Baracqa Sísaraj carrosninta jinataj soldadosnintawan qhatiykorqa Haroset-goimkama. Jaqay p'unchaypeqa Sisaraj soldadosninmantaqa ni uj soldadollapis kausarqachu, tukuyninku wañorqanku.

Jueces 5:20

Cielomantapacha, maypichus kashanku chaymantapacha, ch'askakunaqa Sísaraj contrampi maqanakorqanku.

1 Samuel 13:18

Ujnin tropataj Bet-horon chaynejman rerqa. Kinsa kaj tropataj Zeboim valle qhawarisqa lomaman rerqa, chayqa kashan ch'in pampa qayllapi.

1 Samuel 17:1

Filisteosqa soldadosninkuta tantaykorqanku ch'ajwapi maqanakamunankupaj. Tantakorqankutaj Soco llajta chaynejpi. Judá jallp'api jarankuta sayacherqanku, Efes-damim llajtapi, chayqa kashan Socowan, Azecawan tinkuypi.