Josué 1:9 - Qheshwa Biblia DC

⁹ Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

DIOSPA QHELQACHISQAN DEUTEROCANONICAL

⁹ Noqamin kamachiyki: Sumajta kallpachakuy, waputaj kay. Ama manchachikuychu, nitaj q'ewakuychu. Noqa Tata Diosniyki qanwanpuni kasaj, maymanchá rinki, chaypi, nispa.

DIOSPA QHELQACHISQ

⁹ Noqamin kamachiyki: Sumajta kallpachakuy, waputaj kay. Ama manchachikuychu, nitaj q'ewakuychu. Noqa Tata Diosniyki qanwanpuni kasaj, maymanchá rinki, chaypi, nispa.

Josué 1:9 ပူးပေါင်းရင်းမြစ်များ

Génesis 28:15

Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

Génesis 39:2

Señorqa Josewampuni kasharqa. Chayrayku egipcio patronnimpapi kashajtin tukuy imapi allin rerqa.

Génesis 39:3

Patronnenqa repararqa Señor paywampuni kasqanta, chayrayku tukuy imapi allin risqanta.

2 Samuel 13:28

Absalontaj kamachi runasninta kamachisqa: Sumajta qhawankichej Amnonta, umanta vino muyuchejtinñaqa, noqa nisqaykichej wañuchinaykichejta, qankunataj chaypacha wañuchinkichej. Ama manchachikunkichejchu chayta ruwayta, noqa jinata kamachisusqaykichejrayku. Ajinaqa kallpachakuychej wapuchakuychejtaj.

1 Crónicas 28:20

Chaypacha Davidqa Salomonman nerqa: Kallpachakuy, sinch'itataj sayay, llank'aj pachataj churakuy. Ama iskayrayaychu, nitaj manchachikuychu, Señor Diosneyqa qanwampuni kanqa. Payqa mana saqesonqachu, nitaj qonqarparisonqachu, Señorpa yupaychana wasimpi tukuy ruwanasta tukuyaykikama.

2 Crónicas 15:7

Chayrayku qankunaqa wapuchakuychej, amataj iskayrayaychejchu tukuy ruwasqasniykichejmanta t'inkachisqas kankichej.

Salmos 46:7

Atiyniyoj Señor Diosninchejqa noqanchejwan kashan. Jacobpa Diosnenqa pakakuyninchej.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Isaías 43:5

Ama manchachikuychu. Noqa qanwan kashani. Inti llojsimuymantapacha, inti yaykuymantawan runasniykita tantaykampusqayki.

Hageo 2:4

Kallpachakuy, Zorobabel! Jinallataj, qampis kuraj sacerdote Josué, kallpachakuy! Tukuy runakuna, qankunapis kallpachakullaychejtaj. Llank'aychej, noqa qankunawan kashani. Noqa, Tukuy Atiyniyoj Señorqa cheqamanta niykichej.

Hageo 2:5

Imaynatachus Egiptomanta llojsimushajtiykichej, qankunawan tratota ruwarqani, chayman jina Espírituy qankunawan kanqa. Ama manchachikuychejchu.

Hechos 4:19

Pedrowan Juanwantaj, paykunaman kuticherqanku: Qankuna unanchaychej Diospa ñaupaqempi imachus cheqan kasqanta. Allinchu kanman qankunataraj ñaupajta kasunayku, chayrí Diostachu?

Deuteronomio 1:21

Kunanqa Señor Diosniykichej kay jallp'asta qopusunkichej. Chayman wichariychej, dueñochakuychejtaj, ñaupa tatasniykichejpa Señor Diosninku kamachisqanman jina, ama manchachikuychejchu, nitaj kharkatitiychejchu.

Deuteronomio 20:1

Sichus maqanakoj llojsinkichej, enemigosniykichejtaj rikhurisonqachej ashkha caballosniyoj, carretasniyoj ima, qankunamanta aswan ashkha soldadosniyoj ima chayqa, ama paykunamanta manchachikunkichejchu. Egiptomanta orqhomusorqachej chay Señor Diosniykichejqa qankunawan kashan.

Deuteronomio 31:23

Numpa wawan Josuemanta Señorqa kay jinata kamacherqa: Qanqa sumajta kallpachakuy, sinch'itataj sayay. Qan israelitastaqa pusaykunki, paykunaman qonayta nerqani chay jallp'aman, noqataj qanwampuni kasaj.

Deuteronomio 31:28

Kayman pusamuwaychej sapa ayllumanta kuraj kamachejkunata, kurajkunasniykichejtawan kay imasmanta paykunaman parlanaypaj, paykunaj contrankutataj janaj ñaupaqempi, kay jallp'aj ñaupaqempipis ninaypaj.

Josué 1:10

Chaymanta Josueqa kamachiykunasta israelitaspa kurajkunasninman qon, jinata nispa:

Josué 1:17

Qantaqa kasusqaykupuni, ñaupajta imaynatachus Moisesta kasorqayku ajinata. Noqaykoqa munayku Señor Diosniyki qanwampuni kananta, imaynatachus Moiseswan karqa ajinata.

Josué 1:18

Pillapis kamachisqaykita jark'ajqa, chayri imatachus kamachisqaykita mana kasukojqa, wañuchun. Noqaykoqa munayku qan sumaj kallpachasqa wapu kanallaykita.

Josué 10:25

Chaymanta Josueqa nillarqataj: Ama manchariychejchu, nitaj kharkaychejchu, astawanqa sinch'is, wapustaj kaychej. Imaraykuchus Señorqa ajinatapuni ruwanqa qankunawan maqanakoj enemigosniykichejtaqa, nispa.

Josué 10:8

Señortaj Josueman nerqa: Ama paykunamantaqa manchachikuychu, noqa makisniykiman jaywasqayki, ni mayqenninku ñaupaqeykipi sayayta atenqankuchu.

Josué 3:7

Señortaj Josueman nerqa: Kunan p'unchaymantapacha may sumaj runata ruwasqayki israelitaspa ñaupaqempi. Ajinapi paykuna yachanqanku noqa qanwampuni kasqayta, imaynatachus Moiseswan karqani jinata.

Josué 6:27

Josuetaqa Señor maytapuni yanaparqa. Josué may mentasqa kasqantataj tukuy chay jallp'api uyarerqanku.

Josué 8:1

Señorqa Josueman nerqa: Ama manchachikuychu, nitaj iskayrayaychu. Tukuy soldadosniykita pusariykukuspa Hai llajtaman wichariy, noqa Hai llajtaj reyninta, runasnintawan makisniykiman jaywasqayki. Chaymantaqa jallp'asninku, llajtanku imataj qampata kanqa.

Jueces 6:14

Señorqa payta qhawarispa nerqa: Chay kallpayki kajwan, riy israelitasta kacharichimuy madianitaspa kamachiyninmanta. Noqamin kachashayki.

1 Samuel 10:7

Kay imas qhatirisojtenqa, imachus allin rijch'asonqa chayta ruway, Diostaj yanapasonqa.